AzFakt

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Wikipedia-nın qurucusundan sarsıdıcı sensasiya – ABŞ kəşfiyyatı məqalələri...


Tarix 09.08.26, 16:27	Font ölçüsü : - / +

Wikipedia-nın həmtəsisçilərindən biri Larri Sanger dünyanın ən böyük onlayn ensiklopediyasının hökumətlər, xüsusi xidmət orqanları və iri şirkətlər tərəfindən təsir vasitəsinə çevrildiyini bildirib.

Musavat.com xəbər verir ki, Sanger “Berliner Zeitung” nəşrinə müsahibəsində CIA başda olmaqla müxtəlif ölkələrin dövlət qurumlarının və korporativ PR strukturlarının Wikipedia-dakı anonimlik imkanlarından istifadə edərək məqalələrə müdaxilə etdiyini deyib.

Sangerin sözlərinə görə, kəşfiyyat xidmətləri platformadakı materialların dəyişdirilməsində iştirak edib.

O hesab edir ki, istifadəçilərin və redaktorların kimliyinin əksər hallarda açıq olmaması bu müdaxilələrin tam miqyasını müəyyənləşdirməyi çətinləşdirir.

Wikipedia-da dövlət qurumlarına aid şəbəkələrdən redaktələrin edilməsi ilə bağlı məlumatlar daha əvvəl də ortaya çıxıb.

2007-ci ildə yaradılmış “WikiScanner” sistemi anonim redaktələrin edildiyi IP ünvanlarını təşkilatların şəbəkələri ilə müqayisə etmişdi. Həmin araşdırmalar zamanı CIA və FBI kompüterlərindən Wikipedia məqalələrinə dəyişikliklər edildiyi müəyyənləşdirilmişdi. Reuters-in o dövrdə yaydığı məlumata görə, dəyişikliklər arasında 2003-cü ildə İraqın işğalı və Quantanamo həbsxanası ilə bağlı materiallar da olub. Bununla belə, IP ünvanının hansısa quruma aid olması redaktənin məhz həmin qurumun rəsmi tapşırığı ilə həyata keçirildiyini sübut etmir.

Sanger həmçinin Wiki-PR və Portland Communications kimi PR və böhran idarəetməsi ilə məşğul olan strukturları misal çəkərək onların xarici hökumətlərin, suveren fondların və korporativ müştərilərin maraqlarına uyğun Wikipedia materiallarına təsir göstərdiyini bildirib.

Onun fikrincə, platformada institusional təsirin güclənməsi nəticəsində transmilli korporasiyaların, Dünya Bankının və Dünya İqtisadi Forumunun mövqeləri mübahisəsiz fakt kimi təqdim oluna, alternativ yanaşmalar isə anonim administrator və redaktorlar tərəfindən məqalələrdən çıxarıla bilər.

Qeyd edək ki, “WikiScanner” araşdırmaları vaxtilə CIA ilə yanaşı, FBI, Vatikan, ABŞ siyasi strukturları və bir sıra iri şirkətlərə aid şəbəkələrdən Wikipedia-da redaktələr aparıldığını üzə çıxarmışdı.

Xəbərin oxunma sayı : 136