AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?


Tarix 25.10.25, 23:29	Font ölçüsü : - / +

Caspian Logistics Solutions şirkəti rəhbərinin həbsi fonunda fəaliyyətini davam etdirir...

AzFakt.com Haqqin.az portalına istinadən xəbər verir ki, dövlət şirkəti SOCAR və Birləşmiş Ərəb Əmirliklərində yerləşən özəl Caspian Logistics Solutions (CLS) holdinqi 22–24 oktyabr tarixlərində Aşqabadda keçiriləcək 30-cu yubiley “Türkmənistan neft və qazı” (OGT 2025) beynəlxalq konfrans və sərgisinin əsas tərəfdaşları kimi çıxış edəcəklər.

Bu xəbər sıradan protokol məlumatı kimi görünə bilərdi, əgər CLS-in adı hazırda Azərbaycan iqtisadi sabitliyinə zərbə vurmaqda ittiham olunan və sentyabrın 20-də Bakıda saxlanılmış Adnan Əhmədzadə ilə sıx bağlı olmasaydı. Holdinqin bir çox layihələrinin, eləcə də onun təsisçisinin taleyi hələ də qeyri-müəyyən qalır.

Rüfət Sultan-zadə Adnan Əhmədzadənin “işini xilas etməyə” çalışır

Yayda dərc olunan OGT 2025 proqramında Adnan Əhmədzadə “Enerji keçidi üçün xammal – investisiya üçün yeni üfüqlər” adlı panel müzakirəsinin iştirakçısı kimi göstərilmişdi. Lakin hazırda onun yerini CLS-in Direktorlar Şurasının sədr müavini Rüfət Sultan-zadə tutacaq. O, uzun illər Əhmədzadə ilə SOCAR-da çalışıb, 2023-cü ildə SOCAR-ın Aşqabad nümayəndəliyinə rəhbərlik edib, 2024-cü ildə isə CLS-ə keçərək holdinqin törəmə şirkətlərinin, Black Caspian Logistics and Trading, AZCHEMCO və Azbrand maraqlarına nəzarət edir.

Məlumatlara görə, Sultan-zadənin biznes sahəsində otuz ildən artıq təcrübəsi var. O, fəaliyyətinə turizm sektorunda Avesta şirkətini təsis etməklə başlayıb, 1994–2012-ci illərdə xarici avtomobil markalarının distribüsiyası ilə məşğul olub. 2012–2015-ci illərdə “Avropa İqtisadi Ticarət və Sənaye Palatası”nın direktoru, həmçinin Global Network Partners Company-nin təsisçisi və baş direktoru olub. 2018–2023-cü illərdə SOCAR Marketing and Operations şirkətində biznesin inkişafı üzrə baş mütəxəssis vəzifəsində çalışıb.

Rüfət Sultan-zadə tanınmış diplomat, keçmiş SSRİ-nin İstanbul konsulu və Azərbaycanın Türkmənistandakı sabiq səfiri Vəhdət Sultan-zadənin oğludur. Hazırda o, Caspian Logistics Solutions şirkətini təsisçisinin həbsi fonunda “ayaqda saxlamağa” çalışır.

CLS: Bütün proseslər davam edir...

Şirkətdən verilən açıqlamada qeyd olunub ki, “bütün logistika prosesləri Kaspiy regionunda fasiləsiz şəkildə davam edir”. CLS-in əsas törəmə şirkəti Oilmar Shipping and Chartering Company DMCC-nin bəyanatında bildirilir ki, holdinqin ətrafındakı qalmaqala baxmayaraq, şirkət “məsələnin tezliklə həll olunacağına” inanır.

2018-ci ildə Adnan Əhmədzadə Kaspiy dənizi üzərindən müxtəlif yüklərin daşınmasını təşkil etmək məqsədilə Caspian Logistics Solutions şirkətini yaratmışdı. Şirkətin strateji tərəfdaşı olan Oilmar Shipping 22 sentyabrda səhmlərin geri alınmasına başladığını və bununla da fəaliyyətin sabitliyini təmin etmək istədiyini açıqlamışdı. Bu addım beynəlxalq tərəfdaşları, eləcə də OGT 2025 təşkilatçılarını sakitləşdirmişdi. Həmin konfransda CLS ilk plenar iclasın keçirilməsinə məsuldur. Sessiya “Qlobal enerjinin gələcəyini etimadla qururuq: strateji əməkdaşlıq, innovasiya və yaşıl keçid” devizi ilə keçiriləcək.

Yeni planlar və qeyri-müəyyən gələcək

Konfransın birinci gününün ikinci paneli SOCAR tərəfindən təşkil olunacaq və əsas mövzusu təbii qaz ixracının inkişafı olacaq. Qeyd olunur ki, CLS Türkmənistanda logistika layihələrinə 500 milyon dollara qədər investisiya yatırmaq niyyətində idi. Layihələr Pakistan və Əfqanıstandan Türkmənistan və Kaspiy vasitəsilə Türkiyəyə tədarüklərin təşkili, eləcə də türkmən məhsullarının ixracına dəstək məqsədini daşıyırdı.

Holdinqin strukturlarından biri olan Black Caspian Logistics and Trading Azərbaycan, Gürcüstan, Mərkəzi Asiya və Fars körfəzi ölkələrində biznesin genişləndirilməsi planlarını açıqlamışdı. Azbrand isə beynəlxalq bazarlarda müxtəlif kateqoriyalı məhsulların tanıdılması ilə məşğul olur. Bundan başqa, holdinqin tərkibində fəaliyyət göstərən Kaspiy Regionu Aqrar Tədqiqatlar Mərkəzi (CARCAS) kənd təsərrüfatı və kimya sənayesində müasir texnologiyaların tətbiqi üzrə məsləhət xidmətləri göstərir.

2024-cü ildə “Black Caspian Logistics Fund” adlı investisiya fondunun yaradılması ideyası da gündəmə gətirilmişdi, lakin sonradan bu layihə barədə məlumatlar ictimai məkanlardan yoxa çıxıb. Nəticədə, CLS-in bir çox təşəbbüslərinin, o cümlədən Adnan Əhmədzadənin gələcək taleyi hələ də qeyri-müəyyən qalır.

Bununla belə, istintaq davam edir, Caspian Logistics Solutions isə imicinə zərbə vurulmasına baxmayaraq, fəaliyyətini dayandırmır və beynəlxalq tərəfdaşlarının etimadını qorumağa çalışır.

Xəbərin oxunma sayı : 2695