AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Şuşada müdafiə nazirlərinin üçtərəfli görüşü keçirildi - Fotolar


Tarix 02.10.26, 13:35	Font ölçüsü : - / +

Şuşada Azərbaycan müdafiə naziri general-polkovnik Zakir Həsənov, Türkiyə milli müdafiə naziri Yaşar Güler və Gürcüstanın baş nazirinin müavini, müdafiə naziri İrakli Çikovani arasında 13-cü üçtərəfli görüş keçirilib.

AzFakt.com xəbər verir ki, üçtərəfli görüşün açılış mərasimində Azərbaycan müdafiə naziri salamlama çıxışı edib. Ötən il Türkiyədə, ondan əvvəlki ildə isə Gürcüstanda keçirilən görüşləri xoş təəssüratlarla xatırlayan general polkovnik Z.Həsənov xüsusi olaraq qeyd edib ki, ölkələrimiz arasında münasibətlərin yüksək səviyyədə davam etməsində dövlət başçılarının səmimi dostluq münasibətlərinin rolu əvəzsizdir.

Bildirib ki, məhz onların birgə səyləri nəticəsində Azərbaycan-Gürcüstan-Türkiyə üçtərəfli əməkdaşlıq formatı, artıq digər ölkələr üçün nümunə ola biləcək uğurlu regional əməkdaşlıq mexanizminə çevrilərək sülhə, təhlükəsizliyə və sabitliyə böyük töhfələr verməkdədir.

Azərbaycan və Gürcüstanın müdafiə nazirləri baş vermiş təyyarə qəzasında şəhid olan hərbi qulluqçularla bağlı bir daha türkiyəli həmkarına başsağlığı verərək türk xalqının dərdinə şərik olduqlarını ehtiramla bildiriblər.

Keçirilən görüşdə xalqlarımızın əsrlər boyu mehriban qonşuluq və dostluq şəraitində yaşadığı, bu gün də dövlətlərimiz arasında əlaqələrin yüksələn xətt üzrə inkişaf etdiyi qeyd olunub.

Bildirilib ki, qarşılıqlı etimada əsaslanan əməkdaşlıq xalqlarımızın rifahının təmin olunması baxımından böyük önəm kəsb edir.

Görüşdə müasir dövrün çağırışları, eləcə də regionumuzun təhlükəsizliyinə təhdid törədə biləcək amillərlə mübarizədə səylərin birləşdirilməsinin vacibliyi qeyd olunub.

Müdafiə nazirləri üçtərəfli təlim və treninqlərin əhatə dairəsinin genişləndirilməsinin əhəmiyyətini xüsusi vurğulayıblar.

Müdafiə sahəsində üçtərəfli əməkdaşlığın genişlənməsinin sadəcə ölkələrimiz üçün deyil, eləcə də bölgədə sülhün, sabitliyin və təhlükəsizliyin möhkəmlənməsinə də faydalı olacağına əminlik ifadə olunub.

Tərəflər hərbi qulluqçularımızın iştirakı ilə keçirilən “Eternity”, “Qafqaz Qartalı”, həmçinin digər birgə təlimlərin vacibliyini vurğulayaraq, bu tədbirlərin əməkdaşlıq, təcrübə mübadiləsi və ordularımızın müdafiə qüdrətinin yüksəlməsində mühüm rol oynadığını bir daha qeyd ediblər.

Eyni zamanda nazirlər, hərbi, hərbi-texniki, hərbi təhsil və hərbi tibb sahələrində əməkdaşlığı müzakirə edib, üçtərəfli əlaqələrin genişləndirilməsi perspektivləri ilə bağlı təkliflər, eləcə də qarşılıqlı maraq doğuran digər məsələlərə dair ətraflı fikir mübadiləsi aparıblar.

Sonda üçtərəfli görüşün yekununa dair protokol imzalanıb və media nümayəndələri üçün mətbuat konfransı keçirilib.

Konfransda general-polkovnik Zakir Həsənov keçirilən görüşlərin faydalı olduğunu vurğulayaraq ölkələrimiz arasında əməkdaşlığın inkişaf dinamikasından razılıq bildirib, tərəflərin bu əlaqələrin bundan sonra daha da genişləndirilməsi və dərinləşdirilməsi niyyətində olduqlarını qeyd edib.