AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

BSU-da Anar Nağıyevin bərbad idarəçiliyi - Akademik mühiti iflic edib


Tarix 19.02.26, 23:43	Font ölçüsü : - / +

Bakı Slavyan Universitetində (BSU) gərginlik səngimək bilmir. Universitet daxilindən redaksiyamıza daxil olan məlumatlar göstərir ki, Anar Nağıyevin rektor təyin olunmasından sonra ali təhsil ocağında sağlam akademik mühit deyil, daxili çəkişmələr, idarəetmə xaosu və dərin narazılıq hökm sürür. Adının çəkilməsini istəməyən əməkdaşların sözlərinə görə, son aylarda universitetdə peşəkar idarəçilik prinsipləri arxa plana keçib, qərarlar isə sistemli strategiyaya deyil, şəxsi münasibətlər və qapalı çevrə maraqlarına əsaslanır. Bu isə birbaşa olaraq universitetin nüfuzuna və gələcəyinə zərbə vurur.

Elm və Təhsil Nazirliyinin ən uğursuz kadrı? BSU rektoru Anar Nağıyev ətrafında qalmaqallar bitmir- adlı sərlövhəli məqaləmizdə ali təhsil müəssisəsinin akkreditasiya prosesi ətrafında yaranmış suallar və mümkün uyğunsuzluqlar gündəmə gətirilmişdi.Məlumata əsasən, BSU-nun akkreditasiyadan keçə bilməməsinin əsas səbəbi kimi rektorun yanlış idarəetmə qərarları və səriştəsiz komandasının fəaliyyəti göstərilir. Bildirilir ki, yoxlama komissiyası tərəfindən kifayət qədər ciddi nöqsanlar aşkarlanıb və onların aradan qaldırılması üçün universitetə vaxt verilib.

Mediatv.az xəbər verir ki,bu fakt özü-özlüyündə ali təhsil müəssisəsi üçün ciddi siqnaldır. Çünki akkreditasiyadan keçə bilməmək təkcə texniki çatışmazlıq deyil – bu, idarəetmə, elmi fəaliyyət, kadr siyasəti və strateji planlaşdırma sahəsində sistemli problemlərin göstəricisidir. Əməkdaşların iddiasına görə, problemlərin kökündə peşəkar akademik idarəetmə modelinin sıradan çıxarılması dayanır. Təcrübəli və nüfuzlu müəllim heyətinin qərarvermə prosesindən kənarlaşdırılması isə vəziyyəti daha da ağırlaşdırıb.

Mənbələrin bildirdiyinə görə, rektorun şəxsi istəyi ilə universitetdə fəaliyyət göstərən bir sıra dil və mədəniyyət mərkəzləri də bağlanıb. Halbuki, BSU-nun əsas missiyası məhz slavyan dilləri və mədəniyyətlərinin tədrisi və təşviqi ilə bağlıdır. Bu mərkəzlərin fəaliyyəti universitetin beynəlxalq imicinin və elmi əlaqələrinin formalaşmasında mühüm rol oynayırdı. Digər tərəfdən, uzun illər bu ali təhsil ocağında çalışmış təcrübəli professor-müəllim heyətinin “sındırılması”, qərarvermə prosesindən kənarlaşdırılması və mənəvi təzyiqlərə məruz qalması ilə bağlı da iddialar səslənir. İddialara görə, rektor təcrübəli kadrları dəstəkləmək əvəzinə, onları sistemdən uzaqlaşdırmağa üstünlük verir.

“Katiblik modeli”: Səlahiyyət, amma məsuliyyət varmı?

Ən çox narazılıq doğuran məsələlərdən biri isə universitetə aid olmayan formada yaradıldığı iddia edilən Rektorun Katibliyidir. Bildirilir ki, bu strukturun rəhbərliyinə rektorun katibəsi təyin olunub və ona geniş, faktiki olaraq limitsiz səlahiyyətlər verilib. Lakin sual yaranır:bu səlahiyyətlərin hüquqi əsası nədir? Onların icrası hansı normativ aktlarla tənzimlənir? Universitet daxilində şəffaflıq və hesabatlılıq mexanizmi mövcuddurmu?

Əgər ali təhsil müəssisəsində qərarların böyük hissəsi akademik şuralardan deyil, qeyri-formal strukturlardan çıxırsa, bu artıq dərin böhran əlamətidir. Kollektiv üzvlərinin iddiasına görə, rektor təhsil və elmi problemlərin həlli ilə məşğul olmaq əvəzinə daha çox şəxsi imici və zahiri görüntüsü ilə gündəmə gəlir. Halbuki, universitet bu gün elmi göstəricilər, beynəlxalq reytinqlər, keyfiyyət təminatı mexanizmləri və tələbə məmnuniyyəti kimi fundamental məsələlərdə ciddi çağırışlarla üz-üzədir.

Professor-müəllim heyəti isə faktiki olaraq diplomu və akademik təcrübəsi sual doğuran şəxslərdən ibarət “komandanın” ümidinə buraxılıb. Bu komandanın daha yüksək maaş alması isə kollektiv daxilində sosial ədalət prinsipinin pozulduğu barədə iddiaları gücləndirir. BSU-nun qocaman və nüfuzlu kollektivi hesab edir ki, universitetin son illərdə bu qədər dəyərdən düşməsi təsadüfi deyil. Bu, konkret idarəçilik xəttinin və yanlış kadr siyasətinin nəticəsidir.Ali təhsil müəssisəsi şəxsi ambisiyaların deyil, elmin, akademik azadlığın və peşəkar idarəçiliyin məkanı olmalıdır.

Bakı Slavyan Universiteti-də 1,8 milyonluq təmir: Pullar hara xərclənib?

Ötən il Bakı Slavyan Universitetinin təmir-bərpa işləri üçün 1,8 milyon manat vəsait ayrıldığı bildirilir. Lakin universitet binasında real vəziyyət bu rəqəmlə uzlaşmır.Daxil olmuş məlumatlara görə, təmir işləri yalnız iki mərtəbədə natamam şəkildə aparılıb, digər sahələr isə ya ümumiyyətlə toxunulmaz qalıb, ya da kosmetik dəyişikliklərlə kifayətlənilib. Bu halda əsas sual açıq qalır, 1,8 milyon manatlıq büdcə hansı istiqamətlər üzrə və hansı müqavilələr əsasında xərclənib,şəffaflıq varmı? Ekspertlərin hesablamalarına görə, 1,8 milyon manatlıq vəsaitlə universitet tipli binada əsaslı təmir işləri geniş miqyasda aparıla bilər. Əgər nəticədə cəmi iki mərtəbə də natamam vəziyyətdədirsə, o zaman veriləsi suallar çoxalır. Bu suallarla bağlı universitet rəhbərliyinin və aidiyyəti qurumların rəsmi mövqeyi məsələyə aydınlıq gətirə bilər. Dövlət vəsaiti – ictimai etimad deməkdir. Bu etimad isə yalnız şəffaflıqla qorunur.

Qarşı tərəfin də mövqeyini dərc etməyə hazırıq.

Xəbərin oxunma sayı : 184