AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Asif Əsgərov müəmması: mandata sığınmaq keçmişi unutdurmur


Tarix 01.09.26, 15:44	Font ölçüsü : - / +

Bəzi məmurlar vəzifə kreslosunu itirəndə siyasi səhnədən çəkilmək əvəzinə başqa bir statusun arxasında gizlənməyə çalışırlar. İcra başçısı kimi fəaliyyətləri ilə bağlı yaranan suallar, vətəndaş narazılığı və idarəçilikdə buraxılan səhvlər yeni mandatın kölgəsində qalır. Deputatlıq isə onlar üçün xalq qarşısında yeni məsuliyyət mərhələsindən daha çox keçmiş fəaliyyətə yönələn suallardan yayınmaq imkanına çevrilir.

Asif Əsgərovun siyasi karyerasına nəzər salanda belə bir mənzərə ilə qarşılaşırıq. Uzun illər icra başçısı vəzifəsində çalışan şəxs rəhbərlik etdiyi rayonlarda vətəndaş məmnunluğunu təmin edə bilməyib. İdarəçilik fəaliyyəti ciddi narazılıqlar və tənqidlərlə yadda qalıb. Sonra isə deputat mandatı əldə edərək siyasi statusunu dəyişərək toxunulmazlıq qazanıb.

Əvvəla, deputat mandatı heç kəsə keçmiş fəaliyyətini unutdurmaq hüququ vermir. Əksinə, xalqın verdiyi mandat şəxsin üzərinə daha böyük məsuliyyət qoyur. Keçmişdə vətəndaşın qarşısında cavabsız qalan məsələlər varsa, deputat statusu həmin məsələlərin üzərindən xətt çəkmir.

İkincisi, ən düşündürücü tərəfi də budur, insan illərlə dövlət idarəçiliyində yüksək vəzifə tutur, vətəndaşların narazılığı ilə üzləşir, sonra isə deputat seçilir. Ardınca həmin mandat əvvəlki fəaliyyətin tənqidindən qorunmaq üçün siyasi sipər təsiri bağışlayır, burada artıq yalnız bir deputatın fəaliyyətindən daha çox siyasi məsuliyyət anlayışı haqqında danışmaq lazım gəlir.

Üçüncüsu, sual yaranır, Asif Əsgərovun timsalında deputat mandatı seçiciyə xidmət üçün əldə olunub, yoxsa keçmiş məmur fəaliyyətinin yaratdığı sualların üstünü örtmək üçün? Aparılan araşdırmanın ortaya çıxardığı həqiqət ürəkaçan deyil. Asif Əsgərovun parlament fəaliyyəti konkret olaraq seçicilərə xidmət etmir. Təmsil etdiyi rayonunun sosial, iqtisadi və infrastruktur problemləri Milli Məclisdə ardıcıl şəkildə gündəmə gətirilmir. Seçicilərin gündəlik qayğıları parlament tribunasından bəyan olunmur, vətəndaş müraciətlərinin həlli istiqamətində ciddi nəticələr görünmür.

Bunun fonunda Asif Əsgərovun deputatlığı ətrafında ciddi seçici narazılığı yaranır. Mandatın mahiyyəti seçicinin səsini parlamentdə eşitdirmək, onun problemini dövlət qurumlarının qarşısında qaldırmaq və nəticə əldə etməkdir. Seçicinin problemi parlamentdə səslənmirsə, vətəndaş müraciətləri nəticəsiz qalırsa, deputatın fəaliyyəti kimə və nəyə xidmət edir?

Deputatın əsas vəzifəsi informasiya məkanında uğursuz yazılara imza qoymaq yox, seçicinin səsini parlament tribunasında qaldırmaqdır. Lakin Asif Əsgərov informasiya resurslarında dərc olunan görüş, açıqlama və şablon xarakterli yazılarla gündəmdə qalmağa can atır. Bu da seçicinin real problemlərinin həllinə xidmət edən siyasi fəaliyyətin göstəricisi sayıla bilməz.

Rayonda hansı problem həll olunub? Hansı vətəndaş müraciəti nəticə verib? Hansı məsələ parlament səviyyəsində qaldırılıb? Hansı qanunvericilik təşəbbüsü Zaqatalanın sosial-iqtisadi problemlərinə real təsir göstərib?

Bu suallara cavab əvəzinə Asif müəllim informasiya məkanında şablon yazılara üstünlük verir, onda diqqətin seçiciyə yox, şəxsi siyasi görünürlüğə yönəldiyi qənaəti yaranır.

Nəhayət, deputat mandatı reklam vasitəsi deyil. Mandat seçicinin etimadıdır. Bu etimadın qarşılığı isə real fəaliyyət, açıq hesabat və konkret nəticədir. Asif Əsgərovun qarşısında da məhz bu məsuliyyət dayanır. Keçmiş fəaliyyət ətrafında səslənən iddialara cavab vermək, deputat kimi gördüyü işləri ortaya qoymaq və seçicinin məmnunluğunu konkret nəticələrlə təmin etmək. Çünki informasiya məkanında görünmək asandır. Seçicinin etimadını qazanmaq isə konkret fəaliyyət tələb edir.

Aktual.az

Xəbərin oxunma sayı : 1180