AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Nazir tədbirə getmədi, hoteldə ölü tapıldı - Almaniyada müəmmalı hadisə


Tarix 05.11.26, 9:15	Font ölçüsü : - / +

Almaniyada yüksəkvəzifəli dövlət rəsmisinin qəfil ölümü ölkənin siyasi gündəminə çevrilib.

Musavat.com xəbər verir ki, Bavariya federal əyalətinin baş nazirinin müavini, iqtisadiyyat, regional inkişaf və energetika naziri Hubert Ayvanqer Berlində hoteldə ölü tapılıb.

Bu barədə Almaniyanın “Süddeutsche Zeitung” qəzeti məlumat yayıb. Nəşr və DPA xəbər agentliyi Bavariya hökumətindəki mənbələrə istinadla 55 yaşlı siyasətçinin ölümünü təsdiqləyib.

Məlumata görə, noyabrın 4-də Berlində Ayvanqerin rəhbərlik etdiyi “Azad Seçicilər” Partiyasının yeni paytaxt ofisinin açılışı keçirilib. Siyasətçinin tədbirdə iştirak etməsi gözlənilsə də, o, özünü pis hiss etdiyindən mərasimə qatılmayıb.

Ayvanqerin Berlinin mərkəzində yerləşən “Neuer Fritz” hotelində qaldığı bildirilir. Daha sonra onun hoteldə cansız bədəni aşkarlanıb.

Almaniya mətbuatının məlumatına görə, hadisə ilə bağlı Berlin polisi və Bavariya hökumətindəki mənbələr məlumatlıdır. Siyasətçinin ölümünün dəqiq səbəbi hələ açıqlanmayıb.

Hubert Ayvanqer 1971-ci il yanvarın 26-da Bavariyanın Erqoldsbax şəhərində anadan olub. O, ali təhsilini kənd təsərrüfatı mühəndisliyi sahəsində alıb.

Siyasətçi 2006-cı ildə “Azad Seçicilər” Partiyasının Bavariya təşkilatının rəhbəri seçilib, 2010-cu ildən isə partiyanın federal səviyyədə liderliyini həyata keçirib.

2008-ci ildə Bavariya parlamentinə deputat seçilən Ayvanqer on il ərzində partiyasının parlament fraksiyasına rəhbərlik edib.

2018-ci ildə Bavariyada Xristian-Sosial İttifaqı ilə “Azad Seçicilər” arasında koalisiya hökuməti formalaşdırıldıqdan sonra Ayvanqer iqtisadiyyat naziri və baş nazir Markus Zöderin müavini təyin olunub. O, 2023-cü il seçkilərindən sonra da vəzifələrini qoruyub.

Ayvanqer Almaniyanın miqrasiya, enerji və iqtisadiyyat siyasətinə dair sərt mövqeyi ilə tanınıb. Onun rəhbərlik etdiyi siyasi qüvvə Bavariyada mühüm koalisiya tərəfdaşlarından biri hesab olunurdu.

Siyasətçi rəsmi nikahda olmayıb. O, yerli siyasətçi Taniya Şvaygerlə birlikdə yaşayıb və cütlüyün iki oğlu var.

Xəbərin oxunma sayı : 130