AzFakt

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Mənzil bazarında bahalaşma: Kirayələr nə qədər artıb?


Tarix 09.08.26, 19:06	Font ölçüsü : - / +

Yeni tədris ilinin başlamasına sayılı həftələr qaldıqca Bakıda kirayə mənzil axtaranların sayı da artır. Xüsusilə, tələbələrin paytaxta axını hər il olduğu kimi, avqust-sentyabr aylarında kirayə bazarında canlanma yaradır.

Büdcəsinə uyğun ev tapmaq istəyənlər isə qiymətlərin nə qədər dəyişəcəyini və sentyabrda daha böyük artımın olub-olmayacağını düşünürlər.

Bəs hazırda Bakının kirayə mənzil bazarında vəziyyət necədir?

Əmlak eksperti Elnur Fərzəliyev mövzu ilə bağlı Oxu.Az-a danışıb.

Ekspert bildirib ki, hər il avqustun sonundan sentyabrın sonunadək paytaxtın kirayə mənzil bazarında ciddi qiymət artımları müşahidə olunur:

"Həmin aylarda bölgələrdən paytaxta təhsil almaq üçün gələn minlərlə tələbə kirayə mənzil axtarışında olur. Bu da kirayə mənzillərə tələbatı əhəmiyyətli dərəcədə artırır".

Onun sözlərinə görə, hazırda daşınmaz əmlak bazarında baş verən qiymət artımları kirayə mənzil bazarına da öz təsirini göstərir:

"Mənzillərin satış qiymətlərinin artması onların kirayə qiymətlərinin də yüksəlməsinə gətirib çıxarır.

Digər tərəfdən, ali təhsil müəssisələrinin böyük bir hissəsinin paytaxtın Yasamal, Nərimanov və Nəsimi rayonlarında yerləşməsi həmin ərazilərdə kirayə mənzillərə tələbatı həddindən artıq artırır".

Ekspert qeyd edib ki, kirayə mənzillərin qiymətlərindəki artım tələbələri daha kiçik mənzillərdə və otaqlarda bir neçə nəfərlə birlikdə yaşamağa məcbur edir:

"Hazırda kirayə mənzillərin qiymətlərində ciddi artım müşahidə olunduğundan tələbələr məcburən daha kiçik mənzillərdə və otaqlarda bir neçə nəfərlə birlikdə yaşamağa üstünlük verirlər. Bu da onların təhsilinə mənfi təsir göstərir.

Digər tərəfdən, paytaxtın mərkəzə yaxın ərazilərində kirayə mənzillərin aylıq qiymətlərinin kəskin baha olması tələbələri Bakıətrafı ərazilərdə daha ucuz mənzillər kirayələməyə sövq edir. Bu isə onların gün ərzində bir neçə saatını yollarda itirməsinə və əlavə yol xərcləri ilə üzləşməsinə gətirib çıxarır".

Elnur Fərzəliyev hesab edir ki, tələbələrin yollarda keçirdikləri vaxt onların təhsilinə də mənfi təsir göstərir:

"Təbii ki, tələbələrin gün ərzində saatlarını yollarda itirməsi onların təhsilinə də ciddi şəkildə mənfi təsir göstərir.

Bir zamanlar bütün ali təhsil müəssisələrinin və peşə məktəblərinin yataqxanaları mövcud idi. Lakin zaman keçdikcə həmin yataqxanaların sıradan çıxması və qəzalı vəziyyətə düşməsi onların istifadəyə yararsız hala gəlməsinə səbəb olub.

Düşünürəm ki, bir zamanlar mövcud olan köhnə tələbə yataqxanaları sökülərək onların yerində daha müasir, çoxmərtəbəli və çoxotaqlı yataqxanalar inşa olunarsa, bu, tələbələrin mənzil probleminin həlli ilə yanaşı, onların vaxt itkisini və yol xərclərini də azalda bilər.

Tələbə yataqxanaları yenidən inşa olunaraq istifadəyə verilsə, bu, kirayə mənzil bazarında qiymətlərin enməsinə də gətirib çıxara bilər".

Xəbərin oxunma sayı : 169