AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Rusiyanın anti-Azərbaycan təbliğatı: Gebbels üslubunda siyasət - ŞƏRH


Tarix 08.09.25, 21:19	Font ölçüsü : - / +

Azərbaycan Rusiya təbliğat maşınının növbəti hədəfinə çevrilib.

AZAL təyyarəsi və Yekaterinburqda hadisələrə biganə qalmayan Azərbaycan dövlətinin qisasını Kreml bu ölkədə yaşayan azərbaycanlılardan almağa üstünlük verib. Müxtəlif ranqlı azərbaycanlılara qarşı uydurma cinayət işlərinin açılması, bu işlərin mətbuatda xüsusi işıqlandırılması və azərbaycanlı olmasının əlahiddə qeyd edilməsi Gebbels siyasətinin XXI əsrdə Rusiyada yaşadığını nümayiş etdirir.

Bu xüsusda yada salmaq yerinə düşər ki, avqustun sonunda bir sıra mətbuat orqanlarında Rusiya Təhlükəsizlik Şurasının iclasında Prezident Vladimir Putinin Azərbaycana qarşı təbliğatın gücləndirilməsi barədə göstəriş verməsi dərc edildi. Məhz bundan sonra bu ölkədə azərbaycanlılara qarşı təzyiqlər daha artdı.

Son həftələrdə isə bu ölkədə daha da irəli gedərək azərbaycanlıları sadə cinayətkar kimi göstərmirlər. Artıq azərbaycanlılar terrorçudurlar, dini radikallarla əlaqəlidirlər, və Ukrayna xüsusi xidmət orqanlarının sifarişi ilə fəaliyyət göstərirlər. Qəribədir ki, azərbaycanlıların "kriminal aləmə" məxsus olması, "terrorçuluqla" məşğul olması Rusiyanın Azərbaycanla münasibətlərinin korlanmasından sonra üzə çıxıb.

Azərbaycan və azərbaycanlılara qarşı təbliğatın ifrat dərəcəsinə çatmasını isə Rusiyanın aparıcı informasiya agentliyi TASS-ın məlumatı təsdiq edir. Belə ki, Azərbaycan adının hər bir halda neqativ formada səsləndirilməsi üçün bu agentlik əlindən gələni edir.

Sentyabrın 9-da Azərbaycanda anadan olmuş şəxsin general Kirillovun ölüm işində yeni fiqurant olması barədə xəbəri isə bütün hədlərin aşması deməkdir. Xəbər başlığından belə düşünmək olar ki, söhbət hər hansı bir azərbaycanlıdan gedir. Amma mətni oxuduqda məlum olur ki, adıçəkilən şəxs erməniəsillidir və Azərbaycana aidiyyatı onun Bakıda anadan olmasıdır. Təbii ki, bu halda söhbət xəbərlə manipulyasiyadan gedir, belə ki, Robert Safaryan Bakıda anadan olsa da, hazırda Rusiya vətəndaşıdır. Bütün jurnalistika və etika qaydalarına hündür nöqtədən tüpürən TASS agentliyi Azərbaycan haqqında neqativ rəyin formalaşdırılması tapşırığına uyğun olaraq yeri gəldi-gəlmədi ölkənin adını bütün mənfi informasiyarlarda hallandırır.

Söhbət təkcə bir agentliklə məhdudlaşsaydı, bunu həmin informasiya resursunda Azərbaycan və azərbaycanlılara qarşı qərəzli insanların fəaliyyət göstərməsi ilə əlaqələndirmək olardı. Amma görünən budur ki, belə tendensiya bütün Rusiya mətbuatındadır və bu bir mərkəzdən idarə edilir.

Avqustun sonlarında Rusiya mətbuatı (Kommersant, Kavkazski uzel və digərləri) bir qadının xarici xüsusi xidmət orqanları ilə əməkdaşlıq etdiyinə görə Ryazan məhkəməsi tərəfindən məhkum edilməsi barədə məlumat yayıb. Ukraynada müharibə başlayandan sonra bu tip məhkəmə qərarları Rusiyada adi hal aldığından, xəbərin özü təəccüb doğurmur. Məlumatın "Bakıda anadan olan qadın" başlığı ilə verilməsi isə Rusiyada Azərbaycan əleyhinə sistemli təbliğat aparıldığına şübhə yeri qoymur.

Cinayətkarın milliyəti, dini olmur kimi jurnalistikanın qızıl qaydası digər qaydalar kimi Rusiyada tapdaq altına alınıb və bunun oxşarlarını yalnız ötən əsrin 30-cu illərində faşist Almaniyasında tapmaq olar.

Nədənsə Bakıda anadan olan, hazırda Sankt-Peterburqun qubernatoru olan Aleksandr Beqlov haqqında xəbər yazanda Rusiya mətbuatı onun əslən Azərbaycandan olmasını xatırlatmaq istəmir. Eynilə Rusiyada sevilən bir sıra mədəniyyət xadimlərinin, misal üçün Emmanuel Vitorqanın adı çəkiləndə də əslən Bakıdan olması yada düşmür.

Xəbərin oxunma sayı : 1051