AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Ən varlı on qadından doqquzu sərvətlərini miras alıb - Təfərrüat


Tarix 02.04.25, 16:35	Font ölçüsü : - / +

“Forbes” jurnalının 2025-ci il üçün açıqladığı dünya milyarderlərinin siyahısında qadınların sayı yavaş-yavaş artsa da, hələ də ümumi milyarderlərin çox az hissəsini təşkil edir.

Yeniavaz.com xəbər verir ki, bu il planetdəki 3 028 milyarderdən cəmi 406-sı qadındır və bu da ümumi milyarderlərin 13,4%-ni təşkil edir. Müqayisə üçün bildirək ki, 2024-cü ildə qadın milyarderlərin sayı 369 olub.

Ən varlı qadın “Walmart” şirkətinin varisi Alisa Volton hesab olunur. O, “Walmart”ın qurucusu Sem Voltonun qızıdır. Təxminən 101 milyard dollarlıq sərvət ona atasından miras qalıb. O, uzun müddətdir ki, “L`Oréal” şirkətinin varisi Fransua Bettenkurt Meyers ilə liderlik uğrunda mübarizə aparır. Bettenkurt Meyersin sərvəti hazırda 81,6 milyard dollardır.

Qeyd edək ki, sərvətinin böyük bir hissəsini anasından miras olaraq alan Bettenkurt Meyers 2023-cü ildə 100 milyard dollarlıq sərvətə çatan ilk qadın kimi tarixə düşüb. Lakin “Walmart” səhmlərinin bahalaşması və “L`Oréal” səhmlərinin dəyər itirməsi fonunda Alisa Volton yenidən lider mövqeyə qayıdıb.

Siyahının üçüncü və dördüncü yerlərində məşhur milyarder Devid Koxun dul arvadı Culiya Kox və “Mars” qənnadı şirkətinin varisi Jaklin Mars qərarlaşıb. Ən varlı on qadından doqquzu sərvətlərini miras alıb.

İlk beşliyə düşən yeganə sahibkar Rafaela Aponte-Diamantdır. 37,7 milyard dollarlıq sərvəti ilə o, İsveçrənin ən böyük gəmiçilik şirkətinin həmtəsisçisidir.

Bu il avstraliyalı mədən maqnatları Gina Rinehart və MacKenzie Skott ilk onluqdakı yerlərini itiriblər. Onların yerini Bill Qeytsin keçmiş həyat yoldaşı Melinda Frensis Qeyts və hedc fondları əfsanəsi Cim Simonsun dul arvadı Merilin Simons tutub.

Yeni milyarderlər arasında Martine Rothblatt (2,9 milyard dollar sərvətə sahib, “United Therapeutics”in qurucusu) və Tatyana Volodina (1 milyard dollar sərvətə sahib, rus kosmetika şirkəti “L`Etoile”in sahibi) da var.

Bundan əlavə, tanınmış simalardan – teleaparıcı Opra Uinfri və müğənni Teylor Svift də siyahıya daxildir. Xüsusilə, müğənni Teylor Sviftin sərvəti son bir il ərzində 45% artıb. Onun 17 mart 2023-cü il tarixindən 8 dekabr 2024-cü il tarixinə qədər olan dövr ərzində baş tutan “Eras Turu” adlı konsertlərdən təxminən 2 milyard dollar qazanc əldə etdiyi bildirilir. Bu tarixdə ən çox gəlir gətirən konsert turu hesab olunur.

Xəbərin oxunma sayı : 1039