AzFakt

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Keçmiş nazir aeroportda saxlanıldı – Korrupsiyada ittiham olunur


Tarix 12.11.26, 13:08	Font ölçüsü : - / +

Serbiya hüquq-mühafizə orqanlarının həyata keçirdiyi əməliyyat nəticəsində ölkənin keçmiş iqtisadiyyat naziri və "Belqrad Elektrik Stansiyaları" şirkətinin sabiq direktoru Rade Basta səhər saatlarında Belqrad hava limanında ölkəni tərk etmək istəyərkən saxlanılıb.

Balkan ölkələrinin aparıcı media qurumlarının yaydığı məlumata görə, Baş Prokurorluq Rade Bastanı korrupsiya və vəzifə səlahiyyətlərindən sui-istifadədə şübhəli bilir.

Aparılan ilkin istintaq zamanı müəyyən edilib ki, Basta "Belqrad Elektrik Stansiyaları"na rəhbərlik etdiyi dövrdə şirkətə təqribən 135 min ABŞ dolları məbləğində ziyan vurub. Vəsaitlərin müxtəlif idman klublarına "ianə" adı altında şirkət büdcəsindən qanunsuz olaraq çıxarıldığı və mənimsənildiyi bildirilir.

“Blic” qəzetinin məlumatına əsasən, sabiq nazirlə birlikdə şirkətin maliyyə direktoru Draqiitsa İkodinoviç və qeyd olunan korrupsiya sxemində əli olan dörd idman assosiasiyasının nümayəndəsi də həbs olunub.

Rade Bastanın saxlanılması Serbiya siyasi kulislərində geniş əks-səda doğurub. O, 2022–2023-cü illərdə Aleksandar Vuçiç hökumətində iqtisadiyyat naziri postunu tutub. Lakin onun hökumətdən qovulması və müxalifətə keçməsi kifayət qədər səs-küylü olub.

Basta nazir işlədiyi dövrdə Serbiyanın Rusiyaya qarşı iqtisadi sanksiyalar tətbiq etməsini açıq şəkildə tələb etmiş və bu sərt mövqeyinə görə kabinetdən uzaqlaşdırılmışdı. Hökumətdən uzaqlaşdırıldıqdan sonra o, açıq şəkildə Avropa İttifaqı ilə inteqrasiyanı dəstəklədiyini bəyan edib, həmçinin Vuçiç hakimiyyətinin istefasını tələb edən tələbə etiraz aksiyalarına qoşulmuşdu.

İndi sabiq nazirin məhz ölkədən qaça biləcəyi ehtimalı ilə aeroportda saxlanılması və ağır korrupsiya ittihamları ilə üzləşməsi onun siyasi karyerasına son qoymaqla yanaşı, daxili siyasi gərginliyi daha da pik həddə çatdırıb.

Xəbərin oxunma sayı : 211