AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Quru sərhədlər niyə bağlıdır? - Geosiyasi təlatümlərə qarşı strateji qərar


Tarix 22.06.25, 16:54	Font ölçüsü : - / +

İsrail və İran arasında yaşanan hərbi qarşıdurma Azərbaycanın quru sərhədlərinin bağlı qalması məsələsini yenidən gündəmə gətirib. Hətta əvvəllər sərhədlərin bağlı saxlanılmasına narazılıq edənlər belə indi bu addımın doğru olduğunu təsdiqləyir və Azərbaycan hökumətinin bu yöndə yürütdüyü siyasəti təqdir edir.

İsrailin İrana qarşı həyata keçirdiyi hava hücumlarına ABŞ-nin də qoşulması və İranın İsrailə cavab zərbələri endirməsi bölgədə gərginliyin hələ uzun müddət davam edəcəyini göstərir. Bu isə həm də qonşuluqda yerləşən Azərbaycanın milli təhlükəsizliyinə təhdidlər yaradır.

Bu mənada quru sərhədlərin bağlı saxlanılması Azərbaycanın milli maraqlarının qorunması baxımından strateji əhəmiyyət kəsb edir. Bütövlükdə regionda baş verən geosiyasi təlatümlər hələ 5 il əvvəl pandemiyanın yayılması ilə bağlı qəbul edilmiş bu qərarın indiyədək qüvvədə olmasının nə qədər düşünülmüş və strateji baxımdan əsaslandırılmış olduğunu göstərir.

Azərbaycanın Şimal və Cənub qonşuları hazırda hərbi qarşıdurma və gərginlik içərisindədir. Qonşu ölkələrə endirilən hava hücumları, dron zərbələri, nüvə obyektlərinin hədəfə alınması bundan da ciddi regional təlatümlərə səbəb ola bilər.

Bu baxımdan sərhədlərin açılması kütləvi miqrant axınına, ictimai-siyasi sabitliyin və sosial-iqtisadi tarazlığın pozulmasına yol aça bilərdi.

Bununla yanaşı, sərhədlərin bağlı olması qeyri-sabit qonşu ölkələrdən müxtəlif təxribatların, radikal qrupların və kəşfiyyat şəbəkələrinin ölkəyə sızmasının qarşısını alır, ideoloji təsir risklərini minimuma endirir. Həmçinin, sərhəd bölgələrində yaşayan əhalinin təhlükəsizliyini və sosial sabitliyini təmin edir.

İşğalçı Ermənistanla müharibə vəziyyətindən yenicə çıxmış və hələ də müəyyən təhdidlərlə üz-üzə olan Azərbaycan üçün bunun nə qədər vacib olduğu demək çətin deyil.

Prezident İlham Əliyev öz çıxışlarında dəfələrlə bu mövzuya toxunaraq bildirib ki, Azərbaycanın daxili sabitliyi və ictimai təhlükəsizliyi hər şeydən önəmlidir və sərhəd məsələsində qərar verilərkən məhz bu prioritetlər əsas götürülüb: "Prezident, milli təhlükəsizlik məsələləri ilə gündəlik məşğul olan bir şəxs kimi deyə bilərəm ki, biz sərhədlərimizi bağladıqdan sonra milli təhlükəsizliyimiz üçün çox böyük faydalar gördük və bu, reallıqdır. Bəli, insanlar bunu nəzərə almalıdırlar. Biz başa düşürük ki, Azərbaycanda insanlar üçün, eləcə də qonşuluğumuzda yaşayan azərbaycanlılar və başqa millətlər üçün narahatlıq var, lakin milli təhlükəsizlik bütün digər hisslərdən və ya bütün digər səbəblərdən üstün olmalıdır. Xüsusən də şimal sərhədimizdə müharibə, cənub sərhədimizdə böhran olduğu bir vaxtda". (Aprelin 23-də ADA Universitetində keçirilən “COP29 və Azərbaycan üçün Yaşıl Baxış” mövzusunda beynəlxalq forumdakı çıxışından).

Lakin bu, o demək deyil ki, Azərbaycan qonşu ölkələrdə yaranan böhranlı humanitar vəziyyətdən naraharlıq keçirmir. Həmişə olduğu kimi rəsmi Bakı bu dəfə də humanitar məsələlərə qarşı xüsusi həssaslıq göstərir və prosesin önündə gedir. Elə bu günlərdə İrandan xarici ölkə vətəndaşlarının məhz Azərbaycan üzərindən öz ölkələrinə evakuasiya edilməsi də fikrimizin əyani sübutudur.

Xəbərin oxunma sayı : 2890