AzFakt

“Pilgrim Education” şirkətindən şikayətlər artır - Aisa Aslanova isə vətəndaşdan gizlənir

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Kənd sakinləri çöl donuzlarının hücumundan təşvişə düşüb - Şikayət


Tarix 27.06.26, 18:49	Font ölçüsü : - / +

Lerik rayonunun Cəngəmiran kənd sakinləri vəhşi heyvanların yaratdığı təhlükələrlə, həmçinin vurduqları ziyanla üz-üzə qalıb.

Kənd sakinlərinin Musavat.com-a verdiyi məlumata görə, onların əsas məşğuliyyəti əkinçilik və heyvandarlıqdır.

Bu il kənd ərazisində təxminən 200 hektar torpaq sahəsi əkilib. Kəndin şimal-şərqində yerləşən əkin sahələri qabanların kütləvi hücumuna məruz qalır. Bir müddət öncə sakinlərdən biri taxıl zəmisində 40-dan çox çöl donuzu – qaban sayıb.

Cəngəmiranlılar xüsusilə təsərrüfatla məşğul olan kənd uşaqlarına görə çox ehtiyat edirlər ki, heyvanlar onlara hücum edə bilər.

Yaranmış vəziyyətlə bağlı sakinlər Ekologiya və Təbii Sərvətlər Nazirliyinə müraciət ediblər.

Nazirliyin regional şöbəsinin nümayəndələri sakinlərin rəsmi müraciətinə cavab olaraq əraziyə baxış keçiriblər. Onlarla birgə kəndə gələn ovçular tərəfindən profilaktik tədbirlər görülüb, qabanların qovulmasından ötrü havaya bir neçə dəfə atəş açılıb.

Daha sonra isə Nazirliyin 1 saylı Regional Ekologiya və Təbii Sərvətlər İdarəsindən kənd sakinlərinin müraciətinə bu məzmunda rəsmi cavab göndərilib:

“Tərəfinizdən çöl qabanlarının əkin sahələrinə ciddi ziyan vurduğu və problemin həllinə köməklik göstərilməsi barədə Ekologiya və Təbii Sərvətlər Nazirliyinə daxil olmuş 15.05.2026-cı il tarixli müraciətiniz sizin iştirakınızla araşdırılıb.

Lerik rayonunun Cəngəmiran kəndi ərazisində sizə məxsus əkin və biçənək sahələrinə çöl donuzlarının ziyan vurması barədə daxil olmuş müraciətinizlə bağlı profilaktik tədbir keçirilib. Keçirilən tədbir zamanı ərazidən çöl donuzlarını kənarlaşdırmaq üçün müvafiq komissiya üzvləri olan ovçular cəlb edilib. Ovçular tərəfindən Lerik rayonunun Cəngəmiran kəndində sizə məxsus olan əkin və biçənək sahəsində, hadisə baş vermiş ərazilərdə havaya atəşlər açılıb. Profilaktik tədbir keçirilən zaman ərazidə çöl donuzları müşahidə olunmayıb”.

Sakinlərin sözlərinə görə, Nazirlik əməkdaşlarının gedişindən sonra da problem aradan qalxmayıb. Belə ki, yenə də qabanların əkin sahələrini viran qoyması halı davam edir. Sakinlər bildirir ki, vəhşi heyvanlar təkcə taxıl sahələrini yox, biçənəkləri də məhv edirlər. Onların otlaq sahələrini eşməsi elə bir mənzərə yaradır ki, sanki ərazi traktor tərəfindən şumlanıb. Beləliklə, sakinlər otlaqların biçilməsi zamanı texnikadan istifadə etmək imkanından da məhrum olub.

Sakinlərin dediyinə görə, vəhşi heyvanların ovlanmasının qadağan edilməsi və belə hallara görə sərt cərimələrin nəzərdə tutulması meşə massivinə yaxınlıqda yerləşən kəndlərin sakinlərini çox çətin vəziyyətdə qoyub. Belə ki, Lerikin Piran və Zuvand bölgələrində də müxtəlif vəhşi heyvanlar, o cümlədən ayı, canavar, çaqqal, tülkü həm insanlara, həm də heyvanlara təhlükə yaradır.