AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Ağ Evin ən gənc mətbuat katibi: Tramp niyə onu seçdi?


Tarix 31.01.25, 20:18	Font ölçüsü : - / +

ABŞ-ın yeni Ağ Ev mətbuat katibi Karoline Leavitt cəmi 27 yaşındadır və bu vəzifəni icra edən ən gənc şəxs kimi tarixə düşüb. O, Donald Trampın seçki kampaniyasının sözçüsü kimi çalışıb.

Musavat.com “BBC”yə istinadla xəbər verir ki, K. Leavitt-in mətbuat katibi olacağını 2023-cü ilin noyabrında elan edən Tramp onun bu vəzifədə uğur qazanacağına əmin olduğunu deyib:

“Karoline ağıllı, cəsarətli və olduqca təsirli bir kommunikator olduğunu sübut edib. O, tribunalda uğur qazanacaq və Amerikaya mesajımızı çatdırmağa kömək edəcək”.

Karoline Leavitt kimdir?

O, Nyu-Hempşir ştatında doğulub və orada yerləşən Saint Anselm Kollecində kommunikasiya və siyasi elmlər üzrə təhsil alıb. O, tələbəlik illərində Fox News və Trampın Ağ Ev mətbuat ofisində təcrübə keçib və bu sahədə karyera qurmaq qərarına gəlib.

2019-cu ildə universiteti bitirdikdən sonra Trampın Ağ Ev komandasında prezidentin nitqlərinin yazarı kimi fəaliyyətə başlayıb, daha sonra isə köməkçi mətbuat katibi olub. O, həmin dövrdə Ağ Evin mətbuat katibi Keyli Makenaniyə brifinqlərə hazırlıqda kömək etdiyini və media ilə mübarizə apardığını qeyd edib.

Ağ Evdən ayrıldıqdan sonra, Leavitt Respublikaçı konqresmen Elise Stefanikin kommunikasiya direktoru olub. Daha sonra, 2022-ci ildə Nyu-Hempşirdən Konqresə namizədliyini irəli sürüb və Respublikaçıların namizədi olsa da, ümumi seçkidə Demokrat Kris Pappasa məğlub olub.

K. Leavitt-in siyasi baxışları Trampın siyasətinə yaxındır. O, iqtisadiyyatda vergilərin azaldılması və sərbəst bazar islahatlarını dəstəklədiyini bildirib. Miqrasiya məsələsində sərt mövqe tutaraq qeyri-qanuni immiqrasiyaya “SIFIR tolerantlıq” nümayiş etdirəcəyini və sərhəd divarının tikintisini tamamlayacağını vəd edib.

2024-cü ilin yanvarında Trampın üçüncü prezident seçki kampaniyasına qoşularaq onun mətbuat katibi kimi fəaliyyət göstərməyə başlayıb. İndi isə o, Ağ Ev mətbuat katibi vəzifəsinə gətirilib və ABŞ tarixində bu vəzifəni icra edən ən gənc şəxs olub.

Bundan əvvəl bu rekord 1969-cu ildə, 29 yaşında bu vəzifəyə təyin olunan Ron Ziegler-ə məxsus idi. İndi isə Karoline Leavitt Ağ Ev mətbuat brifinq otağında, Tramp administrasiyasının əvvəlki dönəmində media ilə bir çox gərgin mübahisələrin baş verdiyi həmin tribunada çıxış edəcək.

Xəbərin oxunma sayı : 949