AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Ülviyyə İlyasovanın cəzası aktrisaya görə artırıldı - Saxlanıldığı yer dəyişdirildi


Tarix 27.08.26, 20:04	Font ölçüsü : - / +

Kosmetoloq Ülviyyə İlyasovanın qanunsuz tibbi müdaxilə nəticəsində aktrisa Mila Əlibəyovanın səhhətinə zərər vurmasına görə barəsində təyin edilən həbs cəzası artırılıb.

Qaynarinfo-nun məlumatına görə, məhkəmədə Ülviyyə İlyasova cinayət işi üzrə təqsirləndirilən şəxs qismində cəlb olunub və ona Cinayət Məcəlləsinin 314.2-ci (səhlənkarlıq ağır nəticələrə səbəb olduqda) maddəsi ilə ittiham irəli sürülüb.

Məhkəmədə məlum olub ki, təqsirləndirilən İlyasova (Qurbanova) Ülviyyə Hüseynağa qızı ixtisasca həkim deyil. Onun yalnız ibtidai müəllimlik üzrə ali təhsili var. Göstərdiyi fəaliyyətlə bağlı isə yalnız Türkiyədə kurs keçib.

İttihama görə, Ülviyyə İlyasova “Turana Estetik” klinikasında özünü həkim kimi təqdim edərək aktrisa Mila Əlibəyovaya “liposaksiya – piy sovurma, bədən şəkilləndirmə” cərrahi əməliyyatı edəcəyini vəd edib. O, zərərçəkmiş şəxsdən 1500 manat məbləğində pul vəsaiti alaraq həmin yerdə əməliyyat keçirib.

Ülviyyə İlyasova

Birinci əməliyyat uğursuz olduğundan Ülviyyə İlyasova aktrisanı “Azal Estetika” adlı yerdə yenidən əməliyyat edib. Nəticədə zərərçəkmiş qadının sağlamlığının bərpası üçün uzunmüddətli və külli miqdarda maliyyə resursları tələb edən müayinə və müalicə prosedurlarına müraciət etmək məcburiyyətində qalmasına, gündəlik həyat tərzinin və əmək fəaliyyətinin dəyişməsinə səbəb olan ağır nəticələrə gətirib çıxaran mühüm zərər vurduğu və səhlənkarlıq etdiyi bildirilir.

Mila Əlibəyova ifadəsində “Əqrəb mövsümü”, “Körpü”, “Atabəylər” və digər bir sıra filmlərdə aktrisa kimi rol aldığını deyib. Onun sözlərinə görə, başqa bir filmdə rol alması üçün rejissor tərəfindən təcili olaraq 5-6 kiloqram arıqlaması tələb olunub.

Mila Əlibəyova

Elə bu ərəfədə sosial şəbəkədə Ülviyyə İlyasovanın “Instagram” səhifəsi qarşısına çıxıb. Aktrisa onun sosial şəbəkədə paylaşdığı şəkillərə inanaraq qarşı tərəfə müraciət edib və nəticədə səhhətinə ağır zərər dəyib.

Aktrisa təqsirləndirilən qadının bir qız övladının olmasını nəzərə alaraq ondan heç bir şikayət və tələbinin olmadığını da bildirib.

Məhkəmənin hökmü ilə Ülviyyə İlyasovanın cəzası 3 il 3 aydan 3 il 6 aya qaldırılıb. O, cəzasını ümumi rejimli cəzaçəkmə müəssisəsində çəkəcək.

Qeyd edək ki, “AzE Estetik Mərkəz” MMC-nin direktoru Ülviyyə İlyasova Bakıda evinin mətbəxində eltisi Səbirə Vəliyevanı qanunsuz olaraq bədənşəkilləndirmə əməliyyatı edərək onun ölümünə səbəb olub. Bu ilin aprelində məhkəmənin hökmü ilə Ülviyyə İlyasova 3 il müddətinə səhiyyə orqanlarında xüsusi ixtisas tələb edən fəaliyyət növü ilə məşğul olmaq hüququndan məhrum edilməklə, 3 il 2 ay müddətinə azadlıqdan məhrum edilib. Hökmdə onun cəzasını məntəqə tipli cəzaçəkmə müəssisəsində çəkməsi qeyd edilib.

Xəbərin oxunma sayı : 469