“İki uşaq anasıyam, kimdir məni alan?“ -Renka “Mətbəxə girmirəm, maşın sürmürəm, saçımı daramıram“ - VİDEO Sevda Yahyayevanın qısa ətəyi tənqid olundu - VİDEO “Məni çadrada görmək istəyirlər“ - Tənqidlərə cavab verdi
Axtar
 
  • / Maqazin / — 31 Avqust 2026

    “İki uşaq anasıyam, kimdir məni alan?“ -Renka

  • / Maqazin / — 11 İyul 2026

    “Mətbəxə girmirəm, maşın sürmürəm, saçımı daramıram“ - VİDEO

  • / Maqazin / — 11 İyul 2026

    Sevda Yahyayevanın qısa ətəyi tənqid olundu - VİDEO

  • / Maqazin / — 02 İyul 2026

    “Məni çadrada görmək istəyirlər“ - Tənqidlərə cavab verdi

  • / Maqazin / — 01 İyul 2026

    “Ər çörəyi yeyəndə kökələcəm“ - Azərbaycanlı model

  • / Maqazin / — 12 İyun 2026

    “Kişi məclislərinə bir şərtlə gedirəm” - Nigar Şabanova

Next
Previous

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Azərbaycan və Laos dost ölkələrdir, beynəlxalq arenada fəal əməkdaşlıq edirlər

Tarix 15.10.26, 5:22

Font ölçüsü : - / +
bitmap-img6


Laos Xalq Demokratik Respublikasının Prezidenti Thonqlun Sisulitin ölkəmizə rəsmi səfəri iki ölkə arasında münasibətlərin yeni mərhələyə qədəm qoymasını şərtləndirdi. İki ölkə arasında diplomatik əlaqələr 1995-ci ilin may ayında  qurulmuş və ötən 30 ildən artıq dövr ərzində əsasən beynəlxalq platformalarda qarşılıqlı dəstək müstəvisində davam etmişdir. Səfər çərçivəsində prezidentlərin geniş tərkibdə görüşlərində, mətbuata bəyanatlarında səsləndirilən fikirlər, İmzalanan sənədlər yeni mərhələyə daxil olan Azərbaycan-Laos əməkdaşlığının gələcəyi barədə aydın təsəvvür yaratdı. Dövlət başçısı İlham Əliyev mətbuata bəyanatında siyasi müstəvidə əlaqələrimizin  çox uğurla inkişaf etdiyini önə çəkərək eyni mənzərəni iqtisadi sahədə də görmək istəyimizi ifadə etdi. Aparılan fikir  mübadiləsi əsnasında hər iki tərəf eyni mövqe bildirdi ki, bugünkü ticarət dövriyyəmiz nə potensialımızı, nə də niyyətimizi əks etdirir. Göstərişlər verildi ki, iqtisadi, o cümlədən ticarət dövriyyəsi sahəsində əməkdaşlıq intensivləşsin. Bakıda keçirilən Laos-Azərbaycan biznes-forumu bu istiqamətdə önəmli addım kimi dəyərləndirilir.

Azərbaycanın  xarici ölkələrə sərmayə qoyuluşu ildən-ilə genişlənir. Həm maliyyə tutumu nəzərə alınır, eyni zamanda, sərmayələrimizin coğrafiyası da genişlənir. Prezident İlham Əliyevin qeyd etdiyi kimi,  milyardlarla dollar səviyyəsində olan sərmayələr həm imkanlarımızı göstərir və eyni zamanda, qarşı tərəf üçün də çox böyük fayda verir. Yeni iş yerləri yaradılır, yeni istehsalat sahələri formalaşır.

Azərbaycan və Laos arasında siyasi əlaqələrin daha da gücləndirilməsi səfərin ən mühüm nəticəsi  kimi qeyd edilir. İki dövlət dost ölkələrdir və beynəlxalq arenada fəal əməkdaşlıq edirlər. Laos Prezidentinin Azərbaycana ilk rəsmi səfəri iki ölkənin mübasibətlərinin gələcək inkişafında əhəmiyyətli rol oynayacaq mühüm addımlarla yadda qaldı. Nəzərə alsaq ki, oktyabrın 15-də Azərbaycanın ev sahibliyi edəcək AQEM Zirvə görüşündə Laos Prezidenti də iştirak edəcək, bu, diplomatik münasibətlərimizin qurulduğu 30 ildən artıq dövrdə iki ölkənin bir-birinə olan  inamının, etimadının bariz göstəricisidir. Prezident İlham Əliyevin vurğuladığı kimi,  dövlət və hökumət başçılarının və digər rəsmilərin geniş təmsil olunduğu Bakıdakı Zirvə görüşü Asiyada təhlükəsizliyi və əməkdaşlığı gücləndirəcək. Ümumilikdə bizim Asiyaya münasibətdə xarici siyasətimiz düşünürəm ki, çox dinamik və nəticəyönümlüdür.

