AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

112 min manatlıq qanunsuz qumar əməliyyatı - TƏFƏRRÜAT


Tarix 28.09.26, 15:36	Font ölçüsü : - / +

Qazaxıstan ərazisində internet vasitəsilə qeyri-qanuni qumar oyunları təşkil edərək 112 min manatdan çox qanunsuz gəlir əldə etməkdə təqsirləndirilən şəxsə hökm oxunub.

Qaynarinfo xəbər verir ki, iş materiallarına əsasən, müttəhim 2023-cü ilin sentyabr ayının əvvəlində Qazaxıstanın Almatı şəhərində olarkən həmin ölkənin iki vətəndaşı ilə qabaqcadan əlbir olaraq “Telegram” platformasında “Grand Casino KZ” onlayn kazino oyunlarının təşkilində iştirak edib.

Araşdırma zamanı müəyyən edilib ki, qanunsuz qumar oyunları Qazaxıstanın oyun biznesi haqqında qanunvericiliyi ilə müəyyən edilmiş məkanlardan kənarda, internet informasiya ehtiyatlarından və informasiya-telekommunikasiya şəbəkələrindən istifadə edilməklə təşkil olunub.

İttihama görə, həmin oyunlar həm Qazaxıstan, həm də Azərbaycan ərazisindən onlayn idarə edilib və nəticədə ümumilikdə 112 682,77 manat qanunsuz gəlir əldə olunub.

Məhkəmə araşdırması zamanı məlum olub ki, sözügedən vəsait Qazaxıstanda fəaliyyət göstərən “KaspiBank”ın müxtəlif şəxslərin adına açılmış bank hesablarına daxil olub.

Müttəhim isə məhkəmədə ittihamı qəbul etməyib. O, ifadəsində Qazaxıstan vətəndaşı olan Ramil adlı şəxslə ortaq dostları vasitəsilə tanış olduğunu bildirib.

Onun sözlərinə görə, Ramil Azərbaycanda müvəqqəti qeydiyyata düşmək üçün ona müraciət edib və bunun müqabilində 300 manat pul verib. Daha sonra Ramil Çindən mal gətirib ticarətlə məşğul olmaq istədiyini deyərək bank kartlarının məlumatlarını istəyib.

Müttəhim bildirib ki, Ramilin kartlardan qumar oyunları üçün istifadə etməsindən xəbəri olmayıb. Onun sözlərinə görə, kart məlumatlarının istifadəsinə görə Ramil ona ayda təxminən 600-1 000 manat arasında pul göndərib.

Məhkəmədə verilən ifadəyə əsasən, müttəhim beş bank kartının məlumatlarını həmin şəxsə təqdim edib. O, kartlardan ikisinin öz adına, ikisinin qardaşının adına Azərbaycanda, birinin isə Qazaxıstanda öz adına açıldığını deyib.

Müttəhim həmçinin Qazaxıstana 2023 və 2024-cü illərdə musiqiçi kimi konsertlərlə əlaqədar getdiyini, lakin onlayn qumar fəaliyyəti barədə məlumatının olmadığını bildirib.

Məhkəmə araşdırması nəticəsində onun təqsirli olduğu qənaətinə gəlinib.

Müttəhim Cinayət Məcəlləsinin 244-1.2.2-ci maddəsi (qabaqcadan əlbir olan bir qrup şəxs tərəfindən qanunsuz qumar oyunlarının təşkili və ya keçirilməsi), 244-1.2.4-cü maddəsi (internet informasiya ehtiyatlarından və informasiya-telekommunikasiya şəbəkələrindən istifadə etməklə qanunsuz qumar oyunlarının təşkili və ya keçirilməsi) və 244-1.2.5-ci maddəsi (xeyli miqdarda qanunsuz gəlir əldə etməklə törədilən qanunsuz qumar fəaliyyəti) ilə təqsirli bilinib.

Məhkəmənin hökmü ilə ona 3 il müddətinə azadlığın məhdudlaşdırılması cəzası təyin edilib.

Xəbərin oxunma sayı : 79