AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Ukrayna və ABŞ cəbhədə atəşkəs və sonrakı sazişi nəzərdən keçirir - “The Economist”


Tarix 19.06.26, 14:24	Font ölçüsü : - / +

Ukrayna və ABŞ cəbhə xətti boyunca hərbi əməliyyatların dayandırılmasını və daha sonra genişmiqyaslı sazişin bağlanmasını nəzərdən keçirir.

Bu barədə "The Economist” yazıb.

Eyni zamanda qeyd olunur ki, Rusiya Prezidenti Vladimir Putinin Ukraynaya qarşı müharibədən imtina edəcəyi gözlənilmir.

Hazırda ABŞ və Rusiya arasında qeyri-rəsmi danışıqların yenidən başladığı, Ukrayna ilə Donald Trampın komandası arasında isə gündəlik təmasların olduğu bildirilir. Müzakirə edilən variantlardan biri iki mərhələli atəşkəs planıdır: ilk mərhələdə cəbhə xəttinin hər iki tərəfində 50–70 km enində zonada döyüş əməliyyatlarının məhdudlaşdırılması, daha sonra isə daha geniş sülh sazişinin imzalanması.

Yüksək vəzifəli ukraynalı bir məmurun sözlərinə görə, Rusiyanın oktyabra qədər ciddi addım atması ehtimalı azdır. O hesab edir ki, Moskva Trampa siyasi üstünlük qazandıracaq addımlar müqabilində nəsə əldə etməyə çalışa bilər.

Nəşrin proqnozuna görə, daha real ssenari Rusiyanın danışıqları növbəti yaza qədər uzatmasıdır. Kreml isə bu müddətdə Ukraynanın enerji infrastrukturuna qarşı raket və dronlarla aparılan qış hücumlarının Kiyevi güzəştlərə məcbur edəcəyinə ümid edə bilər.

"The Economist” həmçinin qeyd edir ki, Putinin müharibədən imtina edəcəyini gözləmək və ya hər hansı atəşkəsin müharibəni avtomatik dayandıracağını düşünmək düzgün olmazdı. Bununla belə, müharibənin yaratdığı yeni siyasi reallıqlar formalaşır və bu prosesdə əsas rolu Ukrayna tərəfi oynayır.

Ukraynalı diplomat Lana Zerkal bildirib ki, Putin əvvəllər müharibəni cəmiyyətdən uzaq göstərməyə çalışırdı, lakin indi ruslar döyüşlərin nəticələrini birbaşa müşahidə edir və bunu gizlətmək mümkün deyil.

Müharibənin mümkün sonu ilə bağlı digər fikirlər də səsləndirilib. Maliyyə analitiki və iqtisadçı Oleksiy Kuşun sözlərinə görə, müharibənin başa çatması üçün baza ssenari 2029-cu il kimi qiymətləndirilə bilər. Onun proqnozuna əsasən, münaqişə ya 2028-ci ilin yayında, ya da 2029-cu ilin yayında başa çata bilər.

Eyni zamanda Almaniyanın müdafiə naziri Boris Pistorius Rusiyanın strateji dalana dirəndiyini və Ukraynaya dəstəyin nəticə verdiyini bildirib. O qeyd edib ki, Kreml artıq müharibənin mənfi nəticələrini gizlədə bilmir və bu təsirlər Rusiya əhalisi tərəfindən də hiss olunur.

Xəbərin oxunma sayı : 187