AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sabiq nazir müavini onu son anda bağışladı - Məhkəmə xitam verdi...


Tarix 07.10.26, 18:04	Font ölçüsü : - / +

Gənclər və İdman Nazirinin sabiq müavini Mariana Vasileva “Xəzri” İdman Klubunun direktoru Əli Kərimovdan xüsusi ittiham qaydasında şikayət edib.

Qaynarinfo xəbər verir ki, məhkəməyə müraciətə səbəb Əli Kərimovun “Facebook” sosial şəbəkəsində Mariana Vasileva ilə bağlı paylaşdığı yazılar olub.

Şikayət ərizəsində bildirilib ki, Əli Kərimov müxtəlif vaxtlarda sabiq nazir müavininin fotoşəkillərini paylaşaraq onun barəsində böhtan və təhqir xarakterli ifadələr işlədib.

Məhkəmə-linqvistik ekspertizasının rəyində də sözügedən paylaşımlardakı bir sıra ifadələrin təhqir məzmunlu olduğu öz təsdiqini tapıb. Həmçinin bəzi məlumatların həqiqiliyi sübuta yetirilmədiyi təqdirdə böhtan xarakterli hesab edilə biləcəyi bildirilib.

Mariana Vasileva Əli Kərimovun Azərbaycan Respublikası Cinayət Məcəlləsinin 147.1-ci (böhtan) və 148-ci (təhqir) maddələri ilə cinayət məsuliyyətinə cəlb olunmasını və barəsində ittiham hökmü çıxarılmasını istəyib.

Lakin məhkəmə iclasında tərəflərin barışdığı məlum olub.

Belə ki, Əli Kərimov sosial media hesabında Vasilevadan üzr istəyib. Bundan sonra Mariana Vasileva xüsusi ittihamdan imtina etdiyini bildirərək cinayət təqibinə xitam verilməsini xahiş edib. Əli Kərimov da tərəflər arasında barışıq əldə olunduğunu təsdiqləyib və işə xitam verilməsini istəyib.

Məhkəmə xüsusi ittihamçının cinayət təqibindən imtina etməsini nəzərə alaraq Əli Kərimov barəsində Cinayət Məcəlləsinin 147.1 və 148-ci maddələri ilə olan cinayət təqibinə xitam verilməsi barədə qərar qəbul edib.

Qərarda həmçinin qeyd olunub ki, xüsusi ittiham qaydasında təqib olunan şəxslə xüsusi ittihamçı arasında barışıq əldə edildiyi halda məhkəmə məsrəflərini tərəflərdən birinin və ya hər ikisinin üzərinə qoya bilər.

İş üzrə aparılmış linqvistik ekspertizanın dəyəri 200 manat təşkil edib. Bundan əlavə, Əli Kərimovun müdafiəsi ilə bağlı vəkil tərəfindən sərf edilən 20 saatlıq iş üçün 220 manat vəsaitin dövlət büdcəsindən ödənilməsi qərara alınıb.

Qeyd edək ki, bir müddət əvvəl Sabunçu Rayon İcra Hakimiyyətinin keçmiş başçısı Adil Vəliyevin oğlu, Azərbaycan Tennis Federasiyasının prezidenti Ənvər Ənvərli də “Xəzri” İdman Klubunun direktoru Əli Kərimovu məhkəməyə vermişdi.