AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Türkiyə Aİ-yə qəbul edilməyəcəyini yaxşı bilir - Lavrov


Tarix 14.08.26, 18:41	Font ölçüsü : - / +

Rusiya xarici işlər naziri Sergey Lavrov Ankaranın NATO və Avropa İttifaqı ilə münasibətlərini qorumağa çalışsa da, Türkiyənin Aİ-yə üzv qəbul olunacağına ümid etmədiyini bildirib

AzFakt.com xəbər verir ki, Rusiya Xarici İşlər naziri Sergey Lavrov VGTRK telekanalına müsahibəsində Türkiyənin NATO-da qalmaqla yanaşı, Avropa İttifaqı ilə də münasibətlərini inkişaf etdirmək istədiyini, lakin Ankaranın daxildə Aİ-yə heç vaxt qəbul edilməyəcəyini anladığını deyib.

Lavrov Ukrayna məsələsində Türkiyənin vasitəçi kimi Moskvaya nə dərəcədə etibarlı tərəfdaş ola biləcəyi ilə bağlı suala cavab verərkən bildirib ki, Ankara Rusiya ilə də yaxşı münasibətlər saxlamaqda maraqlıdır. Onun sözlərinə görə, iki ölkə arasında çoxsaylı iqtisadi layihələr mövcuddur və Qafqaz, eləcə də Qara dənizlə bağlı ortaq tarix onları birləşdirir.

Rusiya XİN rəhbəri Türkiyənin Qara dənizdə sabitliyin qorunmasında səmimi maraqlı olduğunu bildirib. Onun sözlərinə görə, türk rəsmilər hazırda da gəmiçiliyin hücumların hədəfinə çevrilməməsi üçün müəyyən razılaşmanın əldə olunmasının vacibliyini vurğulayırlar.

Lavrov isə bildirib ki, Moskvanın fikrincə, Qara dənizdə gəmiçiliyə qarşı hücumları Rusiya başlamayıb. O, Ukraynaya məxsus pilotsuz uçuş aparatlarının Türkiyə bayrağı altında üzən quru yük gəmilərinə, tankerlərə və mülki gəmilərə zərbələr endirdiyini iddia edib.

Rusiya XİN rəhbəri həmçinin Ukrayna PUA-larının Xəzər Boru Kəməri Konsorsiumunun Xəzər dənizindəki infrastrukturuna bir neçə dəfə hücum etdiyini bildirib. Lavrov bu hücumlar zamanı ABŞ şirkətləri “Chevron” və “ExxonMobil”lə əlaqəli gəmilərin də zərər gördüyünü iddia edib.

Onun sözlərinə görə, Türkiyə və ABŞ bu hücumlara münasibətdə açıq şəkildə Ukraynanın hərəkətlərini qəbuledilməz hesab etdiklərini bəyan etməyiblər. Lavrov Türkiyə tərəfinin Moskvanın narahatlığına cavab olaraq Ankara və Vaşinqtonun Kiyevə bu məsələdə müəyyən siqnallar göndərdiyini bildirdiyini deyib.

Lavrov ABŞ vitse-prezidenti Ceyms Devid Vensin də Ukrayna Prezidenti Vladimir Zelenskiyə Xəzər Boru Kəməri Konsorsiumu ilə bağlı müəyyən mesaj göndərdiyini iddia edib. Onun sözlərinə görə, Türkiyə rəsmiləri də Ukrayna tərəfinə konsorsiumun obyektlərinə toxunmamaq barədə xəbərdarlıq ediblər.

Rusiya XİN rəhbəri eyni zamanda Kiyevin bu çağırışlara münasibətini də tənqid edib. Lavrovun sözlərinə görə, Ukrayna yalnız Rusiya ilə əlaqəsi olmayan gəmilərə zərbə endirməməyə razı olduğunu bildirib.

Lavrov Türkiyə ilə Moskva arasında geniş gündəliyin mövcud olduğunu qeyd edib. Onun sözlərinə görə, Ankara ilə münasibətlərdə NATO üzvlüyü və Avropa İttifaqı ilə əlaqələrdən irəli gələn məsələlər də müəyyən təsir göstərir.

“Düşünürəm ki, NATO üzvlüyü və Avropa İttifaqı ilə müəyyən münasibətlərlə bağlı qalan məsələlər qaçılmazdır”, deyə Lavrov bildirib.

Xəbərin oxunma sayı : 214