AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaşı 65 olanların nəzərinə: 2030-cu ilə qədər...


Tarix 22.05.26, 13:07	Font ölçüsü : - / +

Qlobal demoqrafik strukturda böyük dəyişiklik gözlənilir.

AzFakt.com Musavat.com-a istinadən xəbər verir ki, mütəxəssislərin fikrincə, 2030-cu ilə qədər 65 yaş və üzəri əhalinin sayı gənc əhalini ötəcək və yaşlıların sayı 5 yaşdan kiçik uşaqların sayından iki dəfə çox olacaq.

Birləşmiş Millətlər Təşkilatının bu proqnozları dünya üzrə yaşlı əhali ilə bağlı siyasətlərin və sosial dəstək sistemlərinin yenidən nəzərdən keçirilməsini zəruri edir. Xüsusilə Asiya və Avropa ölkələri yaşlanan əhali problemi ilə mübarizə aparmağa çalışır.

BMT-nin son hesablamalarına görə, dünya əhalisi 2030-cu ildə təxminən 8,5 milyarda, 2050-ci ildə isə 9,7 milyarda çatacaq. 2100-cü ildə isə bu rəqəmin 10,4 milyard olacağı proqnozlaşdırılır.

Məlumata görə, 2030-cu ildə qlobal miqyasda 65 yaş və üzəri insanların sayı 15-24 yaş arası gənclərin sayını keçəcək. Eyni zamanda yaşlı əhali 5 yaşdan aşağı uşaqların sayından iki dəfə çox olacaq.

Araşdırmalara əsasən, dünyada 65 yaş və üzəri insanların sayı 2050-ci ildə iki dəfədən çox artaraq 1,6 milyarda çatacaq. Bu baş verərsə, yaşlılar dünya əhalisinin 16 faizindən çoxunu təşkil edəcək.

BMT-nin 2023 Dünya Sosial Hesabatına görə, dünyanın ən yaşlı əhalisi Asiya və Avropada yaşayır. Əhalisinin 30 faizi 65 yaşdan yuxarı olan Yaponiya siyahıya başçılıq edir. İtaliya 23 faizlə ikinci yerdədir. Finlandiya, Portuqaliya və Yunanıstanda isə yaşlı əhalinin payı təxminən 22 faizdir.

Digər tərəfdən, Çinin Honq-Konq Xüsusi İnzibati Bölgəsi və Cənubi Koreyada yaşlı əhalinin payının gələcəkdə 40 faizə çataraq Yaponiyanı keçəcəyi düşünülür.

Mütəxəssislər bildirirlər ki, inkişaf etməkdə olan ölkələrdə əhalinin qocalması inkişaf etmiş ölkələrlə müqayisədə daha sürətlə gedir. 2050-ci ilə qədər yaşlı əhalinin böyük hissəsinin inkişaf etməkdə olan ölkələrdə yaşayacağı gözlənilir.

BMT yaşlı insanların ehtiyaclarına uyğun səhiyyə, sosial xidmət və baxım sistemlərinin gücləndirilməsinə çağırış edir. Xüsusilə demensiya kimi xəstəliklərdən əziyyət çəkən yaşlılara dəstəyin artırılmasının vacibliyi vurğulanır.

Xəbərin oxunma sayı : 175