AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Mənzil təmiri adı ilə 574 min manatlıq dələduzluq - TƏFƏRRÜAT


Tarix 31.07.26, 20:54	Font ölçüsü : - / +

Özünü təmir-tikinti şirkətinin rəhbəri kimi təqdim edərək müxtəlif vətəndaşların etibarından sui-istifadə etməklə külli miqdarda pul vəsaitini ələ keçirməkdə təqsirləndirilən Vüsal Bağırovun cinayət işi üzrə hökm elan olunub.

AzFakt.com xəbər verir ki, Bakı Ağır Cinayətlər Məhkəməsində araşdırılan iş üzrə Vüsal Bağırov Cinayət Məcəlləsinin 178.3.2-ci maddəsi (təkrar, külli miqdarda ziyan vurmaqla dələduzluq) ilə təqsirli bilinib. Məhkəmə ona əvvəlcə 6 il 6 ay müddətinə azadlıqdan məhrumetmə cəzası təyin edib. Daha sonra Cinayət Məcəlləsinin 66.5-ci maddəsi tətbiq olunaraq Şəki Apellyasiya Məhkəməsinin əvvəlki hökmü ilə təyin edilmiş 1 il 10 aylıq cəza qismən toplanılıb və nəticədə Vüsal Bağırova qəti olaraq 7 il müddətinə azadlıqdan məhrumetmə cəzası verilib.

Cinayət işi materiallarına əsasən, Vüsal Bağırov 2018–2023-cü illər ərzində Bakı, Abşeron, Sumqayıt və digər ərazilərdə yaşayan çoxsaylı şəxslərlə tanışlıq və etibar münasibətlərindən istifadə edərək onların mənzillərini təmir etdirəcəyini, bəzi hallarda isə fərdi yaşayış evləri tikəcəyini vəd edib. O, tikinti materiallarının alınacağını, ustalara ödəniş ediləcəyini və işlərin qısa müddətdə başa çatdırılacağını bildirərək zərərçəkmişlərdən hissə-hissə külli miqdarda pul alıb.

İstintaqın müəyyən etdiyi epizodlara görə, Bağırov aldığı vəsaitin böyük hissəsini şəxsi ehtiyaclarına sərf edib və üzərinə götürdüyü öhdəlikləri yerinə yetirməyib. Bir sıra ünvanlarda təmir işlərinə ümumiyyətlə başlamayıb, bəzi hallarda isə cüzi həcmdə iş gördükdən sonra müxtəlif bəhanələrlə zərərçəkmişlərdən əlavə vəsait tələb edib. Pul vəsaitləri ona həm nağd şəkildə verilib, həm də bank kartlarına köçürmə, "MilliÖn", "eManat" və "mPay" vasitəsilə göndərilib.

İş üzrə 20-dən çox dələduzluq epizodu müəyyən edilib. Məhkəmə materiallarına əsasən, zərərçəkmişlərdən biri 115 min 800 manat, digəri 79 min 820 manat, daha biri isə 75 min manat məbləğində ziyana məruz qalıb. Bundan başqa, 32 min 740, 29 min, 22 min 500, 22 min 400, 21 min, 20 min, 16 min, 14 min, 12 min, 11 min 500, 11 min, 10 min 800, 9 min 500, 8 min 750, 8 min 580, 6 min 855, 6 min 670, 5 min 900 və 3 min manat məbləğində zərər vurulduğu müəyyən olunub.

İstintaq materiallarından məlum olub ki, ən iri dələduzluq epizodlarından biri Şüvəlan qəsəbəsində fərdi yaşayış evinin tikintisi ilə bağlı olub. Zərərçəkmiş şəxs müxtəlif vaxtlarda ümumilikdə 115 min 800 manat ödəsə də, ev tikilib başa çatdırılmayıb.

Digər iri epizodlardan biri Sabunçu rayonu ərazisində yerləşən üç mənzilin təmiri ilə bağlı olub. Bu iş üzrə zərərçəkmiş şəxs müxtəlif vaxtlarda nağd şəkildə, bank kartları və ödəniş terminalları vasitəsilə ümumilikdə 79 min 820 manat ödəyib. Lakin vəd olunan təmir işləri yerinə yetirilməyib.

Bundan başqa, "Caspian Park" yaşayış kompleksində yerləşən mənzilin təmiri adı ilə 75 min manat, Binəqədi rayonundakı mənzilin əsaslı təmiri adı ilə 32 min 740 manat, beşotaqlı mənzilin təmiri adı ilə 29 min manat, Buzovna və digər ərazilərdə isə fərdi yaşayış evlərinin tikintisi və təmiri adı ilə on minlərlə manat vəsaitin ələ keçirildiyi müəyyən edilib.

Məhkəmə baxışı zamanı Vüsal Bağırov elan olunmuş ittiham üzrə özünü təqsirli bilməyib. Buna baxmayaraq, məhkəmə zərərçəkmişlərin ifadələrini, bank köçürmələrini, ödəniş qəbzlərini, digər sənədləri və iş üzrə toplanmış sübutları araşdıraraq onun təqsirinin tam sübuta yetirildiyi qənaətinə gəlib.

Hökmə əsasən, Vüsal Bağırovun həbsdə saxlanıldığı 1 ay 27 gün təyin olunmuş cəza müddətindən çıxılıb. Beləliklə, onun çəkilməli olduğu cəza müddəti 6 il 10 ay 3 gün azadlıqdan məhrumetmə cəzası olaraq müəyyən edilib.

Xəbərin oxunma sayı : 184