İnsayder Nikolo Skira: Amerikalı məşqçi Cessi Marş karyerasını Fransada davem etdirə bilər. 49 yaşlı mütəxəssis "Monako"nun maraq dairəsindədir. Marş bu postda bir müddət öncə işindən ayrılan Filipp Klemanı əvəz edəcək. 

"Evening Standard": "Çelsi" müdafiəçisi Yan Maatseni satmağa hazırlaşır. Cari mövsümü icarə əsasında "Börnli"də keçirən futbolçu elə sözügedən klubda qala bilər. "Zadəganlar" niderlandlı futbolçunu 20 milyon funt sterlinqə satmağa hazırdır. Yanın "Çelsi" ilə müqaviləsi gələn il başa çatır. 

AS: Kərim Benzema ilə vidalaşan "Real Madrid" hücumçu axtarışındadır. İspaniya nəhəngi "Tottehnem"dən hücumçu Harri Keyn və yarımmüdafiəçi Kay Xavertsi heyətinə cəlb etmək niyyətindədir. Keyn baş məşqçi Karlo Ançelotti, Xaverts isə "Real Madrid" rəhbərliyinin seçimidir. 

"Goal": "Mançester Yunayted"in yarımmüdafiəçisi Fred yay transfer pəncərəsi dönəmində klubunu dəyişə bilər. Braziliyalı futbolçu ona verilən az oyun vaxtından narazıdır. Bu səbədən yeni kluba keçmək fikrindədir. Fred cari mövsüm İPL-də 35 matçda meydana çıxıb. 

"Diario Sport": "Barselona" Serxio Busketsə əvəzedici axtarır. Kataloniya klubu "Fiorentina"dan Sofyan Amrabatla maraqlanır. Əslində "Barselona" Sofyanı yanvarda da transfer etmək istəyirdi. Lakin İtaliya klubu keçidə razılıq verməmişdi.