AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Almaniya 4 böyük döyüş gəmisi alır: Nə qədər xərclənəcək?


Tarix 11.07.26, 13:06	Font ölçüsü : - / +

Almaniya Almaniya Hərbi Dəniz Qüvvələri üçün dörd yeni iri döyüş gəmisi əldə edir. Almaniya Bundestaqının Büdcə Komitəsi "MEKO A-200 DEU" (F128) tipli ilk dörd freqatın alınmasının maliyyələşdirilməsini təsdiqləyib. Bundan əlavə, daha dörd belə gəminin tikintisi üçün əlavə sifariş hüququ (opsion) da nəzərdə tutulur.

Qaynarinfo xəbər verir ki, bu barədə "Hartpunkt" nəşri məlumat yayıb.

Təsdiqdən sonra tərəflər freqatların tikintisi ilə bağlı "Thyssenkrupp Marine Systems" (TKMS) şirkəti ilə rəsmi müqavilə imzalaya biləcəklər. İlk dörd "MEKO A-200 DEU" freqatının dəyərinin təxminən 6,3 milyard avro olacağı bildirilir. Daha dörd gəminin tikintisini əhatə edən əlavə sifariş hüququnun (opsionun) dəyəri isə 5,3 milyard avro qiymətləndirilir.

"Thyssenkrupp Marine Systems"in baş icraçı direktoru Oliver Burkhard bunu şirkətin tarixində yerüstü döyüş gəmilərinə dair ən böyük sifariş adlandırıb. Onun sözlərinə görə, təhlükəsizlik mühitinin pisləşməsi fonunda freqatların tikintisi mümkün qədər sürətlə həyata keçiriləcək. İlk "MEKO A-200 DEU" freqatının 2029-cu ildə Almaniya Hərbi Dəniz Qüvvələrinə təhvil verilməsi planlaşdırılır.

Gəmilərin alınmasına dair qərar iyunun sonunda "F126" layihəsi üzrə altı freqatın sifarişinin ləğv edilməsindən sonra mümkün olub. Almaniya Müdafiə Nazirliyi proqramın davam etdirilməsindən imtina etməsini gecikmələr, xərclərin artması və baş podratçının dəyişdirilməsi ilə bağlı risklərlə izah edib.

"MEKO 200" sinifli freqatlar haqqında

"MEKO A-200" layihəsinin, o cümlədən onun "MEKO A-200 DEU" modifikasiyasının hazırlayıcısı Almaniyanın gəmiqayırma şirkəti "Thyssenkrupp Marine Systems"dir. Tarixi baxımdan "MEKO" döyüş gəmiləri ailəsi məşhur Alman gəmiqayırma müəssisəsi "Blohm+Voss"un layihələrinə əsaslanır.

"MEKO 200" freqatının əsas texniki göstəriciləri:

* Tam suyerimi – 3 400 ton; (**düzəliş edildi**)

* Uzunluğu – 118 metr;

* Eni – 14,8 metr;

* Maksimal sürəti – 32 düyün (təxminən 59 km/saat);

* Üzmə uzaqlığı – 6 000 dəniz mili (təxminən 12 000 kilometr);

* Ekipajı – 220 nəfər.

"MEKO 200" freqatı 127 millimetrlik universal dəniz artilleriya qurğusu, gəmiəleyhinə raketlər, hava hücumundan müdafiə sistemləri və sualtı qayıqlara qarşı silahlar da daxil olmaqla geniş silahlanma kompleksi ilə təchiz olunur.

Xəbərin oxunma sayı : 160