AzFakt

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

5 hakimi təhqir edən şəxs həbs edildi - 10 min təzminat alacaqlar


Tarix 14.11.25, 9:46	Font ölçüsü : - / +

Sosial şəbəkələrdə 5 hakimi təhqir edən və onları rüşvət almaqda ittiham edən şəxs həbs edilib. Hakimlərin hər biri 50 min manat məbləğində mənəvi təzminat tələb edib.

Teleqraf xəbər verir ki, 1962-ci il təvəllüdlü Masallı rayon sakini Hikmət Şükürov 5 hakim tərəfindən xüsusi ittiham qaydasında məhkəməyə verilib. Buna səbəb onun sosial şəbəkələrdə hakimlər barəsində təhqiramiz fikirlər səsləndirməsi və onları rüşvət almaqda ittiham etməsi olub.

İlkin məlumata görə, Hikmət Şükürovun hakimlərə qarşı qərəzli münasibətinin səbəbi bacısı oğlu Sabit Əliyev barəsində xuliqanlıq maddəsi ilə çıxarılmış hökmdür.

Sabit Əliyevin cinayət işi üzrə növbəti məhkəmə iclası Şirvan Apellyasiya Məhkəməsində keçirilən zaman onun barəsində ittihamedici hökm elan olunub. Məhkəmə zalında olan Hikmət Şükürov buna etiraz olaraq hakimlərin ünvanına təhqiramiz ifadələr işlədib.

Məhkəmə binasında onu sakitləşdirməyə çalışan polis əməkdaşlarına da müqavimət göstərən Hikmət Şükürov 8 sutka inzibati həbs cəzası alıb.

Həbsdən çıxdıqdan sonra o, sosial şəbəkə hesablarında bacısı oğlu barəsində çıxarılan hökmü ədalətsiz adlandırıb, daha sonra isə hakimləri açıq şəkildə təhqir edib.

O, müxtəlif paylaşımların şərh bölmələrində Masallı Rayon Məhkəməsinin sədri Firdovsi Əliyevi, hakim Elşən Təbrizoviçi, Şirvan Apellyasiya Məhkəməsinin sədri Vəli Abdullayevi, hakim Elçin Xasməmmədovu, eləcə də Şirvan Şəhər Məhkəməsinin hakimi Ceyhun Mustafayevi və onların ailə üzvlərini təhqir edərək rüşvət almaqda ittiham edib.

Adı çəkilən hakimlər xüsusi ittiham qaydasında məhkəməyə müraciət edərək Hikmət Şükürovun cinayət məsuliyyətinə cəlb edilməsini və hər birinə 50 min manat mənəvi təzminat ödənilməsini tələb ediblər.

Binəqədi Rayon Məhkəməsinin hökmü ilə Hikmət Şükürov böhtan və təhqir maddələri ilə təqsirli bilinərək 2 il müddətinə azadlıqdan məhrum edilib.

Məhkəmə həmçinin mənəvi zərərə görə hər bir hakimin xeyrinə 10 min manatın Hikmət Şükürovdan tutularaq ödənilməsi barədə qərar qəbul edib.

Xəbərin oxunma sayı : 949