“İki uşaq anasıyam, kimdir məni alan?“ -Renka “Mətbəxə girmirəm, maşın sürmürəm, saçımı daramıram“ - VİDEO Sevda Yahyayevanın qısa ətəyi tənqid olundu - VİDEO “Məni çadrada görmək istəyirlər“ - Tənqidlərə cavab verdi
Axtar
 
  • / Maqazin / — 31 Avqust 2026

    “İki uşaq anasıyam, kimdir məni alan?“ -Renka

  • / Maqazin / — 11 İyul 2026

    “Mətbəxə girmirəm, maşın sürmürəm, saçımı daramıram“ - VİDEO

  • / Maqazin / — 11 İyul 2026

    Sevda Yahyayevanın qısa ətəyi tənqid olundu - VİDEO

  • / Maqazin / — 02 İyul 2026

    “Məni çadrada görmək istəyirlər“ - Tənqidlərə cavab verdi

  • / Maqazin / — 01 İyul 2026

    “Ər çörəyi yeyəndə kökələcəm“ - Azərbaycanlı model

  • / Maqazin / — 12 İyun 2026

    “Kişi məclislərinə bir şərtlə gedirəm” - Nigar Şabanova

“Azərbaycan Restaurants“ audit tələbini yerinə yetirmədi - Cərimə olundu

Tarix 17.11.26, 18:38

Font ölçüsü : - / +
bitmap-img6


Bakıda iri restoranlar şəbəkəsinə malik olan “Azərbaycan Restaurants” MMC (Shafron) məcburi auditdən yayınmasına görə 1500 manat cərimələnib.

Qaynarinfo-nun məlumatına görə, Bakı şəhəri Nəsimi Rayon Məhkəməsində şirkət barəsində İnzibati Xətalar Məcəlləsinin 464-cü maddəsi ilə tərtib edilmiş protokola baxılıb.

Məlum olub ki, şirkət 2024-cü il üzrə maliyyə hesabatlarının 2025-ci ildə auditini aparmayıb. Bununla da qanunvericiliklə müəyyən edilmiş müddətdə məcburi auditdən yayınma halına yol verib.

İnzibati Xətalar Məcəlləsinin 464-cü maddəsinə əsasən, məcburi auditdən yayınan hüquqi şəxslər 1500 manatdan 2500 manatadək cərimə edilə bilər.

Məhkəmə araşdırması zamanı şirkətin maliyyə hesabatlarının auditinin aparılmadığı təsdiqini tapıb. İşə baxılarkən “Azərbaycan Restaurants” MMC-nin və protokolu tərtib edən qurumun nümayəndələri məhkəmə iclasında iştirak etməyiblər.

Məhkəmə şirkətin məsuliyyətini yüngülləşdirən və ya ağırlaşdıran halları müəyyən etməyib. Nəticədə “Azərbaycan Restaurants” MMC İnzibati Xətalar Məcəlləsinin 464-cü maddəsində nəzərdə tutulan inzibati xətanı törətməkdə təqsirli bilinərək 1500 manat cərimələnib.

Qeyd edək ki, qərardan rəsmi qaydada təqdim edildiyi gündən 10 gün müddətində Bakı Apellyasiya Məhkəməsinə şikayət verilə bilər.

Xatırladaq ki, “Azərbaycan Restaurants” MMC-nin hüquqi ünvanı Bakı şəhəri, Nəsimi rayonu, Neftçilər prospekti, ev 153-dür. Nizamnamə kapitalı 200 manat olan şirkətin qanuni təmsilçisi Bəhrüz Əsgərov Fikrət oğludur.

Məlumatlara əsasən, 2026-cı il iyunun 5-də şirkətin qanuni təmsilçisi dəyişdirilib. Həmin tarixədək bu vəzifəni Vüqar Quliyev Məhəmməd oğlu tutub, sonradan isə Bəhrüz Əsgərov Fikrət oğlu qanuni təmsilçi olub.



Xəbərin oxunma sayı : 76




Sosial

Xəbərlər

ARXİV
Əlaqə | Haqqımızda  
Buy website traffic cheap