AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Nəcməddin Sadıkovun dindirilməsi istənilib - “Şlyapa Zahid”in məhkəməsi


Tarix 19.06.25, 16:31	Font ölçüsü : - / +

Müdafiə Nazirliyinin Daxili Təhlükəsizlik, həmçinin Təhsil-tədris və Elmi Tədqiqatlar İdarəsinin sabiq baş zabiti, 42 milyonluq mənimsəmədə ittiham olunan Zahid Niftəliyevin ("Şlyapa Zahid") barəsində Dövlət Təhlükəsizliyi Xidmətində (DTX) başlanılmış cinayət işi üzrə məhkəmə prosesi davam etdirilib.

APA xəbər verir ki, Bakı Ağır Cinayətlər Məhkəməsində hakim Novruz Kərimovun sədrliyi ilə keçirilən prosesdə Zahid Niftəliyevin vəkili Əli Adıgözəlov vəsatətlərlə çıxış edib.

Ətraflı Ad - 00:28 O, təqsirləndirilən şəxsin banka gedib-getmədiyini müəyyən etmək üçün müvəkkilinin mobil telefonunun anten məlumatlarının götürülməsi ilə bağlı vəsatət verib.

Vəsatət təmin edilməyib.

Digər vəsatət Nəcməddin Sadıkovun, ləğv edilmiş "AtaBank"ın sədri Dəyanət Quliyevin, həmin bankın xəzinədarı Barat Hüseynovun şahid kimi prosesə çağırılması və Solmaz Əliyeva ilə Şəhla Abdulrahmanovanın yenidən dindirilməsi ilə bağlı olub.

Vəsatət təmin olunmayıb.

Bundan başqa, Z.Niftəliyevin şəxsiyyəti və səhhəti ilə bağlı məlumatların yekun hökm çıxarılanda nəzərə alınması ilə bağlı vəsatət verilib. Qeyd olunub ki, o, Birinci Qarabağ müharibəsi iştirakçısı və qazisidir. Müharibədə kəllə-beyin travması alıb, ona ömürlük pensiya təyin olunub. Təqsirləndirilən şəxsin ürəyi, böyrəyi xəstədir və şəkərdən də əziyyət çəkir.

Məhkəmə vəsatəti təmin edib.

Vəkil, həmçinin kreditin götürüldüyünü müəyyən edən sənədin əslinin məhkəməyə təqdim olunması və iş üzrə ekspertizanın təyin olunması ilə bağlı vəsatət qaldırıb.

Bu vəsatət təmin olunmayıb.

Zahid Niftəliyev məhkəmədən dindirilməyən şahidin prosesə gətirilməsini xahiş edib: "Bu işlərin birincisi, başçısı Mahir Rəfiyev olub. Xahiş edirəm o dindirilsin".

Daha sonra Mahir Rəfiyevin ibtidai istintaqa verdiyi ifadə elan olunub.

M.Rəfiyev ifadəsində bildirib ki, o, "AtaBank"ın səhmdarlarından biri olub. Keçmiş vergilər naziri Fazil Məmmədovun göstərişi ilə “AtaBank”dan Nəcməddin Sadıkovun göndərdiyi, “Şahin-CO”nun təsisçisi olduğunu bildiyi Zahid Niftəliyevə kreditin təyin olunmasını təmin edib.

Z.Niftəliyev bildirib ki, iki dəfə şirkətin ləğv olunması ilə bağlı olan sənədləri imzalayıb: "İndi mən başa düşdüm ki, onlar mənə oyun oynayıblar. Mən Fazil Məmmədov işdən çıxandan sonra bildim ki, adıma kredit var".

Məhkəmə Mahir Rəfiyevin prosesdə dindirilməsinə ehtiyac görməyib.

Proses iyunun 25-də davam etdiriləcək.

Qeyd edək ki, Zahid Niftəliyev rüşvət almaqda ittiham olunaraq bir müddət əvvəl həbs olunub. Ona Tərtər Hərbi Məhkəməsinin hökmü ilə şərti cəza verilib, azadlığa buraxılıb. Daha sonra o, DTX-nin İstintaq baş idarəsi tərəfindən həbs edilib. İstintaq dövründə Gəncə Apellyasiya Məhkəməsi prokurorluğun Tərtər Hərbi Məhkəməsinin hökmü ilə bağlı protestini təmin edib. Zahid Niftəliyev vəzifə saxtakarlığı və külli miqdarda rüşvət almaqda təqsirli bilinərək 8 il 6 ay müddətinə azadlıqdan məhrum edilib. Bundan başqa Zahid Niftəliyev hazırda məhkəmədə araşdırılan cinayət işi üzrə öz adına formal şirkət açaraq “AtaBank”dan götürülmüş 42 milyon manat kredit vəsaiti üzrə çıxarılmış məhkəmə qətnaməsini qərəzli olaraq icra etməməkdə ittiham olunur. İttihama əsasən, Zahid Niftəliyev məqsədyönlü şəkildə həmin məbləğdə kredit almaq məqsədilə “Şahin-CO” adlı şirkət yaradıb, şirkət təsərrüfat və maliyyə vəziyyəti barədə “AtaBank” ASC-yə müvafiq məlumatlar təqdim etməklə 2016-cı ildə 12 ay müddətinə 42 milyon 470 min 885 manat kredit alaraq xüsusilə külli miqdarda ziyan vurub. O, götürülmüş kreditin ləğv prosesində olan “AtaBank” ASC-yə ödənilməsi ilə bağlı məhkəmə qətnamələrini qərəzli olaraq icra etməyib. Onu da qeyd edək ki, xüsusilə külli miqdarda mənimsəmə cinayətində iştirakı araşdırılan digər şəxslərlə bağlı DTX-də cinayət işi ayrılıb.

Xəbərin oxunma sayı : 1123