AzFakt

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

Məşhur azərbaycanlı iş adamının adı “Epşteyn dosyesi“ndə... - FOTO


Tarix 03.02.26, 17:50	Font ölçüsü : - / +

Qalmaqallı amerikalı maliyyəçi Ceffri Epşteyn vaxtilə Rusiyanın aparıcı iş adamları, onların Davos və Sankt-Peterburq forumlarında iştirakı, məhkəmə iddiaları, Rusiyaya qarşı sanksiyalar, eləcə də VKontakte və Telegram-ın qurucusu Pavel Durov haqqında dosyelər alıb və araşdırıb.

Modern.az xəbər verir ki, bu haqda ABŞ Ədliyyə Nazirliyi tərəfindən dərc olunmuş "Epşteyn faylları"nda bildirilib.

“Epşteynin sənədləri”ndə rusiyalı milyarderlərə istinadların böyük əksəriyyəti onların böyük forumlarda iştirakı ilə bağlıdır və ya onlar haqqında media nəşrlərinə istinad olunub.

Məsələn, sızdırılmış sənədlərdə Davosda keçirilən Dünya İqtisadi Forumunun (26-30 yanvar 2011-ci il, 23-27 yanvar 2013-cü il) və Sankt-Peterburq Beynəlxalq İqtisadi Forumunun (18-20 iyun 2015-ci il) iştirakçılarının siyahıları var. Bu siyahılarda Rusiyanın azərbaycanlı iş adamı Vahid Ələkbərovdan, eləcə də Aleksey Mordaşov, Leonid Mixelson, Vladimir Lisin, Gennadi Timçenko və Alişir Usmanov kimi milyarderlərdən bəhs olunur.

Vahid Ələkbərov

Qeyd edək ki, "Forbes" jurnalının 2025-ci ilə aid hesabatına görə, LUKOIL-ın həmtəsisçisi Vahid Ələkbərov (xalis sərvəti 28,7 milyard dollar qiymətləndirilir) Rusiyanın ən zəngin iş adamlarının "10-luq"unda ilk yeri tutur.

"Epşteyn dosyesi"ndə iş adamı Roman Abramoviç və keçmiş həyat yoldaşı Dariya Jukovadan onlarla dəfə bəhs olunur. Epşteynin elektron poçtlarında onun Abramoviç və həyat yoldaşı ilə görüşmək istədiyi göstərilir, çünki Abramoviç və Jukova 2016-cı ildə Epşteynin evinə baxıblar, ehtimal ki, onu 250 milyon dollara almaq niyyətində olublar. Lakin elektron poçtlara görə, Epşteyn onları rədd edib.

2008-ci ildə Ceffri Epşteyn fahişəliyə təhrik etməkdə günahını etiraf edib və məhkum edilib. 2019-cu ildə insan alveri və fahişəliyə görə yenidən həbs edilib və məhkəmədən əvvəl intihar edib.

Onun yetkinlik yaşına çatmayan qızları əhatə edən fahişəlik və cinsi istismar şəbəkəsinin arxasında duran şəxs olduğuna inanılırdı. ABŞ Ədliyyə Nazirliyi sistematik olaraq "Epşteyn faylları"nı - şahid ifadələri, ünvan kitabçaları, sertifikatlar, fakturalar, şahid müsahibələrinin transkriptləri, polis hesabatları və elektron poçtlar da daxil olmaqla minlərlə sənədi dərc edib.

Bu faylarda maliyyəçi Ceffri Epşteynin çoxsaylı məşhurlar, siyasətçilər və iş adamları da daxil olmaqla tanışlıq dairəsi haqqında məlumatlar var.

30 yanvarda ABŞ Ədliyyə Nazirliyi “Epşteyn işi” ilə bağlı daha 3 milyon səhifə sənəd, eləcə də 2000-dən çox video və 180.000 fotoşəkil yayımlayıb. Bəzi materialları, o cümlədən qurbanların şəxsi məlumatlarını gizlətmək üçün redaktə ediblər.

Xəbərin oxunma sayı : 286