AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Proses gedə-gedə bir nəfərdən də 50 min manat alıb - Məhkəmə


Tarix 20.11.23, 21:54	Font ölçüsü : - / +

Tanınmış idmançı Kamil Zeynallı və başqalarına qarşı dələduzluq etməkdə təqsirləndirilən Emil Ağayevin cinayət işi üzrə növbəti məhkəmə prosesi keçirilib.

APA xəbər verir ki, Bakı Ağır Cinayətlər Məhkəməsində hakim Əli Məmmədovun sədrliyi ilə keçirilən prosesdə zərərçəkmiş - Şeyx İsmayılov və Eldar Tağıyev ifadə verib.

Zərərçəkmiş Şeyx İsmayılov ifadəsi zamanı ona 17 min manat zərər dəydiyini deyib: "Bakıda evim vardı. Satdım ki, rayonda ev tikdirəm. Vaxtım çox yox idi. İnternetdə Emil Ağayevin şirkətini tapdım. Danışdım özü ilə, mənə dedi şirkətin direktoruyam. Mənə 31 min manatlıq ev tikməli idi. Əvvəl 15 min 500 manat verdim. Sonra qardaşı ilə görüşəndə 9 min 300 manat verdim. Evlə maraqlananda da gördüm sadəcə, təməl atılıb başqa iş görülməyib.

Zəng edəndə də hər dəfə bir şey bəhamə edirdi. Bir dəfə də Kamil Zeynallını bəhanə elədi. Bilmirəm, Kamil Zeynallı ilə mənim evimin nə əlaqəsi var".

Digər zərərçəkmiş Eldar Tağıyev ən çox zərərin ona dəydiyini bildirib: "2022-ci ildə Emilin şirkəti barədə sosial şəbəkədə gördüm. Qəbələnin Vəndam qəsəbəsində 12 sot torpağım vardı. Emillə görüşdük dedim ki, o həyətdə 3 ədəd ev tikilməlidir. Mənə ümumi rəqəm kimi 78 min manat dedi. 2022-ci ilin avqustunda xərclədiyim rəqəm artıq 122 min manat olmuşdu.

Mənim evimdə 34 min manatlıq iş görülüb. Araşdıranda öyrəndim ki, Emilin barəsində Sumqayıt Ağır Cinayətlər Məhkəməsində də proses gedir. Həmin məhkəmə gedə-gedə başqa birindən də 50 min manat alıb. Mənə dəymiş ziyan 80 min manatdır. 70 min manatımı qaytarsın, şikayəti geri götürüm".

Proses dekabrın 18-də davam etdiriləcək.

Qeyd edək ki, ittihamda göstərilib ki, təqsirləndirilən şəxs Emil Ağayev Ceyhun Baloğlanovdan 58 min manat, idmançı Kamil Zeynallının etibarından sui-istifadə edərək ona 20 min manatını mənimsəyib. Təqsirləndirilən şəxs eyni üsulla Vasif Yusifova qarşı 53 min manat dələduzluq edib.

İş üzrə ümumilikdə E. Ağayev 7 nəfərə qarşı 300 min manat dələduzluq edib. E. Ağayev zərərçəkmişlərə ev tikmək adı ilə söz versə də, sonradan yığılan məbləği mənimsəyib.

Emil Ağayev Cinayət Məcəlləsinin 178.3.2-ci (Dələduzluq-külli miqdarda ziyan vurmaqla törədildikdə) maddəsi ilə təqsirləndirilir. Onun ev tikintisi ilə məşğul olduğu bildirilir. Təqsirləndirilən şəxs ümumilikdə 300 min manatdan çox pul vəsaitini dələduzluq yolu ilə ələ keçirməkdə ittiham olunur.

Xəbərin oxunma sayı : 892