AzFakt

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

“Epşteyn işi” ilə bağlı yeni sənədlər elan olundu - Maskın da adı var


Tarix 31.01.26, 11:32	Font ölçüsü : - / +

ABŞ Ədliyyə Nazirliyi onlarla azyaşlı qızın istismar edildiyi şəbəkə ilə bağlı ittiham olunan milyarder Ceffri Epşteynlə bağlı genişmiqyaslı arxivləri ictimaiyyətə açıqlayıb.

“Qafqazinfo” xəbər verir ki, yayımlanan materiallar arasında yüksək vəzifəli siyasətçilər və iş adamları ilə əlaqələrə dair milyonlarla sənəd, foto və video yer alır.

Yeni açıqlanan elektron yazışmalar amerikalı milyarder İlon Maskın da Epşteynlə təmasda olduğunu göstərir.

ABŞ Baş prokurorunun müavini Todd Blanş Ədliyyə Nazirliyində keçirdiyi mətbuat konfransında Epşteyn işi ilə bağlı 3,5 milyon səhifə sənəd, 180 min foto və 2000 videomaterialın Şəffaflıq Aktına uyğun olaraq yayımlandığını bildirib. Onun sözlərinə görə, sənədlərin hazırlanması prosesində 500-dən çox mütəxəssis çalışıb.

Açıklama yok.

Blanş qeyd edib ki, yayımlanan materiallarda qurbanların kimliyini müəyyən edə biləcək məlumatlar, tibbi qeydlər və uşaq istismarına dair materiallar redaktə edilib. Epşteynin keçmiş sevgilisi Gisleyn Maksvel istisna olmaqla, sənədlərdə adı keçən bütün qadınların üzləri gizlədilib, kişilərin üzləri isə açıq saxlanılıb.

Baş prokurorun müavini bildirib ki, Epşteynlə bir vaxtlar dost münasibətləri olmuş ABŞ Prezidenti Donald Trampla bağlı gizliliyin qorunması üçün heç bir redaktə aparılmayıb. Onun sözlərinə görə, Tramp sənədlərin tam şəffaf şəkildə açıqlanması ilə bağlı göstəriş verib və Konqres üzvləri redaktə olunmamış versiyalara baxa bilərlər.

Yeni yayımlanan sənədlər arasında 2013-cü ilə aid elektron yazışmalar da yer alır. Həmin e-poçtlardan birində milyarder iş adamı İlon Mask Epşteyndən Karib adasına nə vaxt gedə biləcəklərini soruşur. Mask yazışmada Britaniya Vircin Adaları yaxınlığındakı Sent-Bartelmi adasında olacağını və görüş üçün vaxt istəyib.

Epşteynin cavabında Yeni il ərəfəsində uyğun olduğu və “sizin üçün həmişə yerimiz var” ifadəsini işlətdiyi qeyd olunur. Daha sonrakı yazışmalarda Maskın “Ayən 2-də nə vaxt getməliyik?” sualını verdiyi ortaya çıxıb.

İlon Mask daha əvvəl Epşteynin onu adalarından birinə dəvət etdiyini, lakin bu dəvəti rədd etdiyini bildirmişdi. Mask ötən il Donald Trampla yaşadığı mübahisədən sonra Trampı Epşteyn sənədlərini açıqlamamaqda ittiham etmişdi.

Epşteynin onlarla qurbanını təmsil edən vəkil Bredli Edvards sənədlərin kifayət qədər redaktə edilmədiyini və qurbanların məxfiliyinin pozulduğunu iddia edib. ABŞ Ədliyyə Nazirliyinin rəsmi saytında Epşteynlə bağlı materiallara giriş üçün istifadəçilərdən 18 yaşdan yuxarı olduqlarını təsdiqləmələri tələb olunur.

Qeyd edək ki, Ceffri Epşteyn 2019-cu ildə azyaşlılara qarşı cinsi istismar ittihamları ilə mühakimə olunduğu vaxt həbsxanada ölü tapılmış, rəsmi versiyaya görə intihar etdiyi bildirilmişdi.

Xəbərin oxunma sayı : 406