AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

“Sabah” rekord məbləğdə gəlir əldə edib - Məbləğ bəlli oldu


Tarix 26.08.26, 10:34	Font ölçüsü : - / +

Ötən gün “Sabah” klubu Azərbaycan futbolu tarixində yeni səhifə açmaqla yanaşı, UEFA-dan əldə etdiyi gəliri də rekord həddə çatdırıb.

AzFakt.com xəbər verir ki, Bakı təmsilçisi Çempionlar Liqasının pley-off mərhələsində İsrailin “Hapoel” (Beer-Şeva) klubunu 5:2 hesabı ilə məğlub edərək, ümumi hesabda 6:4 üstünlüklə turnirin əsas – liqa mərhələsinə vəsiqə qazanıb. Bununla “Sabah” Azərbaycan futbolunda “Qarabağ”dan sonra Çempionlar Liqasının əsas mərhələsində oynayacaq ikinci klub olub.

Bu tarixi uğur “Sabah”ın büdcəsinə də böyük vəsait gətirib. Komanda hələ Danimarkanın “Orhus” klubunu 4:0 hesabı ilə məğlub edərək Çempionlar Liqasının pley-offuna yüksələndə UEFA-dan minimum 8,97 milyon avro gəliri təmin etmişdi. Bu mərhələyə qədər olan qazancın təxminən 5 milyon avroluq hissəsi “Orhus” üzərindəki qələbə və digər UEFA ödənişləri hesabına formalaşmışdı.

Lakin “Hapoel” üzərindəki tarixi qələbə ilə “Sabah”ın minimum qazancı kəskin şəkildə artıb.

Belə ki, Çempionlar Liqasının 2026/27 mövsümündə əsas mərhələyə vəsiqə qazanan hər klub 18,62 milyon avro iştirak ödənişi əldə edir. Bundan əlavə, “Sabah”ın əvvəlki mərhələlərdən qazandığı və reytinq-yayım bazarı üzrə nəzərdə tutulan ödənişlər də nəzərə alındıqda, Bakı klubunun bu mövsüm UEFA turnirlərindən təmin etdiyi minimum gəlir 20,17 milyon avroya çatır.

Bu isə təxminən 40 milyon manata yaxın vəsait deməkdir.

Ancaq 20,17 milyon avro “Sabah”ın qazana biləcəyi son məbləğ deyil. Əksinə, klub üçün böyük gəlir imkanları məhz indi başlayır.

Yeni format üzrə Çempionlar Liqasının liqa mərhələsində hər qələbə 2,1 milyon avro, heç-heçə isə 700 min avro qazandırır. Bundan başqa, yekun turnir cədvəlində tutulan mövqeyə görə də klublara əlavə ödənişlər edilir. İlk 8 pillədə qərarlaşan komandalar əlavə 2 milyon avro, 9-16-cı yerləri tutanlar isə 1 milyon avro bonus əldə edir.

Yəni “Sabah” liqa mərhələsində hər hansı qələbə qazanmasa belə, hazırkı 20,17 milyon avroluq minimum gəliri qoruyacaq. Komanda qələbələr qazandıqca isə bu məbləğ artacaq.

Xatırladaq ki, ötən mövsüm Çempionlar Liqasının əsas mərhələsində çıxış edən “Qarabağ” UEFA-dan ümumilikdə təxminən 36 milyon avro gəlir əldə etmişdi.

Xəbərin oxunma sayı : 115