AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Slovakiya Prezidenti Azərbaycana gəlir - Tarix açıqlandı


Tarix 11.07.26, 18:34	Font ölçüsü : - / +

Slovakiya Prezidenti Peter Pelleqrini Prezident İlham Əliyevin dəvəti ilə iyulun 13-də Azərbaycana rəsmi səfər edəcək.

"Report" Slovakiya mediasına istinadən xəbər verir ki, bu barədə Slovakiya Prezidentinin Dəftərxanasından bildirilib.

Səfər Azərbaycan Prezidentinin ötən ilin dekabrında Slovakiyaya baş tutmuş tarixdəki ilk rəsmi səfərinin davamı olacaq.

P.Pelleqrini ilə birlikdə Azərbaycana, Baş nazirin müavini, müdafiə naziri Robert Kalinyak, Baş nazirin müavini, iqtisadiyyat naziri Denisa Sakova, daxili işlər naziri Matuş Şutay Eştok və Slovakiya Milli Bankının rəhbəri Peter Kajimir gələcəklər.

P.Pelleqrini Şəhidlər Xiyabanını ziyarət edəcək, Azərbaycanın Ümummilli Lideri Heydər Əliyevin xatirəsini yad edəcək və Azərbaycanın apostol prefekti, əslən Slovakiyadan olan monsenyor Vladimir Fekete ilə görüşəcək.

Azərbaycanın rəsmi şəxsləri ilə, o cümlədən Prezident İlham Əliyevlə danışıqlar zamanı tərəflər energetika sahəsində əməkdaşlığın dərinləşdirilməsi perspektivlərini, Slovakiya ixracına dəstəyi, sənaye və texnoloji qarşılıqlı fəaliyyətin inkişafını, iki ölkə arasında nəqliyyat əlaqələrinin yaxşılaşdırılmasını, eləcə də münaqişə nəticəsində zərər çəkmiş ərazilərin bərpası və inkişafı layihələrində slovakiyalı tərəfdaşların iştirakını müzakirə edəcəklər.

Bundan başqa, Slovakiya lideri Ağdam rayonuna səfər edəcək, orada Baş Qərvənd kəndindəki "Ağıllı kənd" ("Smart Village") layihəsi ilə tanış olacaq və Milan Rastislav Ştefanik adına yeni məktəbin təməlqoyma mərasimində iştirak edəcək.

P.Pelleqrini, həmçinin Azərbaycanın Baş naziri Əli Əsədov və Milli Məclisin sədri Sahibə Qafarova ilə görüşlər keçirəcək.

Səfər çərçivəsində Bakıda həmçinin iki ölkənin işgüzar dairələrinin nümayəndələrinin iştirakı ilə Slovakiya-Azərbaycan biznes-forumu keçiriləcək. Tədbir ticari-iqtisadi əməkdaşlığın genişləndirilməsi, yeni tərəfdaşlıqların qurulması və Slovakiya şirkətlərinin Azərbaycan bazarında təşviqi üçün platforma olacaq.

Prezidentin Dəftərxanasından bildirilib ki, Bratislava və Bakı arasında yüksək səviyyədə siyasi dialoqun davam etdirilməsi hər iki ölkənin enerji təhlükəsizliyi, iqtisadiyyat, innovasiyalar, nəqliyyat və texnologiyalar da daxil olmaqla, strateji əhəmiyyətli sahələrdə əməkdaşlığı inkişaf etdirmək arzusunu təsdiqləyir.

Xəbərin oxunma sayı : 142