AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Rusiya NATO-dan nə istəyir? - Qafqaz da Moskvanın tələbləri arasındadır rusiya-nato-dan-ne-isteyir


Tarix 14.11.26, 10:19	Font ölçüsü : - / +

Rusiya NATO-dan qoşunları və hərbi bazaları alyansın 1997-ci ildən əvvəlki mövqelərinə çəkməsini tələb edib.

“Qafqazinfo” xəbər verir ki, bu barədə “The New York Times” Əbu-Dabi danışıqlarının iştirakçısından əldə etdiyi və Moskvanın tələblərinin əks olunduğu sənədin surətinə istinadən məlumat yayıb.

Nəşrin məlumatına görə, Moskvanın əsas tələbləri 2021-ci ilin dekabrından, Rusiyanın NATO-dan genişlənmədən imtina etməyi və alyansın Şərqi və Mərkəzi Avropadakı hərbi fəaliyyətini əhəmiyyətli dərəcədə məhdudlaşdırmağı tələb etdiyi vaxtdan, demək olar ki, dəyişməyib.

Yeni sənəddə Moskva hərbi alyansdan 1997-ci ildən sonrakı genişlənməsini, eləcə də Ukraynada və Şərqi Avropanın, Cənubi Qafqazın və Mərkəzi Asiyanın digər bölgələrində “istənilən hərbi fəaliyyəti” istisna etməyi tələb edir.

Rusiya həmçinin Ukraynaya istənilən növ Qərb silahı, hərbi texnika və hərbi təyinatlı məhsulların tədarükünün dayandırılmasında israr edir. Moskva Ukraynanın Avropa İttifaqına daxil olmasını qəbul edə biləcəyini bildirib, lakin bunun üçün Kiyev birliyin ümumi müdafiə siyasətində iştirak etməməlidir.

Bundan əlavə, Rusiya tərəfi Fransa və Böyük Britaniyadan öz nüvə silahlarının digər Avropa dövlətlərinin müdafiəsi üçün istifadə olunması imkanını istisna etməyi tələb edir.

Rusiya rəsmiləri həmçinin “soyuq müharibə”ni və SSRİ-nin başçılıq etdiyi Varşava Müqaviləsi Paktını müharibədən sonrakı Avropa üçün model kimi təqdim ediblər. Onların iddiasına görə, qitənin ABŞ və Sovet nüfuz dairələrinə bölünməsi, eləcə də onlar arasında mövcud olan kommunikasiya və qarşılıqlı anlaşma mexanizmləri münaqişə riskini azaldırdı.

ABŞ tərəfi isə öz növbəsində Moskvadan 2021-ci ilin dekabrından sonra baş vermiş dəyişiklikləri nəzərə almağa və gələcəyə köklənməyə çağırıb.

Nəşrin istinad etdiyi, imza və ya rəsmi rekvizitlərin olmadığı bu sənəd tərəflərdən birinin mövqeyini ifadə edən qeyri-rəsmi diplomatik sənəd hesab olunur. Danışıqların iştirakçıları sənəddə əks olunan tələblərin Moskvanın ilkin mövqeyini əks etdirdiyini qeyd etsələr də, Rusiya nümayəndələri Prezident Vladimir Putinin çeviklik göstərə biləcəyini bildiriblər.

Xatırladaq ki, noyabrın 10-11-də Birləşmiş Ərəb Əmirliklərinin (BƏƏ) paytaxtı Əbu-Dabi şəhərində Ukrayna, ABŞ və Rusiyanın iştirakı ilə üçtərəfli danışıqlar baş tutub. Danışıqlardan sonra Uitkoff və Kuşner əvvəlcə Moskvada Putinlə, daha sonra Dublində Ukrayna Prezidenti Vladimir Zelenski ilə görüşüblər.

Xəbərin oxunma sayı : 379