AzFakt

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

Rusiya-İran arasında Azərbaycan üzərindən qaz anlaşması - Putin bu dəfə əmindir, amma..

Arayik Harutyunyan Azərbaycan xalqından üzr istədi - “İndi bu bəyanata görə təəssüflənirəm...“

Azəraycanda terror aktı hazırlayanlar həbs olundu - “200 min dolları müqabilində ona sui-qəsd edəcəkdilər...“

Çin qərbə qarşı məxvi planı işə saldı - “Made in China 2025”-də nələr var?

Bakıda 120 milyonluq qalmaqallı hərracın arxasında kimlər dayanır? - ŞOK İSİMLƏR

Abşeron rayonunda sənədsiz evlərin sayı sürətlə artır - İcra hakimiyyəti ilə “anlaşıb“...

Prezidentdən dünyaya mesaj: Azərbaycan 21 ildir inamla, uğurla, ləyaqətlə inkişaf edir

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

Ali məktəbə qəbulda 5 fəndən imtahan nəyə lazımdır? - Deputatdan təklif


Tarix 17.01.25, 14:53	Font ölçüsü : - / +

Qəbul imtahanlarının vaxtı açıqlanan gündən şagirdlərin də, valideynlərin də gərginliyi artıb.

İmtahanların yenə mart ayında keçirilməsi, dərs yükünün ağırlığı, sualların çaşdırıcı olması, keçid ballarının artması məsələsi yenidən gündəmi zəbt edib.

Təhsil ekspertlərini isə bu mövzulardan ən çox narahat edəni imtahan fənnlərinin sayının çoxluğudur. Onların fikrincə, buraxılış imtahanında abituriyentlər ixtisas qrupu ilə bağlı 3 fəndən imtahan verib növbəti blok imtahanına hazırlaşırlar. İmtahan nəticələrinin açıqlanması da ən azı 3-4 həftə vaxt aparır. Bu səbəbdən də fənlərin sayının azaldılıb konkret 3 fəndən ibarət olması daha məqsədəuyğun olardı. İmtahan nəticələrinin açıqlanması da ən çoxu 10 gün çəkə bilər.

Maraqlıdır, ekspertlərin təklifi reallaşa bilərmi?

Mövzu ilə bağlı Bizim.Media-ya danışan millət vəkili, Elm və Təhsil Komitəsinin üzvü Elnarə Akimovanın fikrincə, bu təklifin gerçəkləşməsi hələlik mümkün görünmür:

“Bu məsələnin həyata keçiriləcəyinə inanmıram. Məncə, yaxşı oxuyan uşaq üçün 5 fənni öyrənmək o qədər də çətin deyil. Əsas məsələ hər fənnin dərs yükünün azaldılmasıdır. Fənn sayındansa dərs yükünü xəfiflətmək, dərslikləri sadələşdirmək lazımdır. Testlər və digər əlavə tapşırıqları bir qədər minimuma endirmək daha doğru olardı. Mən dəfələrlə bununla bağlı fikirlərimi səsləndirmişəm”.

Deputatın sözlərinə görə, bu gün bu yöndə müzakirələr həddindən artıq çoxdur:

“Tək şagirdlərin yox, pedoqoqların da dərs yükü çoxdur. Müəllim bilmir sinfə girib dərs keçsin, jurnal yazsın, test yoxlasın, yoxsa digər əlavə işləri görsün. Qabaq müəllim sinfə girəndə işi ancaq dərs keçməkdən ibarət olurdu. 45 dəqiqəsini öyrətməyə sərf edirdi. Bu gün isə o qədər əlavə yüklənib ki, məcburdur zamanını bir neçə yerə bölsün. Nəticədə də şagirdlərə çox az zamanı qalır. Zənnimcə, ilk növbədə bunu aradan qaldırmaq lazımdır. Düşünürəm daha kəskin şəkildə bu mövzunu qaldırmalıyıq.

Çünki bugünkü dərs sistemi qaneedici deyil. Bu gün repetitor hazırlıqları olmazsa, uşaqların yüksək nəticələri də olmayacaq. Bu, bizim acı reallığımızdır. Səbəbi də odur ki, müəllimə imkan tanımırlar ki, sinfə girib ancaq dərslə məşğul olsun. Əlavə yüklər onu öz işinə köklənməkdən, gücünü tam buna həsr eləməkdən məhrum edir”.

Deputat onu da bildirib ki, repetitor hazırlığı müəllimlərdə də arxayınlıq yaradıb:

“Bəzi müəllimlər deyir ki, əsas sinfə girim, dərsin keyfiyyəti o qədər də vacib deyil. Necə olsa, uşaqlar sonra yanıma gələcəklər və əlavə dərsdə məşğul olacam. Bu nə müəllimlər üçün, nə də şagirdlər üçün yaxşı yol deyil. Çünki şagirdlər də dərsə oxumadan gedirlər ki, hazırlıqda oxuyacam. Bunu aradan götürmək lazımdır. Çalışmaq lazımdır ki, testlərə salınan suallar ancaq dərsliklərdən olsun. Müəllim də zəhmət çəkib dərsini sinifdə keçsin. Məncə, Elm və Təhsil Nazirliyində bununla bağlı ekspertlər qrupu yaradılmalıdır, gərəkli tövsiyələr dinlənilməlidir. Fikrimcə, bunun həll yolunu tapmaq o qədər də çətin deyil”.

Deputat söhbət əsnasında buraxılış sinifləri ilə bağlı bir məqama da toxunub:

“Buraxılış sinfindəki şagirdlərin imtahanını mart ayına salıblar. Tədris ili isə iyunda tamamlanır. Bəs, elədirsə, mart ayından sonra uşaqların dərsə getməsinin nə mənası var?! Bu, başa düşülmür. Olmazmı ki, bu imtahanlar mayda, iyunda keçirilsin? 5 olmasın, 4 imtahan olsun, amma bir dəfədə, bir gündə keçirilsin, bitsin. Qabaqlar necə idi?! Yoxsa indi üçünü bir vaxtda, digər üçünü isə başqa vaxtda keçirirlər.

Məncə, islahatları bu yöndə aparmaq lazımdır. Təhsil elə sahədir ki, burada inqilabi islahat etmək mümkün deyil. Düşünülmüş, maarifçi, daha tərəqqipərvər islahatlar olmalıdır. Yoxsa otururlar, səhər qalxıb sıçrayışlı qərarlar verirlər. Belə olmur. Təhsil, mədəniyyət bunlar loyal qərarlar üzərində gəlişməlidir”.

Xəbərin oxunma sayı : 988