AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

“Mercedes - Benz“ nədən İflas astanasındadır? - ŞOK RƏQƏMLƏR


Tarix 14.11.26, 12:46	Font ölçüsü : - / +

Dünya avtomobil sənayesinin rəmzlərindən sayılan “Mercedes-Benz” tarixinin ən ağır maliyyə və istehsal böhranlarından birini yaşayır. Satışların kəskin azalması və mənfəətin yarıbayarı əriməsi konsern rəhbərliyini radikal qərarlar astanasına gətirib. Artıq şirkət daxilində Almaniyadakı zavodların bir qisminin qapısına qıfıl vurulması və ölkə daxilindəki bütün yeni investisiyaların dondurulması ciddi ssenari kimi müzakirə olunur.

Musavat.com konsernin rəsmi maliyyə hesabatlarına istinadən xəbər verir ki, şirkətin İdarə Heyəti Almaniyadakı istehsal müəssisələrinə ayrılan bütün əlavə vəsaitləri dayandırmaq barədə ortaq mövqeyə gəlib.

“Mercedes-Benz Group”un 2026-cı ilin üçüncü rübü üzrə açıqladığı rəsmi maliyyə göstəriciləri vəziyyətin nə qədər kritik olduğunu bütün çılpaqlığı ilə göstərir. Belə ki, şirkətin üçüncü rübdə ümumi gəliri ötən ilin eyni dövrü ilə müqayisədə 4,5 faiz azalaraq 32,1 milyard avrodan 30,7 milyard avroya düşüb. Minik avtomobillərinin qlobal satışı illik müqayisədə 8 faiz geriləyərək 407 min ədəd təşkil edib. Ən ağır zərbə isə konsernin əsas qazanc mənbəyi sayılan Çin bazarından gəlib — burada satışlar düz 31 faiz çökərək 86 800 avtomobilə enib. Çinli yerli istehsalçıların aqressiv rəqabəti və tələbatın kəskin zəifləməsi alman brendini bazardan sıxışdırmağa başlayıb. Nəticədə minik avtomobilləri bölməsinin əməliyyat mənfəəti iki dəfədən çox azalaraq 1,12 milyard avrodan 560 milyon avroya düşüb, satış rentabelliyi isə 4,8 faizdən 2,5 faizə geriləyib. Bu səbəbdən rəhbərlik 2026-cı il üzrə ümumi rentabellik proqnozunu da 3–5 faizdən 2–3 faizə endirməyə məcbur qalıb.

Şirkətin istehsal üzrə direktoru Mixael Şibe daxili yazışmalarda və alman mediasına açıqlamasında mövcud xərc strukturu ilə Almaniyada yeni sərmayə qoymağın artıq mümkün olmadığını bəyan edib. Onun sözlərinə görə, Almaniyada bir istehsal saatının dəyəri Şərqi Avropa ölkələrindəki, xüsusilə Rumıniya və Macarıstandakı zavodlarla müqayisədə 5 dəfəyə qədər baha başa gəlir.

Konsernin baş direktoru Ola Kallenius da vəziyyətin çıxılmaz olduğunu təsdiqləyib. O, Almaniyadakı əmək xərclərini 100 vahid qəbul edərək, bu göstəricinin ABŞ-da 80, Macarıstanda 30, Rumıniyada 20, Çində isə cəmi 10–20 səviyyəsində olduğunu vurğulayıb. Rəhbərlik Almaniyadakı işçi xərclərini ən azı 20 faiz azaltmağı, həftəlik iş saatını maaş artımı olmadan 35 saatdan 40 saata qaldırmağı və əlavə bonusları ləğv etməyi tələb edir.

İnsan resursları üzrə direktor Britta Zeger həmkarlar ittifaqı (“IG Metall”) və İşçi Şurası ilə aparılan danışıqların dalana dirəndiyini açıqlayıb. O bildirib ki, rəhbərlik zavodların bağlanmasından qaçmağa çalışsa da, güzəştə gedilməyəcəyi təqdirdə "çox sərt addımlar" atılacaq və hansı müəssisələrin fəaliyyətini davam etdirəcəyi hazırda detallı şəkildə araşdırılır.

Qeyd edək ki, Mixael Şibe hələ sentyabr ayında işçilərlə görüşdə xərclər azaldılmayacağı halda Almaniyada bir avtomobil yığımı zavodunun və bir güc aqreqatları (mühərrik və transmissiya) zavodunun bağlanacağı ilə bağlı xəbərdarlıq etmişdi. Hazırda “Mercedes-Benz”in Almaniyada 3 əsas avtomobil yığımı (Zindelfingen, Raştatt, Bremen) və 7 komponent/mühərrik zavodu (Untertürkhaym, Affalterbax, Berlin, Hamburq və s.) fəaliyyət göstərir. Konkret hansı müəssisənin qapadılacağı hələ açıqlanmasa da, rəhbərlik yeni nəsil modellərin istehsalının tamamilə xaricə — xüsusilə illik istehsal gücü 400 min avtomobilə çatdırılan Macarıstandakı Keçkemet zavoduna köçürülə biləcəyini istisna etmir.

Xəbərin oxunma sayı : 475