AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Niyam Salamidən “Hacı Məhərrəm”ə şok ittihamlar: “Həmin kanatı qaynı çəkmişdi...”


Tarix 10.09.26, 18:39	Font ölçüsü : - / +

Bir neçə gün əvvəl Şəkidə fəaliyyət göstərən “Şəki yaylası” istirahət mərkəzində baş verən faciə yenidən obyektin sahibi kimi təqdim olunan iş adamı Məhərrəm Novruzovun adını gündəmə gətirib.

“Hacı Məhərrəm” kimi tanınan iş adamının obyektində əyləncə məqsədilə istifadə olunan trosun qırılması nəticəsində iki nəfərin həyatını itirməsindən sonra müğənni Niyam Salami sosial şəbəkədə onunla bağlı illərdir danışmadığı şok iddiaları açıqlayıb:

“3 ildir ki, ailəmin içərisindən başqa bu haqda danışa bilmirdim. Amma indi danışacağam. 3 ilin mənə verdiyi əzabları nə efirdə, nə də dostlar arasında danışa bilmirdim. Onu Allaha tapşırmışdım. Doğrudan da, “səbr” sözü Allahın adıymış, səbr etdim. Bu gün də gördüm ki, Hacı adından “zvanya” kimi istifadə edirsə, Allah onun cəzasını verir. Verdiyinə görə danışıram.

Novxanı tərəfdə bir obyektdə çalışırdım. Orada bir il müqavilə ilə işlədim. İkinci ilə keçəndə qış ayında belə 350 adam mənə görə obyektə gəlirdi. İşləyə-işləyə mənə zülm edirdi, hər ay mənim üstümə adam göndərib faiz qaldırırdı. Mən orada sənin üçün fəhlə işləməli idim?

Gedirdi, açıq-saçıq geyinən hansısa yəhudi qadını gətirirdi, deyirdi ki, bu qadın müdirdir. Deyirdim, axı oranı işlədən bizik, bizdən başqa bu qadın kimdir?

Pul işinə də onun adamları baxırdı. Mühasib də düz danışdığına görə məndən sonra işdən çıxarılmışdı”.

Niyam Salami bildirib ki, obyektdən ayrılmaq istəyəndə ona borcların ödəniləcəyi deyilib və bundan sonra həmin borclarla bağlı problemlərlə üzləşdiyini iddia edib:

“Mən dedim ki, istəyirəm çıxım gedim. Həmin yəhudi qadını gətirdi, qoydu mənim yerimə. Mənə başladılar zülm etməyə. Mən oradan çıxmaq istədim. Dedi ki, bu dəqiqə çıxsın. Mən də dedim ki, axı borclar var, onlar ödənilməlidir. Mənə deyildi ki, o borclar ödəniləcək və mən getdim.

Amma gedən kimi də borc üçün gələn bütün şirkətləri mənim üstümə göndərirdilər. Çünki obyekt mənim adıma olduğu üçün bütün borclu olduğumuz şirkətlər mənim üstümə gəlirdi. Onlar hər gün səhər tezdəndən başlayaraq mənə zəng edirdilər”.

Niyam Salami daha bir iddia səsləndirərək ad günü münasibətilə ona ev hədiyyə edilməsi ilə bağlı sənədlər təqdim olunduğunu, lakin sonradan həmin sənədlərin saxta olduğunu öyrəndiyini deyib:

“Hətta işlədiyim dövrdə mənim ad günümdə mənə saxta sənəd gətirmişdi ki, guya “Qurtuluş”da mənə ev hədiyyə edir. Mən onda dedim ki, o hədiyyəni istəmirəm. Dedim ki, evin qiyməti 80 min manatdırsa, onun maya dəyəri olan 40 mini ödəyəcəyəm. Mən də qol çəkdim. Amma sonra bildim ki, bütün sənədlər saxta imiş. Bu cür saxta işlərlə məşğul idi”.

Niyam Salami “Şəki yaylası” istirahət mərkəzində baş verən faciəyə də toxunaraq təhlükəsizlik məsələləri ilə bağlı ciddi ittihamlar səsləndirib:

“İndi də eşidirəm ki, onun Şəkidə açdığı obyektdə faciə baş verib. Bu işi peşəkar insanlar görməli idi. Öz qaynı o kanatı çəkmişdi, peşəkar deyildi. Ona görə də iki insan onun səhlənkarlığı ucbatından faciəli şəkildə ölüb. Çünki nə kanata baxan var idi, nə də nəzarət edən. Pul gözlərini o qədər örtüb ki, hər şeyə pulla baxır.”

Qeyd edək ki, bir neçə gün əvvəl “Şəki yaylası” istirahət mərkəzində əyləncə məqsədilə istifadə olunan trosun qırılması nəticəsində iki nəfər həyatını itirib.

Mediada yayılan məlumatlara görə, “Şəki yaylası”nın sahibi “Hacı Məhərrəm” kimi tanınan iş adamı Məhərrəm Novruzovdur. Novruzov həmçinin Masazır qəsəbəsində yerləşən “Qurtuluş-93” yaşayış kompleksinin və Novxanıda fəaliyyət göstərən “My Beach” istirahət mərkəzinin sahibi kimi təqdim olunur.

Niyam Salaminin səsləndirdiyi iddialarla bağlı qarşı tərəfin də mövqeyini dərc etməyə hazırıq.

Xəbərin oxunma sayı : 229