Yeniavaz.com xəbər verir ki, o, bu barədə CNN telekanalına müsahibəsində bildirib.

“Əlbəttə. Belə bir şeyi kim istəməz ki? Ancaq mənə belə bir vəzifə təklif ediləcəkmi? Ehtimal çox azdır. Amma məni nəzərə almalarını istərdimmi? Bəli”, - deyə Kallas alyansın növbəti baş katibi olmaq istəyib-istəməyəcəyi barədə suala cavab verib.

Qeyd edək ki, daha əvvəl “Politico” qəzeti Estoniyanın Baş naziri Kaya Kallasın NATO-nun baş katibi postunu tutmağa hazır olduğunu xəbər vermişdi. Bundan əvvəl Hollandiyanın Baş naziri Mark Rutte də oxşar arzu ilə çıxış etmişdi.

Xatırladaq ki, avqust ayında NATO-nun Baş katibi Yens Stoltenberq səlahiyyətlərinin son dəfə uzadıldığını elan etmiş və səlahiyyətlərinin 2024-cü ilin oktyabrına qədər davam edəcəyini bildirmişdi.