AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Son 5 ilin ən böyük avtomobil istehsalçıları - SİYAHI


Tarix 02.07.26, 20:52	Font ölçüsü : - / +

2020–2025-ci illər ərzində dünya avtomobil sənayesində liderlik dəyişməsə də, bazarda güc balansı əhəmiyyətli dərəcədə yenilənib.

Yeniavaz.com “F&I Tools”un illik satış məlumatları əsasında hazırladığı reytinqə istinadən xəbər verir ki, qlobal satışlara görə “Toyota” və “Volkswagen” ilk iki pillədə mövqelərini qoruyarkən, Çin istehsalçıları BYD, “Geely” və “Changan” sürətli yüksəliş nümayiş etdirərək dünyanın ən böyük avtomobil istehsalçıları sırasına daxil olublar.

“Toyota” 2025-ci ili 11 milyondan çox avtomobil satışı ilə ardıcıl olaraq dünyanın ən böyük avtomobil istehsalçısı kimi başa vurub. Almaniyanın “Volkswagen” qrupu isə 9 milyona yaxın satışla ikinci yerdə qərarlaşıb.

Reytinqdə ən diqqətçəkən dəyişikliklərdən biri Cənubi Koreyanın “Hyundai-Kia” qrupunun bir pillə irəliləyərək üçüncü yerə yüksəlməsi olub. ABŞ-nin “General Motors” şirkəti isə bir pillə geriləyərək dördüncü sıraya düşüb.

2021-ci ildə “Fiat Chrysler” və “PSA Group” şirkətlərinin birləşməsi nəticəsində yaradılan “Stellantis” 2025-ci ildə 5,6 milyon avtomobil sataraq beşinci pillədə qərarlaşıb.

Yapon avtomobil istehsalçılarının əksəriyyəti isə son beş ildə mövqelərini itiriblər. “Honda” beşinci yerdən səkkizinci yerə, “Nissan” yeddinci yerdən onuncu yerə enib. Əvəzində “Suzuki” satışlarını iki dəfədən çox artıraraq 13-cü yerdən doqquzuncu pilləyə yüksəlib.

Ən böyük sıçrayış isə Çin şirkətlərinə məxsusdur. Elektrikli avtomobil istehsalçısı BYD qısa müddətdə dünyanın ilk 10 avtomobil istehsalçısı sırasına daxil olaraq yeddinci yeri tutub. Şirkət ABŞ bazarında məhdud fəaliyyət göstərməsinə baxmayaraq, elektrikli avtomobil satışlarında bir sıra məşhur rəqiblərini geridə qoyub. Digər Çin istehsalçısı “Geely” isə satışlarını 2020-ci ildəki 1,3 milyon avtomobildən 2025-ci ildə 3 milyondan çoxa çatdıraraq 11-ci pilləyə yüksəlib. “Changan” da ilk dəfə reytinqə daxil olaraq 12-ci yeri tutub.

Avropa istehsalçıları üçün isə pandemiyadan sonrakı dövr daha çətin keçib. BMW iki pillə geriləyərək 13-cü, “Mercedes-Benz” 15-ci, “Renault” isə beş pillə aşağı düşərək 14-cü yerdə qərarlaşıb.

ABŞ avtomobil istehsalçıları da qlobal rəqabətdə təzyiqlə üzləşiblər. “General Motors” 2020-ci illə müqayisədə 2025-ci ildə təxminən 500 min daha az avtomobil satıb. “Ford” isə eyni dövrdə satışlarını təxminən 450 min avtomobil artırsa da, reytinqdə altıncı mövqeyini qoruyub.

1-ci yer – “Toyota” (2020-ci ildə də 1-ci yer);

2-ci yer – “Volkswagen” (2020-ci ildə də 2-ci yer);

3-cü yer – “Hyundai-Kia” (2020-ci ildə 4-cü yer);

4-cü yer – “General Motors” (2020-ci ildə 3-cü yer);

5-ci yer – “Stellantis” (2021-ci ildə yaradılıb, 2020-ci ildə reytinqdə olmayıb);

6-cı yer – “Ford” (2020-ci ildə də 6-cı yer);

7-ci yer – BYD (2020-ci ildə reytinqdə olmayıb);

8-ci yer – “Honda” (2020-ci ildə 5-ci yer);

9-cu yer – “Suzuki” (2020-ci ildə 13-cü yer);

10-cu yer – “Nissan” (2020-ci ildə 7-ci yer);

11-ci yer – “Geely” (2020-ci ildə 14-cü yer);

12-ci yer – “Changan” (2020-ci ildə reytinqdə olmayıb);