AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Aİ Ukraynanın üzvlük prosesini ləngidə bilər: Cəmi 7 istiqamət müəyyənləşdirilib


Tarix 04.11.26, 13:09	Font ölçüsü : - / +

Avropa İttifaqı (Aİ) Ukraynanın quruma üzvlüyü ilə bağlı danışıqlar üçün daha ehtiyatlı yol xəritəsi hazırlayıb.

Bu barədə Politico Avropa Komissiyasının genişlənmə paketi çərçivəsində hazırladığı sənədə istinadən məlumat yayıb.

Avropa Komissiyası Kiyevi islahatları sürətləndirməyə çağırsa da, 2027-ci ilədək danışıqların yalnız yeddi istiqamət üzrə ilkin olaraq tamamlanmasını mümkün hesab edir. Moldova üçün isə daha geniş və iddialı plan nəzərdə tutulub.

Sənəddə bildirilir ki, Ukrayna hüququn aliliyi sahəsində islahatların tempini təcili və əhəmiyyətli dərəcədə artırmalıdır. Bu istiqamətdə əsas tələblərin 2027-ci ilin ilk yarısında yerinə yetirilməsi ayrı-ayrı sahələr üzrə danışıqların ilkin başa çatdırılması üçün vacib şərt hesab olunur.

Avropa Komissiyasının yol xəritəsinə əsasən, Ukrayna gələn il yeddi istiqamət üzrə danışıqları ilkin olaraq tamamlaya bilər. Bunlara təhsil və mədəniyyət, əqli mülkiyyət, məşğulluq və sosial siyasət, sənaye siyasəti, tədqiqat, xarici əlaqələr, eləcə də xarici və təhlükəsizlik siyasəti daxildir.

Maraqlıdır ki, Moldova üçün nəzərdə tutulan plan daha genişdir. Belə ki, Avropa Komissiyası bu ölkənin 2027-ci ilədək 20-dən çox istiqamət üzrə danışıqları yekunlaşdıra biləcəyini proqnozlaşdırır. Bu isə indiyədək paralel şəkildə aparılan Ukrayna və Moldovanın Aİ-yə üzvlük proseslərinin faktiki olaraq fərqli sürətlə davam edə biləcəyini göstərir.

Bununla yanaşı, Brüssel 2026-cı ilin sonunadək Ukraynanın iki bloklanmış danışıqlar klasterinin açılmasına çalışır. Söhbət ətraf mühit və dayanıqlı nəqliyyat, eləcə də kənd təsərrüfatı, resurslar və regional inkişaf sahələrini əhatə edən istiqamətlərdən gedir. Komissiya hesab edir ki, Kiyev bu klasterlərin açılması üçün tələb olunan şərtləri yerinə yetirib.

Sənəddə Ukraynanın Avropa İttifaqına nə vaxt üzv olacağı ilə bağlı konkret tarix göstərilmir. Komissiya hazırlanan yol xəritəsini dəyişdirilə bilən sənəd kimi təqdim edir və islahatların gözləniləndən sürətli aparılacağı təqdirdə əlavə istiqamətlər üzrə danışıqların da vaxtından əvvəl başa çatdırıla biləcəyini istisna etmir.

Ukraynanın üzvlük perspektivinə təsir edən əsas amillərdən biri də davam edən müharibədir. Aİ qaydaları müharibə vəziyyətində olan ölkələrin quruma qəbulunu birbaşa qadağan etməsə də, təhlükəsizlik, ərazi bütövlüyü və üzv dövlətlərin qarşılıqlı müdafiə öhdəlikləri ilə bağlı mürəkkəb məsələlər mövcuddur.

Qeyd edək ki, Ukrayna 2022-ci il fevralın 28-də, Rusiyanın genişmiqyaslı işğalından dörd gün sonra Aİ-yə üzvlük üçün müraciət edib. Həmin ilin iyununda Ukrayna və Moldova namizəd statusu alıb, 2024-cü ilin iyununda isə rəsmi üzvlük danışıqlarına başlayıblar.

Xəbərin oxunma sayı : 193