AzFakt

Azərbaycanla Ermənistan razılaşdı: Qazaxın 4 kəndi qaytarılır

“Express Bank” iflas ərəfəsində - Şirkətlər bankdan 25 milyondan çox depoziti geri çəkiblər

Rusiya sülhməramlı kontingentinin Azərbaycandan çıxması prosesi başlayıb - VİDEO

Deputat Ülvi Quliyev Nəsimi rayonunda torpaq zəbt edib? - FOTOLAR

Digərlərinin ağlı ilə hərəkət edən Ermənistan - VİDEO

“Ermənistan müharibəyə təhrik edilir“ - DTX rəisi kəşfiyyat məlumatlarını açıqladı

Mərkəzi Kəşfiyyat İdarəsi terror hücumlarından necə xəbər tuta bilir? – ŞƏRH

Ərdoğan Qərbi belə mat etdi – Türk əsri başlayıb

Fəxri Kazımov nüfuzlu şəxsləri Taleh Kazımovla Elnur Əliyevə minnətçi salır - Vəzifədə qalmaq üçün

Bəxtiyar Əsgərov məsələsi Fuad Nəcəflini çətin duruma salıb - Naxçıvana ardı-arası kəsilməyən zənglər...

Samir Şərifov Bakıda biznes mərkəzi tikdirir? - FOTOLAR

Pekin dünya üçün “Çin şoku” hazırlayır – Bazarları ucuz məhsulları ilə dolduracaq

Eldar Əzizovun “tender camaşırxanası“: Mirzəyevlə Mehralıyevin “it yemi satınalması“

“Xocalı qurbanlarının qisasını aldıq!“ - Prezidentin Xocalıdakı çıxışı (FOTOLAR)

Milli Məclisin İntizam Komissiyası Erkin Qədirlini müzakirəyə çıxara bilər


Tarix 26.01.23, 12:25	Font ölçüsü : - / +

"Milli Məclisin İntizam Komissiyasına Erkin Qədirli ilə bağlı müraciət daxil olarsa, baxıb qərar qəbul edəcəyik".

Bunu "Report"a açıqlamasında Milli Məclisin İntizam Komissiyasının sədr müavini, deputat Fəzail Ağamalı deyib.

O, Erkin Qədirlinin yanvarın 25-də verdiyi qalmaqallı açıqlamasının kifayət qədər hiddət doğurduğunu bildirib. Deputat qeyd edib ki, həmkarı bəhs olunan açıqlamalarla arqumentə, reallığa söykənmədən xalqın etimadını qazanan bütün deputatların seçimini, Azərbaycanda gedən demokratik prosesləri şübhə altında qoyub:

"Bu, əslində illərdən bəri Azərbaycana qarşı fəaliyyət göstərən, şər, böhtan, iftira yağdıran anti-Azərbaycan qüvvələrinin içərisində yer almaq deməkdir".

Onun sözlərinə görə, əgər Erkin Qədirli həqiqətən də demokratik yolla deputat seçilməyibsə, onda ötən üç il ərzində mandatından imtina etməliydi. Bununla da özünün indi demiş olduğu fikirlərə uyğun addım atmış olardı:

"Bu zaman ona kimsə hansısa formada haqq qazandıra bilərdi. Ancaq üç il mandatdan, onun səlahiyyətlərindən istifadə edib, Milli Məclisin plenar və komitə iclaslarında iştirak edib, özünü bu platformadan cəmiyyətə tanıdıb, daha sonra bu gün ölkədə gedən demokratik proseslərə böhtan atmaq heç bir dəyərə, qərəzsiz və səmimi fikirlərə söykənmir. Ona görə də Erkin Qədirlinin bu fikirlərini rədd edir, eyni zamanda dediklərini özümə qarşı böhtan kimi dəyərləndirirəm. Fikrimcə, bəlkə də bütün deputatlarımız mənim bu fikirlərimlə razılaşar ki, ötən seçkilərdə yetərincə çətin bir rəqabət mühiti var idi və o zaman mən xalqın dəstəyi ilə digər namizədlərə qalib gələ bildim".

"İntizam Komissiyasının üzvü kimi hazırda məsələ ilə bağlı mənə çoxsaylı suallar ünvanlanır. Milli Məclisin Nizamnaməsinə və İntizam Komissiyasının əsasnaməsinə uyğun olaraq bu və ya digər deputatın fəaliyyətində Nizamnamə və Əsasnamənin qaydaları pozularsa, bu, ölkə rəhbərliyi tərəfindən gündəliyə gətirilir

Belə ki, araşdırmalar aparılır və ehtiyac olarsa, İntizam Komissiyasına təqdim edilir. İntizam Komissiyası da həmin deputatın əməllərini obyektiv və qərəzsiz müzakirə edərək qərar verir. Hələ ki, məndə olan məlumata görə, bununla bağlı İntizam Komissiyasına müraciət olunmayıb. Baxaq görək Milli Məclis rəhbərliyinin məsələyə münasibəti nə olacaq. Biz də İntizam Komissiyası kimi Əsasnaməyə söykənərək müzarəkirələr aparıb məsələ ilə bağlı müvafiq qərarımızı verəcəyik".

Qeyd edək ki, ötən gün E.Qədirli "Bizdə demokratik seçki yoxdur" deyə açıqlama verib.

Xəbərin oxunma sayı : 319