AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Azərbaycandan xaricə milyonlar çıxaran dəstə - Qazaxlı “Musto“, Aqil, Nicat və digərləri...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Gəncə bazarında qudaların qanlı davası - TƏFƏRRÜAT


Tarix 04.07.22, 10:58	Font ölçüsü : - / +

Gəncə şəhərində 1965-ci il təvəllüdlü Nemət şəxsi münasibətlər zəminində tanışı Elxana bıçaqla xəsarət yetirib.

Demokrat.az-ın əldə etdiyi məlumata görə, hadisə ötən il iyulun 18-də, saat 05 radələrində Gəncə şəhəri, Kəpəz rayonu, Azərbaycan Bayrağı küçəsində yerləşən “ABAD MMC”yə məxsus bazarda baş verib. Orada Nemət aralarında yaranan münaqişə zəminndə Elxanı bıçaqla vurub.

İstintaq orqanı tərəfindən Nemətin barəsində Cinayət Məcəlləsinin 126.2.4-cü (ümumi təhlükəli üsulla, xuliqanlıq niyyətilə qəsdən sağlamlığa ağır xəsarət yetirmə) maddəsi ilə ittiham elan edilib.

Onun barəsində olan cinayət işi baxılması üçün Gəncə Ağır Cinayətlər Məhkəməsinə göndərilib. İş hakim Xəqani Səmədovun sədrliyi ilə baxılıb.

Məhkəmədə təqsirləndirilən şəxs qismində ifadə verən Nemət ona elan olunmuş ittiham üzrə özünü təqsirli bilib. O bildirib ki, ailəsindən 1997-ci ildə ayrılıb: “Bir qızım və iki oğlum var. Uzun illər Rusiya Federasiyasında yaşamışam. 3 iyul 2019-cu ildə Rusiya Federasiyasından qayıdaraq Gəncə şəhərində yaşamağa başladım. “Dubay bazarı” adlanan bazarda fəhləliklə məşğul oluram. Elxanı təxminən 20 ildən çoxdur ki, tanıyıram. Elxan həmkəndlim olub və onunla normal münasibətlərim olub”.

Təqsirləndirilən şəxs qeyd edib ki, təxminən 2 il əvvəl onun qızı İlahiyə Elxanın oğlu Sərxan ilə qoşularaq qaçıb və ailə həyatı qurublar: “Onların toylarında nə mən, nədəki Elxan iştirak etmədik. Onlar evləndikdən 3 aydan sonra qızım İlahiyə əri Sərxan ilə münasibətləri pisləşdiyi üçün boşandılar”.

Nemət deyib ki, 17 avqust 2021-ci ildə axşam radələrində evdə yemək yeyərkən bir qədər spirtli içki qəbul edib: “İyulun 18-də, saat 02 radələrində həmişə olduğu kimi işlədiyim “Dubay bazarı” adlanan bazara getdim. Bazara getdikdən sonra həmişəki kimi fəhlə olaraq meyvələrin maşınlardan boşaldılması və daşınması ilə məşğul oldum. Saat 04.30-da bir şüşə pivə alaraq içdim. Saat 5 radələrində çiyələklərin seçilməsi ilə məşğul olarkən məndən təxminən 3 metr aralıda bir neçə nəfər şəxsin deyib, güldüyünü gördüm. Onlara baxarkən, həmin şəxslərin arasında keçmiş qudam Elxanı gördüm. Bərk əsəbləşdim. İiçkili olduğumdan Elxanın məni ələ salaraq güldüyünü fikirləşdim. Əsəbi olduğum üçün həmin bazarın giriş tərəfindəki bulağa yaxınlaşdım. Əl-üzümü yudum və daha sonra keçmiş qudam Elxanın tək dayandığını gördüm. Ondan məni tanıyıb-tanımadığını soruşdum. Elxan mənə “niyə tanımıram... Nemət deyilsənmi..” dedi. Bundan sonra bərk əsəbləşərək üzərimdə olan bıçaqla Elxanın qarın nahiyəsindən bir dəfə zərbə endirdim. Bu zaman Elxanın qardaşı uşaqları və bazarda olan adamlar ora toplaşmağa başladılar. Onların yaxınlaşdığını gördüm və oradan uzaqlaşdım. Bazarın digər qapısından çıxaraq “Bayraq meydanı” adlanan parka getdim və həmin parkda Elxana xəsarət yetirdiyi bıçaqdakı qan izlərini salfet ilə sildim. Sonra həmin bıçağı cibimə qoydum. Bundan sonra evə gəldim. Evdı polis əməkdaşları məni tutdular, polis idarəsinə apardılar”.

Məhkəmənin hökmü ilə Nemət 6 il müddətinə azadlıqdam məhrum edilib.

Xəbərin oxunma sayı : 1201