AzFakt

“Pilgrim Education” şirkətindən şikayətlər artır - Aisa Aslanova isə vətəndaşdan gizlənir

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Milyarderlər ən çox hansı şəhərlərdə yaşayırlar - Siyahı


Tarix 29.06.26, 14:37	Font ölçüsü : - / +

Nyu-York 146 milyarderlə dünyada ən çox milyarderin yaşadığı şəhər olaraq birinci yerdə qərarlaşıb.

Yeniavaz.com xəbər verir ki, bu məlumat dünyanın aparıcı araşdırma təşkilatlarından olan Hurun Araşdırma İnstitutunun “Hurun Global Rich List 2026” adlı hesabatında yer alıb.

Hesabatda qeyd olunur ki, Çin şəhərləri sürətlə liderə yaxınlaşır. Şençjen 132 milyarder ilə ikinci, Şanxay 120 milyarder ilə üçüncü, Pekin isə 107 milyarder ilə dördüncü yerdə qərarlaşıb.

Ekspertlər Nyu-Yorkun liderliyini “Wall Street”in maliyyə infrastrukturu, inkişaf etmiş özəl kapital bazarı, daşınmaz əmlak sektoru və texnologiya şirkətlərinin güclü ekosistemi ilə əlaqələndirirlər.

İlk onluqda Böyük Britaniyanın paytaxtı London (102 milyarder) beşinci, Hindistanın maliyyə mərkəzi Mumbay (95) altıncı, Honq Konq (88) yeddinci, San-Fransisko (86) səkkizinci, Moskva (82) doqquzuncu, Hançjou (65) isə onuncu yerdə qərarlaşıb.

Hesabata görə, Çin yalnız ən böyük şəhərləri ilə deyil, Quançjou, Suçjou, Ninbo kimi şəhərləri ilə də siyahıda güclü təmsil olunur. Ümumilikdə, reytinqdə Çinin səkkiz şəhəri yer alır və siyahıdakı bütün milyarderlərin 34 faizini özündə cəmləşdirir.

Regional bölgüyə əsasən, reytinqdə təmsil olunan şəhərlərdə yaşayan milyarderlərin 58 faizi Asiyanın payına düşür. Bu da Asiyanı dünyanın ən böyük sərvət mərkəzinə çevirir. Çinlə yanaşı, Yeni Dehli, Sinqapur, Taybey, Banqkok, Seul, Cakarta və Tokio da qlobal milyarder mərkəzləri sırasında yer alır.

Hindistanın yüksəlişi də diqqət çəkir. Mumbay və Yeni Dehli dünyanın ən çox milyarderə sahib ilk 11 şəhəri sırasında qərarlaşıb.

Bununla yanaşı, ənənəvi maliyyə mərkəzləri də mövqelərini qoruyur. London beşinci yerdə qərarlaşarkən, Paris, Milan, Stokholm və İstanbul da reytinqdə yüksək pillələrdə təmsil olunur.

Şimali Amerikada isə San-Fransisko, Los-Anceles, Dallas, Toronto və Palm Biç sərvət toplamaqda önəmli mərkəzlər olaraq qalır. Eyni zamanda, Dubayın siyahıda yer alması Yaxın Şərqin sahibkarlar, investorlar və yüksək gəlirli şəxslər üçün cəlbedici mərkəzə çevrildiyini göstərir.

Dünyada ən çox milyarderin yaşadığı şəhərlər aşağıdakı kimi olub:

Nyu-York (ABŞ) – 146 nəfər

Şençjen (Çin) – 132 nəfər

Şanxay (Çin) – 120 nəfər

Pekin (Çin) – 107 nəfər

London (Böyük Britaniya) – 102 nəfər

Mumbay (Hindistan) – 95 nəfər

Honq Konq (Çin) – 88 nəfər

San-Fransisko (ABŞ) – 86 nəfər

Moskva (Rusiya) – 82 nəfər

Hançjou (Çin) – 65 nəfər

Yeni Dehli (Hindistan) – 64 nəfər