AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binədə qaz sayğacı vədi ilə 56 min manatlıq dələduzluq - 2 il həbs


Tarix 16.09.26, 14:41	Font ölçüsü : - / +

Bakının Xəzər rayonunun Binə qəsəbəsində sakinlərə qaz sayğacı quraşdıracağına söz verərək pullarını alan şəxslə bağlı məhkəmə hökmü çıxarılıb.

Qaynarinfo xəbər verir ki, məhkəmənin müəyyən etdiyi hallara görə, təqsirləndirilən şəxs müxtəlif şəxslərin evlərinə qaz sayğacı quraşdıracağına dair yalan vəd verərək onları aldadıb və pullarını ələ keçirib.

İttihama əsasən, o, 2025-ci ilin aprel ayından 2026-cı ilin fevral ayınadək müxtəlif vaxtlarda zərərçəkmiş şəxslərdən ümumilikdə 56 300 manat pul alıb.

Təqsirləndirilən şəxs ilk olaraq bir şəxsdən qaz sayğacı quraşdırmaq vədi ilə 3000 manat, digər şəxsdən 1600 manat, daha bir şəxsdən isə 3000 manat alıb. Sonrakı epizodlarda 2000, 19 400, 1300, 1500, 3500, 4000, 2700 və 3500 manat məbləğlərində pulların da eyni vədlə ələ keçirildiyi göstərilib.

İttiham materiallarına əsasən, ən böyük məbləğ 6 evə qaz sayğacı quraşdırılması vədi ilə alınıb. Bu epizod üzrə təqsirləndirilən şəxs əvvəlcə 13 800 manat, daha sonra isə 5600 manat alaraq ümumilikdə 19 400 manat əldə edib.

Bundan başqa, həmin şəxsdən tikdirdiyi evlərdən sökülən qaz sayğaclarını geri qaytaracağı vədi ilə daha 7800 manat aldığı bildirilir.

Pulların bir hissəsi nağd şəkildə, digər hissəsi isə bank kartlarına köçürülməklə verilib.

Məhkəmə iclasında təqsirləndirilən şəxs ittiham üzrə özünü təqsirli bilib. O bildirib ki, təxminən üç ildir rieltor kimi fəaliyyət göstərir və Binə qəsəbəsində sakinlərin əksəriyyəti onu tanıyır.

Təqsirləndirilən şəxsin sözlərinə görə, ərazidə yeni tikililərin sayının artması ilə qaz və işıq sayğaclarının quraşdırılması ilə bağlı problemlər yaranıb. O, özünü qaz sayğaclarının quraşdırılması ilə məşğul olan şəxs kimi təqdim edən bir nəfərin sözünə inanaraq sakinlərdən pul almağa və onların problemini həll edəcəyinə söz verməyə başlayıb.

Lakin sonradan verdiyi vədləri yerinə yetirə bilmədiyini deyən təqsirləndirilən şəxs aldığı pulları geri qaytardığını və zərərçəkmiş şəxslərlə barışdığını bildirib.

Məhkəmədə zərərçəkmiş şəxslərdən biri də ona dəymiş 27 200 manat maddi ziyanın sonradan tam ödənildiyini, təqsirləndirilən şəxslə barışdığını və ondan şikayətinin olmadığını bildirib.

Məhkəmə təqsirləndirilən şəxsi Cinayət Məcəlləsinin 178.2.2 (dələduzluğun təkrar törədilməsi) və 178.2.4-cü (dələduzluğun xeyli miqdarda ziyan vurmaqla törədilməsi) maddələrində nəzərdə tutulan cinayət əməllərini törətməkdə təqsirli bilib.

Məhkəmənin hökmü ilə təqsirləndirilən şəxsə 2 il müddətinə azadlıqdan məhrum etmə cəzası təyin edilib. Onun 2026-cı ildə ümumilikdə 4 gün tutulması da cəza müddətinə hesablanıb.

Nəticədə üzərində qəti olaraq 1 il 11 ay 26 gün müddətinə azadlıqdan məhrum etmə cəzası saxlanılıb.

Xəbərin oxunma sayı : 478