“İki uşaq anasıyam, kimdir məni alan?“ -Renka “Mətbəxə girmirəm, maşın sürmürəm, saçımı daramıram“ - VİDEO Sevda Yahyayevanın qısa ətəyi tənqid olundu - VİDEO “Məni çadrada görmək istəyirlər“ - Tənqidlərə cavab verdi
Axtar
 
  • / Maqazin / — 31 Avqust 2026

    “İki uşaq anasıyam, kimdir məni alan?“ -Renka

  • / Maqazin / — 11 İyul 2026

    “Mətbəxə girmirəm, maşın sürmürəm, saçımı daramıram“ - VİDEO

  • / Maqazin / — 11 İyul 2026

    Sevda Yahyayevanın qısa ətəyi tənqid olundu - VİDEO

  • / Maqazin / — 02 İyul 2026

    “Məni çadrada görmək istəyirlər“ - Tənqidlərə cavab verdi

  • / Maqazin / — 01 İyul 2026

    “Ər çörəyi yeyəndə kökələcəm“ - Azərbaycanlı model

  • / Maqazin / — 12 İyun 2026

    “Kişi məclislərinə bir şərtlə gedirəm” - Nigar Şabanova

Taksi sürücülərinin vergi ödəmə qaydası dəyişdirilir - Artacaq, yoxsa azalacaq?

Tarix 18.11.26, 13:15

Font ölçüsü : - / +
bitmap-img6


Azərbaycanda taksi sürücülərinin vergi ödəmə qaydasının dəyişdirilməsi təklif olunur.

Yeniavaz.com xəbər verir ki, bu məsələ Vergi Məcəlləsinə təklif olunan dəyişikliklər layihəsində əksini tapıb.

Yeni dəyişiklik qəbul edilərsə, sürücülər indiki kimi avtomobilə görə sabit məbləğdə deyil, əldə etdikləri gəlirə uyğun vergi ödəyəcəklər.
Təklifə əsasən, taksi sürücülərinin gəlirlərindən sifariş operatorları (taksi platformaları) vasitəsilə ödəniş mənbəyində 1 faiz sadələşdirilmiş vergi tutulacaq.

Hazırda isə taksi sürücüləri əldə etdikləri gəlirin həcmindən asılı olmayaraq, fəaliyyət göstərdikləri əraziyə uyğun sabit vergi ödəyirlər. Belə ki, Vergi Məcəlləsinin mövcud tələblərinə əsasən, taksi fəaliyyəti üçün aylıq vergi məbləği 9 manat baza məbləği və müvafiq əmsallar əsasında hesablanır.
Bakı şəhərində 2 əmsal tətbiq olunduğundan sürücülər aylıq 18 manat, Abşeron, Sumqayıt və Gəncədə 13,5 manat, digər şəhər və rayonlarda isə 9 manat vergi ödəyirlər.

Bəs yeni qayda qəbul edilərsə, taksi sürücüləri nə qədər vergi ödəyəcəklər?
Təklif olunan 1 faizlik vergi mexanizminə əsasən, sürücünün aylıq vergi ödənişi onun taksi fəaliyyətindən əldə etdiyi gəlirdən asılı olacaq.
Məsələn, Bakı şəhərində fəaliyyət göstərən sürücünün hazırda aylıq sadələşdirilmiş vergi ödənişi 18 manatdır. Yeni qayda ilə də eyni məbləğdə vergi ödəməsi üçün onun aylıq dövriyyəsi 1 800 manat olmalıdır.
Başqa sözlə, aylıq dövriyyəsi 1 800 manatdan az olan sürücünün vergi ödənişi indiki 18 manatdan aşağı, çox olan sürücünün vergi ödənişi isə yuxarı olacaq.
Bakı şəhərində fəaliyyət göstərən taksi sürücüləri üçün:


Beləliklə, aylıq dövriyyəsi 1 800 manatdan aşağı olan Bakı taksi sürücüləri daha az, bu məbləğdən yuxarı olanlar isə daha çox vergi ödəyəcəklər.
Digər şəhər və rayonlarda vəziyyət bir qədər fərqli olacaq. Çünki hazırda həmin ərazilərdə sabit vergi məbləği daha aşağıdır.

Yeni və hazırkı qaydanın müqayisəsi:
Məsələn, Sumqayıtda aylıq dövriyyəsi 2 000 manat olan taksi sürücüsü hazırda 13,5 manat vergi ödədiyi halda, yeni qayda ilə 20 manat ödəməli olacaq. Digər şəhər və rayonlarda isə eyni dövriyyəyə malik sürücünün vergi ödənişi 9 manatdan 20 manata yüksələcək.

Qeyd edək ki, məcburi dövlət sosial sığorta və icbari tibbi sığorta ödənişlərinin əvvəlki qaydada ödənilməsi nəzərdə tutulur.



Xəbərin oxunma sayı : 178




Sosial

Xəbərlər

ARXİV
Əlaqə | Haqqımızda  
Buy website traffic cheap