AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Həmid Herisçi Təbrizə bu məqsədlə gedibmiş - Xanımı açıqladı


Tarix 28.02.26, 19:11	Font ölçüsü : - / +

Azərbaycanın tanınmış yazıçısı Həmid Herisçi hazırda Təbrizdədir və son saatlarda onunla əlaqə saxlamaq mümkün olmayıb. İranın müxtəlif şəhərlərinin intensiv hava zərbələrinə məruz qalması barədə yayılan məlumatlar fonunda bu fakt ciddi narahatlıq doğurur.

Tehran, İsfahan, Qum və digər iri şəhərlərlə yanaşı, Təbrizin də hücumlara məruz qaldığı bildirilir. Bu isə yazıçının təhlükəsizliyi ilə bağlı sualları daha da artırıb.

Məsələ ilə bağlı yazıçının həyat yoldaşı İlhamiyyə Rza Musavat.com-a açıqlamasında bildirib ki, səhər saatlarında onunla danışa bilib:

"Səhər Həmidlə danışdım. Dedi ki, narahat olma. Soruşdum ki, hava əlaqəsi pozulub, necə geri qayıdacaqsan? Cavab verdi ki, Tehrandan dönə bilərəm. Mən də dedim ki, nəbadə Tehrandan gəlmə, çünki hücum olarsa, ilk hədəflərdən biri məhz Tehran aeroportu ola bilər. O isə dedi ki, yaxşı, onda Tehrana getmərəm, lazım gələrsə Türkiyə üzərindən qayıdaram. Bildiyiniz kimi, Xarici İşlər Nazirliyi oradakı Azərbaycan vətəndaşlarının çıxışı üçün müəyyən imkanlar yaradıb. Quru sərhədlərimizin bir hissəsi – Culfa və Naxçıvan istiqaməti açıqdır. Naxçıvandan da dostlarımız zəng edib bildiriblər ki, gəlsin, onu gözləyirlər.

Ancaq bu danışıqdan sonra onunla əlaqə saxlaya bilmədim. Ola bilsin ki, İranda internet tamamilə kəsilib. Çünki dostları ilə də əlaqə yarada bilmirəm. Müharibə şəraitində internetin məhdudlaşdırılması və ya kəsilməsi təbiidir”.

İlhamiyyə Rza Həmid Herisçinin İrana səfərinin məqsədinə də aydınlıq gətirib. Onun sözlərinə görə, səfər sırf ədəbi missiya daşıyıb: "Həmid Herisçi Azərbaycan Yazıçılar Birliyinin Güney Azərbaycan Komissiyasının sədr müavinidir. İrana getməkdə məqsədi oradakı ədəbi mühitdə canlanmanı stimullaşdırmaq, ədəbiyyatla bağlı materiallar toplamaq, şair və yazıçılarla görüşmək idi. Ötən həftə verilişimiz dayandıqdan sonra dedi ki, artıq vaxtım var, Təbrizə gedə bilərəm. İstəyirdi ki, Güney Azərbaycanda ədəbiyyatçılarla daha canlı və sistemli iş aparsın. Buna görə də yola düşdü.

Ən uzağı iki həftəyə qayıtmalı idi. Artıq dönüş vaxtı çatmışdı. Bir həftə, on gün idi ki, getmişdi. Düşünürdüm ki, gələn həftənin ortalarında geri dönəcək. Ümid edirəm ki, tezliklə yenidən əlaqə saxlaya biləcəyəm. Bildiyim qədər, Təbrizdə hələlik nisbətən sakitlikdir.

İnşallah, yaxşı xəbər çıxar. Allah təkcə Həmid Herisçini deyil, oradakı bütün həmvətənlərimizi qorusun – istər buradan gedənləri, istərsə də orada yaşayanları. Müharibə çox ağır bir hadisədir, Allah heç kimə göstərməsin. Ümid edirəm ki, bizimkilərə heç bir xətər dəyməz”.

Xatırladaq ki, Həmid Herisçi çağdaş Azərbaycan ədəbiyyatında modernist və postmodernist istiqamətin tanınmış nümayəndələrindən biridir. O, yazıçı, publisist, teleaparıcı və ictimai fikir adamı kimi fəaliyyət göstərir. Eyni zamanda Azərbaycan Yazıçılar Birliyinin Güney Azərbaycan Komissiyasının sədr müavinidir və bu çərçivədə Güney Azərbaycanda ədəbi proseslərin izlənməsi və əlaqələrin qurulması ilə məşğul olur.

Həmid Herisçi əslən təbrizlidir. Onun atası Qafar Herisçi 1923-cü ildə Təbriz şəhərində anadan olub. Özünə "Kəndli" təxəllüsü götürüb. Azərbaycan Demokrat Firqəsinə üzv olub və "21 Azər" hərəkatında fədai kimi iştirak edib. 1946-cı ilin mart ayında milli-demokratik hərəkatda iştirak etdiyi üçün "21 Azər" medalı ilə təltif olunub.

Xəbərin oxunma sayı : 154