AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Hakim Əhliman Xıdırov qardaşı oğluna himayədarlıq edir? - ŞİKAYƏT


Tarix 18.07.24, 18:01	Font ölçüsü : - / +

Bərdə sakini ona 11 000 manat maddi ziyan vuran şəxsdən, həmin məbləğ ziyanlığın ödənilməsini tələb edir

1995-ci il noyabrın 12-də qəbul edilmiş Azərbaycan Respublikasının Konstitusiyasında ölkəmizdə insan hüquq və azadlıqlarının həyata keçirilməsinə əsaslanan yeni dövlət quruculuğunun əsası qoyulmuşdur və Konstitusiyamızda insan hüquq və azadlıqlarının təmin olunması, məhz dövlətimizin ali məqsədi olaraq müəyyən edilmişdir. İllər keçdikcə bu sahədə müəyyən addımlar atıldı, saysız-hesabsız qanun və qərarlar da qəbul edildi. 1995-ci ildə qəbul olunmuş Konstitusiyasının 7-ci maddəsinin I hissəsində qeyd olunub ki, Azərbaycan dövləti demokratik, hüquqi, dünyəvi və unitar bir dövlətdir. Hüquqi dövlətin sosial əsası özünü tənzimləyən vətəndaş cəmiyyətidir və bu dövlət vətəndaş cəmiyyətinin forması kimi çıxış edir. Bu tip dövlətlərin mərkəzində insan hüquq və azadlıqlarının müdafiə olunması daim öndə tutulur.

Qeyd edək ki, mərhum prezidentimiz, Ulu Öndər Heydər Əliyev Azərbaycan dövlətinin əsas ali məqsədlərindən biri olaraq, insanların və vətəndaşların hüquqlarının qorunmasını daim öndə tuturdu. Faktdır ki, bu gün də möhtərəm Prezidentimiz İlham Əliyev cənabları Konstitusiyamızdan irəli gələn tələblərə, yəni vətəndaş hüquq və azadlıqlarının təmin olunmasına olduqca önəm verir və hər bir vəzifə sahibinə, məhz bu yöndə lazımi tapşırıqlarını da verir. Belə bir səbəbdəndir ki, xalqımız möhtərəm Prezidentə inanır və ona güvənir. Təəssüf doğuran hal odur ki, zaman-zaman olduğu kimi, bu gün də dövlətimizin ayrı-ayrı qurumlarına qarşı inamsızlıq hissi yaratmağa çalışan, bir sözlə xalqa qarşı münasibətdə xəyanət yolunu tutan elə vəzifə sahibləri var ki, onlar yenə də qınaq obyektinə çevrilirlər. Bərdə şəhəri, Köbərkənd kənd sakini, hal-hazırda Bakı şəhəri, Binəqədi rayonu, Abay Kunanbayev küçəsi, bina-64, mən-49 ünvanında yaşayan Yusibov Murad Şakir oğlu tərəfindən şikayət ərizəsi daxil olub və bu şəxs yazdığı ərizəsində ona aid hüquqların pozulduğunu bildirir.

Murad Yusifov qeyd edir: “Mən ötən ilin dekabr ayında şəxsi istifadəmdə olan “KİA RİO -2007” markalı, dövlət nömrə nişanı 99-HY-640 olan avtomobilimi Naxçıvan MR-ı, Ordubad rayonu, Parağa kənd sakini Xıdırov Mehman Arzu oğluna 1 (bir) ay müddətinə idarəetməyə (etibarnamə əsasında) vermişdim. Qeyd edim ki, bu şəxs etibarnamə əsasında verdiyim avtomobilimi 2-3 gündən sonra, daha dəqiq desəm 20 dekabr 2023-cü il tarixdə olduqca sərxoş vəziyyətdə idarə edir. Az sonra o, avtomobilimi Abşeron rayonu, Qobu qəsəbəsinə gedən yolun kənarında dayanan “Ford Tranzit” markalı nəqliyyat vasitəsinin arx5a tərəfinə yüksək sürətlə vurur. Zərbənin təsiri o qədər böyük olur ki, hadisə yerinə yaxın olan digər nəqliyyat vasitələri də, baş verən zərbənin təsirindən xeyli zədələnirlər. Qeyd edim ki, mən “KİA RİO -2007” markalı avtomobilimi 11000 (on bir min) manata almışdım və baş verən hadisə nəticəsində həm Mehman Xıdırov ağır bədən xəsarətləri alır, həm də avtomobilim olduqca yarasız vəziyyətə düşür. Hadisənin baş verməsinə əsas səbəb, həmin vaxt Mehman Xıdırovun olduqca sərxoş vəziyyətdə olması olur. Hadisə yerində olan yol polisi əməkdaşları bu şəxsə İXM-nin 327.1 maddəsinin tələblərini tətbiq edirlər.

Onu da bildirim ki, baş verən hadisədən sonra Mehman Xıdırov xəstəxanaya yerləşdirilir və o, bir neçə gün müayinə və müalicə olunur. Həyata keçirilən müayinə və müalicə nəticəsində səhhəti kifayət qədər qaydaya düşən bu şəxsin, hal-hazırda Ordubad rayonunun Parağa kəndində olması haqda müəyyən məlumatlar var. Mehman Xıdırov atdığı addımı ilə mənə maddi ziyan vurduğunu bildirir, amma o, həmin ziyanı ödəmir, yaxud da ödəmək istəmir. Şifahi məlumatlarıma görə, bu şəxsin yaxın qohumu indiyə kimi məni aldatmaqla məşğul olur. Elə ki, zəng edib Mehman Xıdırovdan vurduğu maddi ziyanın ödənilməsini tələb edirəm, o halda bu şəxs mənə “yağlı vədlər” verir və minbir bəhanələr danışır, hətta o, “mənim əmim Əhliman müəllim məhkəmə hakimidir, hara və kimə şikayət etsən də heç bir nəticəsi olmayacaq” deyir və belə bir yollarla da vurduğu ziyanı ödəmir. Artıq hal-hazırda elə bir sıxıntılarla, olmazın çətinliklərlə üz-üzə qalmışam ki, bu gün özümü yandırıb intihar etmək qərarına gəlmişəm. Bəli, Mehman Xıdırovun bu cür davranışları onu söyləməyə əsas verir ki, bu şəxs doğma əmisinə arxayın olur və bir növ özünü toxunulmaz şəxs hesab edir. Düzdür, bu problemlə bağlı bir müddət bundan əvvəl Baş Prokurorluğa, Daxili İşlər Nazirliyinə və Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə şikayət ərizəsi ünvanlamışam. Yazdığım şikayət ərizəsi ilə bağlı verilən cavab məktublarının birində qeyd olunub ki, “Siz Binəqədi RPİ-nin 5-ci polis bölməsinə müraciət edin”. Bəli, mən müraciətimi edəcəyəm və o halın varlığına da ümid edirəm ki, aparılan araşdırmalar zamanı pozulmuş hüquqlarım ədalətli şəkildə həll olunacaq.

Qeyd edim ki, mən olduqca maddi sıxıntılar içində yaşayan şəxslərdən biriyəm və həmin pulu illər uzunu alın təri axıtmaqla əldə etmişdim. Ümidvaram ki, aidiyyəti dövlət qurumları şikayət ərizəmdə qeyd etdiklərimi diqqətdə saxlayacaq və üzüzə qaldığım belə bir problemin həllində mənə lazımi dəstəklərini də ifadə edəcəklər”.