Təmir işi aparıldığından yolda uzun nəqliyyat sıxlığı yaranıb. 

Bu yol sürücülər tərəfindən alternativi olmayan yol kimi qəbul edilir. Söhbət paytaxtın Neftçilər prospektindən gedir. Bu yolda hər hansı bir hadisə də baş verərkən avtomobil sıxlığı qaçılmaz olur. Bu təkcə adı çəkilən prospektdə yox, digər ərazilərdə də yaşanır.

Hansı ki təmir işinin aparılması ilə əlaqədar sürücülər məlumatlandırılıblar. Sürücülər bu yola məcbur olub daxil olduqlarını deyirlər. Onlar hətta tək Neftçilər prospektinin yox, bəzi küçələrin də alternativinin olmamasını bildirdilər. 

Yol hərəkəti üzrə ekspert Ərşad Hüseynov hesab edir ki, alternativ yol anlayışı dedikdə həmin küçəyə paralel yolun olması demək deyil.

Ekspert deyir ki, Avropa və Amerikada da alternativ küçə anlayışı termindən çıxarılıb və əsas hədəf əhalinin rahat fasiləsiz mobilliyinin təmin olunmasını təşkil etməkdir. Bu gün paytaxda da buna cavab verən küçə və prospektlər var ki, sadəcə burda hərəkəti düzgün təşkil etmək lazımdır-deyə ərşad hüseynov bildirib.