AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Ceyhun Bayramov Çinin xarici işlər naziri ilə görüşüb - Nyu-Yorkda


Tarix 27.05.26, 9:32	Font ölçüsü : - / +

26 may tarixində Azərbaycan xarici işlər naziri Ceyhun Bayramov Nyu-York şəhərinə işgüzar səfəri çərçivəsində Çin Xalq Respublikasının xarici işlər naziri Van İ ilə görüş keçirib.

AzFakt.com xəbər verir ki, bu barədə Xarici İşlər Nazirliyi (XİN) məlumat yayıb.

Görüş zamanı BMT Təhlükəsizlik Şurasında "Beynəlxalq sülh və təhlükəsizliyin qorunması: BMT Nizamnaməsinin məqsəd və prinsiplərinə hörmət və BMT mərkəzli beynəlxalq sistemin gücləndirilməsi" mövzusunda açıq müzakirələrin təşkilinə görə Çin tərəfinə təşəkkür ifadə olunub və bu təşəbbüsün mövcud qlobal çağırışlar fonunda xüsusi əhəmiyyət daşıdığı vurğulanıb.

Tərəflər Azərbaycan ilə Çin arasında münasibətlərin dinamik inkişafından məmnunluq ifadə edərək, son illər yüksəksəviyyəli siyasi dialoqun və qarşılıqlı etimada əsaslanan tərəfdaşlığın yeni mərhələyə qədəm qoymasına mühüm töhfə verdiyini qeyd ediblər. Bu çərçivədə, iki ölkə arasında 2025-ci ildə hərtərəfli strateji tərəfdaşlıq münasibətlərinin təsis edilməsinin əlaqələrin daha da möhkəmlənməsində mühüm rol oynadığı bildirilib.

Azərbaycan Respublikası Prezidentinin 2025-ci ildə Çinə dövlət səfəri çərçivəsində əldə olunmuş razılaşmaların və imzalanmış sənədlərin müxtəlif istiqamətlər üzrə əməkdaşlığın genişlənməsinə müstəsna imkanlar yaratdığı diqqətə çatdırılıb. Eyni zamanda, 2027-ci ildə Azərbaycan ilə Çin arasında diplomatik münasibətlərin qurulmasının 35 illiyinin qeyd olunacağı vurğulanaraq, bu yubileyin ikitərəfli əlaqələrin daha da inkişafına təkan verəcəyi qeyd edilib.

Görüş zamanı ticarət, investisiya, nəqliyyat və logistika, enerji təhlükəsizliyi, yaşıl enerji, sənaye, rəqəmsal innovasiyalar, kənd təsərrüfatı, elm, təhsil və humanitar sahələrdə əməkdaşlığın genişləndirilməsi üçün mövcud potensial yüksək qiymətləndirilib. Ölkəmizdə Çin sərmayəsi ilə istehsal müəssisələrinin fəaliyyətinin iqtisadi əməkdaşlığa töhfəsi vurğulanıb. Orta Dəhliz və Transxəzər Beynəlxalq Nəqliyyat Marşrutunun inkişafı çərçivəsində həyata keçirilən birgə layihələrin strateji əhəmiyyəti qeyd olunub. Ölkələrimiz arasında viza tələbinin aradan qaldırılmasının insanlar arasında təmasların artmasına müsbət töhfə verdiyi diqqətə çatdırılıb.

Beynəlxalq və regional təşkilatlar çərçivəsində qarşılıqlı dəstək və əməkdaşlığın davam etdirilməsinin vacibliyi qeyd olunub. BMT, AQEM, Qoşulmama Hərəkatı və digər çoxtərəfli platformalarda birgə fəaliyyətin perspektivləri ətrafında fikir mübadiləsi aparılıb.

Çin nümayəndə heyətinin cari ilin may ayında Azərbaycanda keçirilmiş Ümumdünya Şəhərsalma Forumunun 13-cü sessiyasında fəal iştirakından məmnunluq ifadə olunub və bu iştirakın çoxtərəfli əməkdaşlığın inkişafına mühüm töhfə verdiyi bildirilib.

Xalqlararası münasibətlərin möhkəmləndirilməsinin vacibliyi vurğulanaraq, təhsil, mədəniyyət, turizm və gənclər arasında mübadilə proqramlarının genişləndirilməsinin uzunmüddətli tərəfdaşlığın inkişafında xüsusi rol oynadığı qeyd edilib.

Bununla yanaşı, regional təhlükəsizlik məsələləri nəzərdən keçirilib. Çin vətəndaşlarının İrandan təxliyəsi üçün göstərilən dəstəyə görə ölkəmizə minnətdarlıq bildirilib.

Görüş zamanı qarşılıqlı maraq doğuran digər regional və beynəlxalq məsələlər müzakirə edilib.