Azərbaycanın dayanıqlı sülhə və təhlükəsizliyə verdiyi töhfələr beynəlxalq səviyyədə təqdir edilir. Bu gün  sülh, təhlükəsizlik amilləri həm ölkələr arasında əlaqələrin yeni istiqamətlər üzrə inkişafında, həm də yeni əməkdaşlıq formatlarının yaradılmasında əhəmiyyətli rol oynayır. Dövlət başçısı İlham Əliyev Laos Prezidenti ilə mətbuata bəyanatında sülhə gedən yoldan  bəhs edərək bu reallığı xüsusi qeyd etdi ki,  bizi bir ciddi problem də birləşdirir, o da minalardır. Ermənistanın işğalı nəticəsində torpağımızda 1 milyondan çox mina basdırılıb və son 5-6 il ərzində 400-dən çox azərbaycanlı ya həyatını itirib, ya da ki, ağır yaralanıb. Məncə burada da həm təcrübə mübadiləsi faydalı ola bilər, eyni zamanda, bu sahədə yeni texnologiyaların tətbiqi, treninqlər də çox böyük önəm daşıyır.  

Mətbuata bəyanatında Prezident İlham Əliyev hazırda Azərbaycan-Laos əməkdaşlığının əhatə etdiyi sahələrdən, onların daha da inkişafına yönələn addımlardan və yeni istiqamətlərdən bəhs etdi. Vaxtilə sovet dövründə iki mindən çox laoslu tələbənin  Azərbaycanda təhsil aldığını xatırladan Prezident İlham Əliyev bu çağırışı etdi ki, biz bu ənənəni gərək bərpa edək. Bunun üçün müvafiq təqaüdlər mexanizmi də təklif olunmuşdur və gələcək illər ərzində  daha çox laoslu tələbəni Azərbaycanda görəcəyimizə əminik. Parlamentlərarası əlaqələr də inkişaf edir. Hər iki ölkədə dostluq qrupları yaradılıb ki,  bu da özlüyündə bir göstəricidir. Çünki Azərbaycan bu sahədə də həm beynəlxalq parlamentlərarası təşkilatlarda, həm də ikitərəfli formatda uğurlu əməkdaşlıq edir. Hakim partiyalarımız arasında da əlaqələr uğurla inkişaf edir. Bir neçə il bundan əvvəl müvafiq Anlaşma Memorandumu imzalanıb. İki ölkə arasında əlaqələrin mühüm istiqamətlərindən bəhs edərkən nəqliyyat və bağlantılar xüsusi qeyd edilir. Azərbaycanın yerləşdiyi coğrafi mövqe, malik olduğu nəqliyyat imkanları tranzit ölkə kimi mövqeyini daha da möhkəmləndirir. Prezident İlham Əliyev vurğuladı ki, Azərbaycan ərazisində bütün əsas nəqliyyat-logistika layihələri artıq reallaşıb, biz indi daha çox yüklərin aşkar edilməsi, yeni ünvanlardan yüklərin səfərbər olunması və yüklərin həcminin artırılması ilə məşğuluq. Ümid edirəm ki, hər iki tərəfdə reallaşan bütün bu layihələr gələcəkdə başa çatandan sonra yükdaşımaların da həcmi artacaq.
Əlaqələrin inkişafında hüquqi baza rolunu oynayan sənədlərin imzalanmasından da bəhs edib. Bildirib ki, Prezident İlham Əliyev və Laos Prezidenti Thonqlun Sisulit tərəfindən “Azərbaycan Respublikası ilə Laos Xalq Demokratik Respublikası arasında Birgə Bəyanat” qəbul edildi, həmçinin iki ölkə arasında vizasız rejim və kənd təsərrüfatı sahəsində sənədlər imzalandı. Birgə Bəyanat əslində bizim gələcək əməkdaşlığımızı özündə ehtiva edir, əsas əməkdaşlıq istiqamətlərini müəyyənləşdirir.

Azərbaycanın xarici siyasətini dəyişməz prinsipləri həm ikitərəfli əlaqələrinin inkişafında, həm də beynəlxalq təşkilatlar daxilində mövqeyinin möhkəmləndirilməsində əhəmiyyətli rol oynayır. Azərbaycanın inkişaf strategiyasının zamanın tələblərinə uyğun təkmilləşməsi ölkəmizdə  olan  bu və ya digər ölkələrin dövlət və hökumət nümayəndələrini, xarici qonaqları  müsbət mənada təəccübləndirir. Azərbaycan sabitliyi, təhlükəsizliyi ilə yanaşı, daim dinamik inkişafı, yenilikləri ilə diqqətdədir. Laos Prezidenti mətbuata bəyanatında Azərbaycanla bütün sahələrdə əməkdaşlıqda maraqlı olduqlarını bildirərək bu məqamı da xüsusi vurğuladı ki, çox qonaqpərvərsiniz, bu, bizim qardaşlığımızın və dostluğumuzun təcəssümüdür. Mən bundan qabaq Bakıda 44 il əvvəl olmuşam. Bu gün yenidən buradayam. Bakının, Azərbaycanın sürətli inkişafının şahidi oldum. Mənim üçün hər şey yenidir. Mən 44 il bundan əvvəl səfər etdiyim Azərbaycanı güclə tanıdım. Bununla belə, Azərbaycan xalqı mədəniyyətinə və ənənələrinə xas mehribanlığını qoruyub saxlayıb. Azərbaycan xalqı əvvəl olduğu kimi sevimlidir. Bu məndə olduqca xoş təəssürat yaratdı.

Xalid Məmmədov



Xəbərin oxunma sayı : 217




Sosial

Xəbərlər

TOP 10

ARXİV
Əlaqə | Haqqımızda  
Buy website traffic cheap