AzFakt

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Kukla Teatrında nə baş verir? - Nazirlik və professordan açıqlamalar


Tarix 09.12.22, 17:58	Font ölçüsü : - / +

Dekabrın 8-də Kukla Teatrında Mədəniyyət Nazirliyinin teatrda başlatdığı yoxlama ilə bağlı direktor Rəşad Əhmədzadə bir qrup teatr əməkdaşları ilə birlikdə mətbuat konfransı keçirib.

AzFakt.com xəbər verir ki, konfransda Rəşad Əhmədzadə və teatrın əməkdaşları teatr haqqında səsləndirilən korrupsiya ilə bağlı fikir və iddialarla razılaşmadıqlarını bildiriblər. Direktor, eləcə də teatrın digər əməkdaşları yoxlamanın ciddi təzyiq altında həyata keçirildiyini, yoxlama aparan nazirlik əməkdaşlarının teatr barədə məlumatsız olduqlarını diqqətə çatdırıblar.

Rəşad Əhmədzadə qeyd edib ki, yoxlama başladıqdan sonra nazir Anar Kərimovla görüşüb. Ona dəfələrlə məktub ünvanladığını bildirib, yoxlamanın kökündə yatan səbəblə maraqlanıb.

Nazir isə ona heç bir məktubun çatmadığını, yoxlama ilə bağlı “yuxarı”dan göstəriş verildiyini deyib.

Bizim.Media səsləndirilmiş iddia və fikirlərlə bağlı Mədəniyyət Nazirliyinin mətbuat xidməti ilə əlaqə saxlayıb. Nazirlikdən bildirilib ki, kütləvi informasiya vasitələrində Kukla teatrında aparılan işçi qaydada yoxlamalarla bağlı ötən həftələrdə məlumat verilib: “Nazirliyin məsələ ilə bağlı mövqeyi budur. Əlavə şərh olmayacaq”.

Mövzu ilə bağlı Bizim.Media-nın suallarını cavablandıran teatrşünas, professor Aydın Talıbzadə isə deyib ki, bu cür yoxlamların mətbuata sızmasını doğru hesab etmir:

“Bu, xoş olmayan bir hadisədir. Teatr elə bir təşkilat deyil ki, orada nəsə əyinti, çox böyük maddi zərərlər olsun. Hesab edirəm ki, ümumiyyətlə, belə yoxlamaların mətbuata sızması da düzgün deyil. Əgər bir naqislik, yoxlamaya ehtiyac varsa, yerindəcə onu həll etmək, direktora “bunu düzəlt” demək yetərlidir. Bunu respublika miqyasında sensasiyaya çevirmək heç düzgün və xoş deyil”.

Aydın müəllim qeyd edib ki, Kukla Teatrında ciddi nöqsanların olduğunu düşünmür:

“Yoxlama aparılır və əgər hər şey qaydasındadırsa, buna görə narahat olmağa dəyməz. Yoxlamanın təzyiq altında aparılmasına gəldikdə isə, bu, mənim üçün anlaşılmazdır. Axı, niyə Kukla Teatrına və Rəşad Əhmədzadəyə qarşı təzyiq olsun? Əgər nazirlik yoxlama aparırsa, deməli, nəsə var. Ancaq mən Rəşad müəllim yaxşı tanıyıram. Çox təmiz, ləyaqətli, dürüst adamdır. Mən Rəşad müəllimin nəsə əyri bir işi olacağını güman etmirəm”.

Xəbərin oxunma sayı : 664