AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Avtomobil gətirmək adı ilə 385 minlik dələduzluq - Qərar dəyişmədi


Tarix 07.10.26, 10:02	Font ölçüsü : - / +

Avtomobil gətirmək adı ilə 385 minlik dələduzluq - Qərar dəyişmədi

Sumqayıt Apellyasiya Məhkəməsində dələduzluqda təqsirləndirilən Sənan Qasımovun (adı, soyadı şərtidir) barəsindəki qərardan verilən apellyasiya şikayəti üzrə məhkəmə prosesi başa çatıb.

AzFakt.com Pravda.az-a istinadla xəbər verir ki, hakim Elman Əhmədovun sədrliyi ilə keçirilən prosesdə qərar elan edilib.

Qərara əsasən, təqsirləndirilən şəxsin apellyasiya şikayəti təmin edilməyib.

İttihama görə, Sənan Qasımov 2023-cü ilin yanvar ayından etibarən Bakı şəhərində avtomobil satışı ilə məşğul olan şəxsə Cənubi Koreya Respublikasından satış üçün maşınlar gətirəcəyini bildirib. Tərəflər razılığa gəldikdən sonra təqsirləndirilən şəxs 2009-cu il istehsalı olan KIA avtomobili gətirəcəyini vəd edib.

Avtomobilin zərərçəkmiş şəxsin tanışının adına sifariş ediləcəyi barədə razılıq əldə olunduqdan sonra Sənan Qasımov Cənubi Koreyada fəaliyyət göstərən şirkətinin adından hesab-faktura göndərib. Sənəddə ban nömrəsi olan, 2009-cu il istehsalı KIA markalı avtomobil üçün şirkətin bank hesabına 2 700 ABŞ dolları köçürülməsi göstərilib.

S.S. Xırdalanda bank vasitəsilə 700 ABŞ dollarını həmin şirkətin hesabına köçürüb. Pul köçürməsi barədə təqsirləndirilən şəxsə də məlumat verilib.

İttiham materiallarına əsasən, Sənan Qasımov bununla kifayətlənməyib. O, 2023-cü ilin yanvar ayında avtomobilin daşınma xərcləri adı ilə zərərçəkmiş şəxsdən 2 000 dollar, öz xidmət haqqı qismində isə 400 dollar olmaqla, ümumilikdə 2 400 dollar nağd pul alıb.

Beləliklə, avtomobilin gətirilməsi ilə bağlı bank köçürməsi və nağd ödənişlər vasitəsilə zərərçəkmiş şəxsdən ümumilikdə 5 100 ABŞ dolları əldə edilib.

İttihama görə, Sənan Qasımov avtomobil gətirmək barədə verdiyi vədlərdən aldatma vasitəsi kimi istifadə edərək pul vəsaitini ələ keçirib və bununla zərərçəkmiş şəxsə 8 670 manat məbləğində maddi ziyan vurub.

İş üzrə ittihamın mahiyyətindən görünür ki, təqsirləndirilən şəxs ayrı-ayrı şəxslərin əmlakını vahid niyyətlə və təkrarən aldatma yolu ilə ələ keçirib. Onun əməlləri nəticəsində zərərçəkmiş şəxslərə ümumilikdə təxminən 385 000 manat məbləğində maddi ziyan vurulub.

Sumqayıt Ağır Cinayətlər Məhkəməsinin hökmü ilə Sənan Qasımov Cinayət Məcəlləsinin 178.3.2-ci maddəsində nəzərdə tutulmuş cinayət əməlini törətməkdə təqsirli bilinib. Ona 8 il müddətinə azadlıqdan məhrumetmə cəzası təyin edilib.

Xəbərin oxunma sayı : 160