AzFakt

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

Abşeronda qanunsuz tikinti: Dövlət qurumları bir-birini təkzib edir - Fotolar


Tarix 03.02.26, 15:14	Font ölçüsü : - / +

Abşeron rayonu, Binəqədi–Novxanı yolunda, SOCAR-ın qarşısında aparılan tikinti artıq sadəcə şübhə doğurmur – bu, rəsmi sənədlərlə təsdiqlənmiş qanunsuzluqdur. Maraqlısı isə odur ki, dövlət qurumlarının verdiyi cavablar bir-biri ilə ziddiyyət təşkil edir, nəticədə isə qanunsuz tikinti bütün sürətilə davam etdirilir.

Mediatv.az-ın Abşeron Rayon İcra Hakimiyyətinə ünvanladığı sorğuya cavabda bildirilir ki, Mehdiabad qəsəbəsi ərazisində vətəndaşın mülkiyyətində olan qeyri-yaşayış obyektində “yenidənqurma” işləri aparılır və guya bu işlər yalnız aidiyyəti qurumlarla razılaşdırıldıqdan sonra davam etdirilə bilər. Lakin bu cavab nə tikintinin hazırkı mərhələsini izah edir, nə də faktiki vəziyyəti ört-basdır edə bilir.

Çünki Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi məsələ ilə bağlı tam fərqli və hüquqi baxımdan son dərəcə ciddi faktlar açıqlayır. Nazirliyin rəsmi cavabında bildirilir ki, fiziki şəxs Axundova Nazənin Vaqif qızı tərəfindən aparılan tikinti işləri Şəhərsalma və Tikinti Məcəlləsinin tələbləri kobud şəkildə pozulmaqla həyata keçirilib. Bununla bağlı:26 dekabr 2025-ci il tarixində 1105 nömrəli qərarla tikinti işlərinin dayandırılması barədə göstəriş verilib və12 yanvar 2026-cı il tarixində 2151166 nömrəli inzibati xəta protokolu tərtib olunub.

Bu faktlar onu göstərir ki, söhbət sadə “yenidənqurma”dan yox, qanunsuz tikintidən gedir və bu artıq dövlət qurumu tərəfindən rəsmən təsdiqlənib.

Bəs tikinti niyə hələ də davam edir,FHN-in rəsmi qərarları niyə icra olunmur,Abşeron Rayon İcra Hakimiyyəti hansı əsasla bu prosesə göz yumur?

Şəhərsalma və Tikinti Məcəlləsinin 80.2-ci maddəsinə əsasən, icazəsiz və ya normativ tələblərin pozulması ilə aparılan tikinti işləri dərhal dayandırılmalı, qanun pozuntusu aradan qaldırılmadıqda isə tikilinin sökülməsi təmin edilməlidir.

İnzibati Xətalar Məcəlləsinin 222-ci maddəsinə görə, icazəsiz tikintiyə görə həm fiziki şəxs, həm də buna göz yuman vəzifəli şəxslər məsuliyyət daşıyır.FHN-in rəsmi dayandırma qərarı icra olunmur, tikinti faktiki olaraq davam edir. Bu isə artıq vəzifə səhlənkarlığı yox, qanunun icrasına açıq maneəçilikdir.Azərbaycan Respublikasının “Yerli icra hakimiyyətləri haqqında” Qanununa əsasən, rayon icra hakimiyyəti öz ərazisində şəhərsalma və tikinti fəaliyyətinə nəzarət etməyə, qanunsuz tikililərin qarşısını almağa birbaşa borcludur.Bu halda isə nəinki tikinti dayandırılmır, əksinə, sanki hansısa toxunulmazlıq zirehi ilə qorunur. Dövlətin bir qurumu “dayandırın” deyir, digəri isə susmaqla və ya qeyri-müəyyən cavablarla faktiki olaraq qanunsuzluğa şərait yaradır.Qanunsuz tikintiyə Abşeron Rayon İcra Hakimiyyətində hansı məmur siyasi və ya inzibati himayə göstərir?

Bu artıq təkcə bir tikinti məsələsi deyil – bu, qanunun nüfuzuna açıq hörmətsizlikdir. Əgər rəsmi qərarlar icra olunmursa, vətəndaş hansı dövlər qurumuna inanmalıdır?